KNF-N leh SDFK in Independence Day boycott bol; lamlen a koima ava...

KNF-N leh SDFK in Independence Day boycott bol; lamlen a koima ava le loudinga thuhilna neiyu

272
0
SHARE

KNF-N leh SDFK in Independence Day boycott bol; lamlen a koima ava le loudinga thuhilna neiyu

Imphal, Aug 12(ET): Sorkar to SoO soi kaina a pang louva Kuki thingnoi kiloikhomna ni- Kuki National Front-Nehlun (KNF-N) leh Socialist Democratic Front of Kukiland (SDKF) in India Independence Day boycott bol dinga phondohna anei uvin ahi.

Thinglhang district a Independence Day kin kiman boycott kibol ding ahi, tin KNF-N in aseiyin, India in chamlhatna amu nadinga Kuki pu-pa teho pan lahna ho Centre in asuhmil geldoh sah kit nading chule Kukiland kisemdoh nadinga Kuki ho thaneina gelkhohna anei lou jeh a August 14 nilhah a kon August 15 nikho chan Independence Day douna kinei ding ahi, ati.  “Nagaland gam akisemdoh jouva ipjeh a ‘Framework Agreement’ umham. Centre sorkar in Kukiland thu adalhah ahi”, tin thuso chun aseiyin ahi.

Information and Publicity Secretary, Gou @ Kuki in thuso aneina a chamna kidou ahipon, ‘framework agreement’ kidou ahi ajeh chu hiche hi gamsung a cheng holah a boina aso nading ahi, tin aseiyun chule lungtup molso ahi kahse a KNF-N in India Independence Day boycott abol ding, CSO chule kiloikhomna adang jousen eitosot diuva temna kinei ding ahi, ati. August  15 nikho leh lamlen a mipi ho aumlou diuva kiloikhomna in gihna aneibe uvin ahi.

Alangkhat a, SoO soi kaina panglou Socialist Democratic Front of Kukiland (SDFK) thingnoi kiloikhom honjong India Independence Day boycott bol dinga thuso anei uvin, August nisim 15 ni a umding bandh mipin anit dinga temna jong anei uvin ahi. Information and Publicity Secretary, S Kuki in thuso aneina a SDFK hi March 1, 2018 kum a kisemdoh ahi’in, Kukiland full-fledged state’ thumna dinga kisemdoh ahi, ati. Kuki hohin achesa kum 160 val thaneina venna dinga gal asat a chule British douna a jong gal asat uva, pupa gam aven u ahi’in, ‘Anglo-Kuki War’ tia kihe ahi, tin aseiye.

Kukiland thumna chule Chamlhat gam (Sovereign State) thumna vannoiyin ahetpeh dinga ngehna aneiyin, Grierson GA (Linguistic Survey of India), The Encyclopedia Britannica a Assam leh Bengal (Burma a kon) mol pang alangni a Kuki ho achen hi kipe ahi, ati. Grierson in Kuki hohi Naga Hills a kon Sandoway district (Burma) chan, Myittha vadung a kon Bay of Bengal chan acheng uve tihi asei ahi. Sylhet, Chin Hills, Lushai Hill, Hill Tipperah leh Arakan Yoma, Cape Negrais chan mile ja sagi vel lhing ahi.

Dr George Abraham Grierson, Superintendent, Department of Linguistic Survey of India (1904) in record abol dungjuiya Kukiland hi India, Myanmar, Bangladesh in dan dihlouva alo ahi. Pathen in eipeh u gam a Kuki te pupa khang a kon cheng ahitan, thaneina mu kit nadinga SDFK in bol thei chan abol ding ahi, tin aseibe uvin ahi.