Kumpi in suspend eibol naoleh kathemmo nao mipi het in photchetna pehen:...

Kumpi in suspend eibol naoleh kathemmo nao mipi het in photchetna pehen: KIM Kuki Inpi in KIM chunga thuso kinei adih loudan hilchet na nei

1072
0
SHARE

Kumpi in suspend eibol naoleh kathemmo nao mipi het in photchetna pehen: KIM

Imphal, Oct 18(ET): Tuni KIM President leh Secretary min a kimu thulhut in aseina ha Anglo-Kuki War Centenary Commemoration thu toh kisai a Kuki Inpi Manipur in October nisim 16, 2019 (Wednesday) nikhon Kuki Inn Imphal mun’ah meeting ana ki kouvin, hiche public consultative meeting achun Kuki Inpi Manipur leh abah Kai kiloi khomna hojouse KKL, KSO,  Dist Inpi,  KWU, KUWHR, Kuki Senior Citizens, Kuki Chief Association chuleh Intellectuals hojouse jong ahung pang thei chan  ahung pangin chule Kumpipan jong pan analan ahi ati.

 Hiche public meetinga ki thulhuh naho jouse Kumpipa tah in hetpih naleh Pathen henga lhandohna kumpipan aneitoh kilhoni a thu lhuhna kisem hochu KIM leh AKWCCC delegates hon anilhah ma ma a CM toh kihouna akinei in kinop tona jong ahung kinei tai. Ahin vangset umtah in KIM le AKWCCC hochunga Nam mipi ten lunghan, thangtomna ahin neitan, Pu le Pagam johdoh le pedoh chuleh thildangtoh lhehdoh ahiuve tin  press note chuleh social media dungah sang tah in them mo channa ahung kiphongtan chuleh thina chan gei’a gotna pehdingin jong gihna akimun ahi ati.

Hiche jouvin Kuki Inpi Kumpi akonin KIM leh AKWCCC members jouse suspend akiboltai tin order October nisim 16, 2019 nilhah maman ahung kisodoh kit in ahi.  Hijeh chun KIM leh AKWCCC lamkai ho chung’a themo kichan naho jouse toh kilhonna Kumpi in suspend nahin bolna ajeh leh kathemmmmo nao nampi angsung’a ahung lhungding October nisim 22, 2019 masanga mipi hetthei leh muthei a photchetna ahilou leh suhthengna nahin neidingin temna ahung kineiye tin thulhut chun aseiben ahi.

Hiche themmo kichanna holeh adihlouva ngohna kinei hohi Kumpi akona suhthengna aum lou leh, nungleh KIM lamkai holeh AKWCCC members hon mo kipolou ding ahi tin jong aseiben ahi.

Kuki Inpi in KIM chunga thuso kinei adih loudan hilchet na nei

Imphal, Oct 18(ET):  Achesa October nisim 16 nilhah a Kuki Inpi Kumpipa min a Whatsapp ho a emergency declaration tia thuso kinei chu adih loudan le Kuki Inpi Kumpi in het phah na anei loudan tunin Kuki Inpi Kumpi in hilchetna ahin nei uvin ahi.

Hiche toh lhon in KIM lamkai ho pan mun chunga aboi aumpon, hitabang thuso kinei na chunga demna anei dan jong Inpi in phondoh na ahin nei uvin ahi. Hiche toh lhon a KIM le a cabinet ho chuleh AKWCC ho in atoh ngai bang uva Manipur sunga Kuki te ading a thon lou a na atoh jing ding uvin jong Inpi in temna ahin nei uvin ahi.