Lalboi Lhungdim kimat to kisaiya Operation kiboljom, Automatic manchah 5 leh meichang...

Lalboi Lhungdim kimat to kisaiya Operation kiboljom, Automatic manchah 5 leh meichang phabep kiman

192
0
SHARE

Lalboi Lhungdim kimat to kisaiya Operation kiboljom, Automatic manchah 5 leh meichang phabep kiman

Ccpur, July 9(ET): Phat masajep a Dampi kho haosa Lalboi Lhungdim kimat toh kisaiya operation achejom jing  ban ah tuni jingkah lam nidan 9:00 vel chun Churachandpur police le Assam Rifles in Teiseng lhang operation abol nauva meipum le achang phabep ana mudoh uvin ahi.

Meipum kimudoh ho chu AK 56 rifles khat le magazine khat,  MA-3 MK-II Assault rifle 2 le magazine 2, M4a1 Carbine 1 le magazine khat, Heckler & Koch HK33 Assault Rifle khat le magazine 3,  thalchang 5.56x45mm, 158, 7.62x39mm, 18 le Chinese hand grenade le detonator khat ana mudoh uvin ahi.

Police in mi man ho ahol jing utoh lhon in tuchan a mipite le CSO hon kithopina apeh na chung uva kipa thu sei na jong ahin nei uvin ahi.

Hetthei khat chu Lunkholal @ Lalboi Lhungdim hi achesa July nisim 5 jingkah a J. Saheibung khosah a Brickfield akon melhetlou thalchoi hon hunam a anapuimang u ahin Assam Rifles, Police, CSO chule namsepai ho kitho a anahol naova July nisim 6 nia chu mikaimang hon anadalhah naova kon innmun ana kilhut ahi. Chule tugeijin koi natoh ahi kiphonna nei aumpon koi khutnung ahi hetchen ahi hihlaiyin ahi.