Manmohan Singh sorkar in Bihar Prez Rule thu’a SC kajol ding’in eino...

Manmohan Singh sorkar in Bihar Prez Rule thu’a SC kajol ding’in eino uve: HR Bhardwaj

138
0
SHARE

 

New Delhi, Jan 15 (Zeenews): Union law minister anahi HR Bhardwaj in achesa 2005 kum’a Bihar gam’a President rule kikoi ding thu’a hin Manmohan Singh in Supreme Court in amaho deibang’a thutanna anei ding’a aseiye, tia thuphon aneihi Congress ding’a jumna lentah ahitai.
Judge 5 panna Supreme Court in Bihar gam’a achesa 2005 kum’a UPA-I sorkar in President rule akoi hi 3-2 majority’a ana lahdoh-u ahi. Thil umchan thu Bhardwaj in achen aseiyin, hiche phat laiya Chief Justice of India anahi YK Sabharwal hi insungmi ding’a loi-leh-pai ahi in, ahin, judge dettah jong ahi, ati. Justice Sabharwal toh kakimuto in, ahin, hiche thu kana pohdoh ngamlou ahi, tin aseiye.
“2005 kum’a Bihar gam’a President rule anaum’a chun Supreme court chule lawyer minthang phabep in nelkalna anei uvin ahi. Cabinet tohkhompi ho eikimupi in ahung uvin, tuchan geiya naum jou hi mivangpha nahi, eiti uvin, kenjong Rashtrapati in President rule aphatsah ahi, tin kadonbut’e”, ati. “Sabharwal kakimupi in, cha kadonkhom lhonin, kakihoulim khom lhon in, ahin, hiche thu’a eikithopi ding in kaseidoh ngampoi”, tin aseibe in ahi. Moot Court Hall, National Law University, Delhi hondohna kin-gon’a apanna’a Bhardwaj in hiche thu asei ahi.