Kuki te chendetna neilou tikit tau

Kuki te chendetna neilou tikit tau

386
0
SHARE

Kuki te chendetna neilou tikit tau

                     KNO leh UPF hon Delhi a Centre leh Manipur govt thalheng toh achesa June 25 (2019) ni’a kihouna ananei uva thuso hoa pahlah lah a ahung kitahdoh a KNO/UPF Spokesperson hon thusomi ho thudoh adonbutnau Video Clip Social media a ahung thanlhah a pat chu adonbutna khat ahung umdi ginchat ana umpeh ahi. Hichea donbutna hi phaicham mi hojong ahiloudi hetsa, NSCN-IM ho ahung hidi jong hetsa anahi. Chuban’a donbutna thu hojong ajatchombeh hilouva thulahlou akisei ngai-ngai saphe gop ahung hidi jong hetsa anahikitne. Hichu – Kuki te hi chendetna neilou, kichao lele, Burma Chin Hills lang’a pat Manipur Naga ho gam’a hung kichaolut u, hijong chu British te khang’a British ten ahinpohlut uva Naga ho gam’a achensah u ahi ti ahi. Hiche hi IM hon thingnoi politics leh Naga Movement ahinjop uva pat ahinchepiu leh akikhel umlou computer recording kibolsa kilhaji tobang hijing ahi. Tua KNO/UPF leh govt kikah a kihouna achuhna khat hung um dia thu agin phatna Chandel le Tengnoupal district a cheng Tribe lah a Old Kuki group ho Naga ahibou uve tia Chandel District Naga Peoples Organisation (CNPO) ho min’a Hebron a kon thuso (press release) hung kibolsah kit jong hi koiman atahsan loudi jong hetsa ahi. Tribe dang dang ho chu thuchuom ahitan Kom, Aimol, Chiru, etc ho Naga ahibou uve tia Kuki dehna leh mudana thuso CNPO min’a kiso hi IM hon lung linglaona khat anei u ahidi tahlangna bep hidi ahi. IM hohi Manipur a koi jat koi Tribe ho lhohbuh a cheu ham ti mijouse het ahijeh in CNPO ho min’a Kuki te musitna tah a thudihlou kisei hi CNPO lamkai holeh aminphah Tribe lamkai ho meithal to kisutoa kiseisah ahidi jong ginchat umtah ahi. IM hon Nagaland Naga hon Kuki te amudana diuva Naga mipi lungthim tongkha thei dia Kuki ten igam u ichu un British khang injong mi alom changin ina that uve ti ho hi tantih neilouva alhangsap jing’u ahi. Ahin thil hi ahilou behseh leh midang khat vetdana gunsetna thu iseijing tengleh konjong ahinai atilou, mi vetda kiholdohna bep hiji ahi. Nagaland Naga hon Kuki te chung’a IM hon thudihlou le mudana thu aseijing u ahetgam u ahitah jeh in ipi seijongleu koi chu Naga dihtah hia koi chu Naga lhem hia koi chu Naga hiloupipi Naga ahi kiti ham tiho ahetsoh diu ahitai.

             Tua Chandel district a Naga ahi tia CNPO hon asei hohi Naga kahi atiuleh tithim uhenlang IM ho seisei – Kukite kichaolele, chendetna neilou (nomadic), galjam (refugee) ti IM ho seisei hi seidaleu ahina leh akinaipiu kisan kihetlou mihem hilou diu ahi. Naga thua kihoulhahna dungjuijin Ukhrul, Senapati, Tamenglong ho South/Greater Nagaland ah lut jongleh Chandel hi iti nama jongleh lut loudi ahilam kihet leu CNPO hon mi’n seijin atiti moh penpen lou maithei u ahi. Chuleh Naga ho ahia Kuki ho ahia iumna cheh a inopnop sei hi hahsalou, ithuseija kon ipi hung sohthei ham tiho gelna aumjep ngaidi ahi. Ijat kisei jongleh Naga le Kuki ho hin kapu kapa gam ti cheh lhon jongleh meilhei te gam Manipur kichua bou umlhon thou thou ahi. Khat le khat kinoiseto le kichoutona a govt to kihouna hi akoikoi dia kihouchaina hiloubeh di ahi. Naga leh Khuki ho hi anilhon’a govt toh chamna thua kihouna nei ahigel lhon’in abolkhel uleh koi chamna malah kinahna khoh cheh hung hithei ahi. Chuleh ibol’a midang Naga a lut theija Kuki hisa hon adalhah nom ham ti abul kihetmosah laisea Kuki politics tonsotna boidi ahijong geldoh di ahi.