Kuki Inpi Meghalaya Branch chule KSO Shillong in KIM, AKWCCC le...

Kuki Inpi Meghalaya Branch chule KSO Shillong in KIM, AKWCCC le GoM thulhuhna adeilou thu phongdoh

71
0
SHARE

Kuki Inpi Meghalaya Branch chule KSO Shillong in KIM, AKWCCC  le GoM thulhuhna adeilou thu phongdoh

Shillong, Oct 17 (ET): Kuki Inpi Meghalaya Branch chule KSO Shillong, Information secretary soikaina noiya thulhut kimu in aseina achun Oct 16, 2019 nikho a KIM, AKWCC le Govt. of Manipur in kihoulhahna anei na chung uva adeilounau thuphon abol un ahi.

Aseibe na achun achesa September 04, 2017 nikho a KCC Assembly Hall, Imphal muna Gamkai Inpi – Manipur, Assam, Meghalaya, Delhi, Mizoram, KOHUR, KSO Gen. Hq., KuRF, AKWPMF, KIWMC chuleh KWU panna a ana kibol Kuki Inpi Meeting kilol na Resolution Number 4 a kisei October 17 hi kumseh leh’Anglo-Kuki War Nikho’ a nit jing ding ahi tia anakiphong doh bangin, Anglo-Kuki War kiti jing ding ahi. Hijeh chun October 16, 2019 nikho a Kuki Inpi Manipur, Anglo-Kuki War Centenary Commemoration Committee leh Government of Manipur ana kiphatsah nao ‘Kuki Rebellion’ kiti hi akipompoi tin asei in, Commemoration theme dinga ana kiphat sah “In Defence of our Ancestral Land and Freedom” thucheng kikhel thei lou ding  in jong asei uvin, Kuki Inpi Kumpi (Apex Body of Kukis) in Emergency Declaration (Dated 16/10/2019) abol a, Kuki Inpi Manipur leh Anglo-Kuki War Centenary Commemoration Committee lamkai ho suspend abol hi Kuki Inpi Meghalaya in jong phatsahna akiphong in ahi.

October 13, nikho a Rehanuddin Choudhury, Joint Secy. (Home), Govt. of Manipur min a order kiso [No. 2/8(1)/2016-H(L&O)] Kuki kho ho jouse a Nampi Lumsong kitung ho lahdoh ding/suhset ding kiti order hi aganna thei penin kinung lahdohhen tin jong adeilou thuu aphong kit un ahi.

Manipur gamsung a thu le la dinmun ahoitah lou jehin, Lamkai hon chingthei tah’a vai ahin hom diuvin ngehna anei un chule Pu le Pa Gam venbitna ding leh Pu le Pa chamlhat huh nadinga Gal anasat u”Anglo-Kuki War”hi iti jongleh thildang to kite theilou ding ahi naban ah Kuki Nam mite jouse kilungtoh tah leh hangsan tah a apankhom jing uva, chingthei tah leh limgeh cha a khosa cheh ding in tepna jong anei un ahi.