Lalu leh achapa teni chung’a hehna um kilahdoh jeh’a BJP in Nitish...

Lalu leh achapa teni chung’a hehna um kilahdoh jeh’a BJP in Nitish demna nei

204
0
SHARE

 

Patna, Jan 21 (Zeenews): Bharatiya Janata Party (BJP) in Wednesday nikhon RJD chief Lalu Prasad leh achapa teni chung’a case um akilahdoh thu’a Nitish Kumar sorkar demna thu asei uvin ahi.
BJP lamkai Sushil Kumar Modi in Bihar sorkar natoh hi hiche thu ngailhahna neiya Patna High court minsetna ding’a na kitong hilou ham, tin thudohna aneiyin ahi. Sushil Modi in asodoh thuphon’a chun, “State sorkar in hiche thu ‘suo motu cognisance’ pe’a chule achungthu seiya Patna High Court heng’a case withdraw abo masang uva phalna alah uve?”, ati. “State sorkar in union employee chule state sorkar douna’a kiphinna bol’a lamlen ting’a gamsung mi chung’a kikoi hitobang hehna (case) hojong alahdoh diuham”, tin thudohna aneibe in ahi.
Lalu leh a-insung miten hatah’a asei uva ahileh Nitish Kumar sorkar in Mohammad Shahbuddin (mipuimang’a ngohna kinei) jong alhadoh diu ham”, tin Kumar Modi in aseibe in ahi. Bihar sorkar in Lalu Yadav lunghol na’a ama ding’a na atoh jeh uva ama leh achapa chung’acase um hi alahdoh-u ahi, tin Sushil Modi in ngohna aneiyin ahi.
RJD in kum masa July lha’a nikho lhung keiya bandh abol uva Bihar gam sung pumpi ana kikhah soh ahi. Mol pan’a mipi hon hunam’a train, dukan chule educational institution (themjilna mun) hojong hunam’a ana khasah-u ahi in, Janata Dal United in Lalu Prasad leh achapa teni- Tejaswini Yadav leh Tej Pratap Yadav chule state party chief Ramchandra Purve chung’a hehna asemkhum-u ahi. Bandh sung’a thil suse leh sorkar natong ho atohdiu kitohsah lou jeh’a hehna asemkhum-u ahi.