Malda boina mun’a Rajnath Singh kholjin ding

Malda boina mun’a Rajnath Singh kholjin ding

493
0
SHARE

Malda, Jan 10 (Zeenews):
Union Home Minister Rajnath Singh ahunglhung ding January nisim 18 nikho leh West Bengal gamsung Malda district ‘a kholjin maithei ahi.
Malda kinahna thilsoh chungchang’a Mamata Banerjee lamkaina state sorkar in report apeh ding’a Union Home Ministry in anathum ahitai. Chule thilsoh’a themmona nei mi phabep jong akiman tai, ti thulhut aumin, hiche tilouva meithal aging’e, ti photchen loulai thulhut jong kimu ahi.
Achesa Sunday nikho’a mipin police station pumpi leh gari phabep West Bengal gamsung Malda district’a meiya anahal lhah-u ahi in, Akhil Bharatiya Hindu Mahasabha lamkai Kamlesh Tiwari douna’a rally abol nauva boina soh ahi. Muslim kiloikhomna- Anjuman Ahle Sunnutul Jamaat (AJS) lamkaina’a rally chelha ahi in, Kamlesh Tiwari in Prophet Muhammad hi vannoiya ding’a ‘homosexual’ masapen ahi, tia asei ahi.
UP Cabinet minister leh senior Samajwadi Party lamkai Azam Khan in RSS member ho homosexual ahi, tia akou jouva Tiwari in hiche thu asei ahi. Wednesday nikho chan geiya themmona neiya ngohna kinei mi 130 lah’a mi 9 bou akimat nahlai jeh in BJP hon Mamata sorkar in themmona neiho akithopi’e, tin ngohna anei uvin ahi. Akiman mi 9 lah’a mi 6 hi nidan phabep jouva bail’a kilhadoh paiyu ahitai. West Bengal gam’a BJP MLA khat seh bou hi’a Shamik Bhattacharya jong Wednesday nikho’a kiman ahi in, Sunday nikho’a boina thilso namun Kaliachak khosung avilding aphalpeh louvu ahi.