Lamkai pha jeh a hatna (Hat pet leh hatmo pet Umcheh...

Lamkai pha jeh a hatna (Hat pet leh hatmo pet Umcheh ahi hetdi ahi)

187
0
SHARE

Lamkai pha jeh a hatna

(Hat pet leh hatmo pet Umcheh ahi hetdi ahi)

                               Lamkai di kichuna’a party khat atel, ake loji e kiti chu Congress party ho hi kidang tah a lamkai di kichu malah hitih chan lamkai di kisomoto uva moh a ahatmo pet u ahina kah a hatmo cheh chehna a aneilo nahlai kit u ahi. Tuchung Lok Sabha Election’a Congress ho eh kheh a ahung kheh uva kon Congress President Rahul Gandhi in mona jouse kakichan’e tia haina lekha anapeh chu akinunglah doh a President apoh kit dia party sung’a aboltheidom jousen atep vang uva kidoisa dehlou ahi. Hiche jeh a Sonia Gandhi mama hi lamkai kilhenna phate umkit kah a dia Interim President dia ahintundoh kit u ahi. Chomkhatna dia akiti vang’a Sonia Gandhi in ahinpoh paipai dijong tahsan umtah ahi. Kum som masang 2009 MP election dikon vel dung geija chu koiman tunin Congress hiti dinmun hinpha pontin BJP te hung hiti hat ninte anatilou, India sung nahnah a vaipo theipen hi Congress tailou party dang moh umdoh dehponte ti anahi. Manipur jeng’a jong O Ibobi lamkaina Congress chu alhuhna di hahsa tante ti mi tamtah gel anahi. Ahin Congress te jong sot thimpi thuneina ahintuh jing u ahito lhon’in lamkai lang aboltheidom hon ama chang kingailutna leh nehguh chahguh in ahinlodim un ahileh mipi injong chimna/khopna khat ahinneidohtan ahileh 2014 general election ah ahung khesuhpan taove. Alang khat ah, Gujarat State a khantou machalna lentah hinpodoh amale ama sang’a agam leh mipi te di gel’a natong Narenda Modi chu National Level (India pumpi) a dia lamkai tundoh thei ahidan BJP le asunglang’a atoson RSS hon ahinmudoh taovin ahinsot uleh tunin hibangse asoh jeng’in sotna pat koiman ima analo ngamlou kiboina jing Kashmir thu jong ahinbol jeng’e. BJP hatna hi Congress dia lhahsamna ahidoh hi Congress te dia amitmonao leh lamkai pha umlou jeh ahijeng’e. Kashmir thua jong Congress ho lunggel akibang kitpouvin ipi chu hitalehb party minthangsa khat hina’n dinmun kicheh tah abon’un lakhom leu kilomtah chu eh dencheh abahlona diu nailam cheh kit ahi.

                         Nam khat, kivaipohna khat, kiloikhomna khat kiti hi kum le phat itih chan lutdi ham seithei ahijilou vang’a ahat le ahatmo hi kikhel ji mong ahidan geldoh jillou tam ahi. British te hatlaija kon chomkhat jouleh hung kichaideh unte anati khahlou ahi. Kukite jong Manipur thinglhang gam’a koima dang uhpoh ngamlouva ana hatlai uva chu kon chomkhat jouleh noise tah in hinbol intin hinthat unte ti anagellou hel di ahi. Ipi kiloikhomna hihen sorkar kivaipohna hileh lamkai pha, lamkai kitah ama changtum phatchomna di gel louva mipi leh gamsung phatchomna di gel’a natong leh lung gel chepi hon thil nasatah aboldoh keu hilouva agam anam mipi te dia jong hatna ahi hi muthei hijing ahi. Leng te khang’a jong alenggam leh amipite di gelna’a natong leh ahinkho gein itcha louva gal anakonji leng hojong ahatnau nikho kijopbe jing, leng kisuhlou hon vai ahinpoh teng leng gam analhuji ahi. Tua BJP hi India a akitopi di umlou pet ahijeh a Congress te jong lamkai di kimujoulou u ahi. Congress hihen BJP hileh tonsotna hatjing di ahilou jeh in akikhel lele thei ujong hi ‘democracy’ dihtah umna khat ahi.