KNLF kisuhbei toh lhon’a Pallel a Merger Reception Ceremony loupitah a kibol;...

KNLF kisuhbei toh lhon’a Pallel a Merger Reception Ceremony loupitah a kibol; Chandel CSO honjong pan la’u

413
0
SHARE

B.Lalboi Gangte
Pallel, Jan 4 (ET): United Peoples’ Front (UPF) kiloikhom nanoiya jao United Kuki Liberation Front (KNLF) Govt. of Khulmi Gam in Kuki National Organisation (KNO) Arms wing Kuki National Liberation Front (KNLF/KNO) UKLF/UPF khut’a kipehlut na (Merger) abol toh kilhon’a janhi (Jan. 4) jinglam nidan 11:00 in UKLF Organisation in Chandel District, Pallen ah Vailhun na Reception Ceremony Hemkholun @ Helun Haokip, Chairman KNLF aneipeh uvin ahi.
Ceremony sung’ah chun SS Haokip Chairman UKLF & Vice President UPF in KNLF Chairman Hemkholun @ Helun Haokip leh Home Secretary KNLF Letthang Vailhunna leh namdet nan Kuki nampon khatchieh asilpeh in, amani hi tuni’a Nampon khat chieh kisilpeh hin jatkhat ihinao, gam leh nam adia nungchon kit talou dia Nam min’a kabolpeh ahi tin aseiye. Chandel gamsung’a chamna leh lungmonna ho alhun thei nading’a pathen kom’a inatao jing u kipumkhat nading itiuvin ahin koiman kipumkhat nadi atah asopo vin, tuni hi tahso na nikho ahi tin SS Haokip chun aseibei.
Organisation in i-namsung uva hin Kuki Re-Unification kiti akichepi in hiche kichepi leh kijui ho chu, Nam sung’a kitha kimat akideipon, Inam sung, gamsung huhtup di, mipi ho lungmong ah chensah di ti ahi, hitoh kilhon’a UKLF in Cham na kidei toh kilhon in 24, 2015 nikhon Tengnoupal ah MLA, Minister, Kuki Inpi, KSO, Houlamkai, house upa leh gamsung mipi ho jao nan Chamna Maicham ana sem uvin, ankong jong inasoh khom uve ati. Rev.D. Doungel Pastor KBC C/C Molnoi Area in Helun Haokip leh Letthang ading in Pathen heng’a maicham sempeh naleh taopeh na aneijin ahi.
Hemkholun @ Helun Haokip Chairman KNLF in ahoulim na ah Kuki nam sung’a adeh’a Chandel gam sung’a cham leh lungmon na um thei nading leh gam sung mipi lungmong lha mong’a innchen khosah ibol thei na ding uva KNLF hi UKLF a merger kibol ahi ati, KNLF suhbei ahitoh kilhon’a koiman KNLF min’a kai le don abol theitah louding ahi tinjong aseibei.
Ceremony sungah chun KCA Chandel, KWU&HR Chandel, KSO Chandel, TSA Chandel, MAWC lamkai hon jong thuseina anei uvin, ahungkhom CSO lamkai ho, Housa hoheng’a Kuki ho kivaipoh dandungjui in Daniel Thadou Home Secretary in Saba khei khat chieh pehdoh na aneijin, chuleh Helun Haokip leh Letthang chu SS Haokip Chairman UKLF in pehdoh na aneijin ahi. KNLF Chairman leh Home Secretary jaonan Cadres 7 toh UKLF ah kipehlut na Merger abol u ahi.