Kipunkhomna aum louleh state danga kon Naga ho Nagaland in mun apeh...

Kipunkhomna aum louleh state danga kon Naga ho Nagaland in mun apeh louding ahi: NNPG

501
0
SHARE

 

Kipunkhomna aum louleh state danga kon Naga ho Nagaland in mun apeh louding ahi: NNPG

Dimapur, Oct 17: NPG 7 umna Working Group of Naga National Political Group (NNPG) in Naga chenna gam a Naga ho kipunkhomna (integration) beiya Nagaland in gamdang dang a Naga ho aumsah louding ahi, tin kicheh tah a asei uvin ahi.

“Nam mite thu hetkhel nading thu seiho jeh a tuni a Naga hohi kipuimang sahlou ding ahi. Kipunkhomna beiya Nagaland gam in gamdang a kon sopi Naga ho mun apehlou ding ahi. Nagaland a cheng lunggel adang nei hon amasapen in hongphal tah in tribe phatsahna a gam neilou mun danga kon hung Naga ho dinga gam khen uhenlang pe uhen”, tin NNPG thuson aseiyin ahi. Medial Cell, Working Committee, NNPG in thuso anei nauva India sorkar manchah ahiuve tia phabep in asei jong nelkalna anei uvin ahi.

Working Committee a hi Naga tribe chom chom a kon Naga lamkai phatah tah chule politician ho pang ahi’in, abon uva ipu ipa tehon lungtup anei molso nading leh gam ngailutna sangtah anei ahi. WC lamkai hon Naga hohi achesa phat ho soh a umthei louding ahi tihi ahetthem ahi’in, achesa phat a thilsoh hohi kihilna dinga lhingset ahi. India military hon gam alo jeh a gammi ten gimna sangtah ato a Naga lamkai ho lungletna hi khang khat a kisumang ahi”, ati.

Naga miten kipunkhom ding adeijeh a Naga political group 7 kipunkhom ahi, ati. “Kibungkhenna a gam kisem theilou ahi. WC hi Naga akiti jeh a um ahi’in, khonung gontup ding ahi. Kiletsahna lunggel leh kitomona leh deichom ho NNPG lamkai ho kah a aumpon, post kichuna jong aumpoi. Chule Naga civil society, tribal hoho, khosung upa ho, intellectual leh houbung lamkai chule chamna thu sei hotoh jong kihoutohna umjing ahi”, ati.

Politics toh kisai thu jouse WC in asei toh masang ahi’in, kum thum sunga India sorkar toh Naga hon kihouna 57 vei anei ahi. WC, NNPG in jana pehthei leh san thei kinoptona akisem ding tahsanna anei ahi, tin asei uvin ahi. “Manipur, Arunachal Pradesh ahilouleh Assam gam a kon Naga hon kum 22 kihouna aum jouva Nagaland umlou ding, Nagalim sorkar a kikhel ding ahi tia aseiteng leh Nagaland tribe leh agam a cheng ho imut na a kon akhahdoh phat ahi. Nagaland tribe ho alhasam in, ameisan in alel tauve tina ahi”, ati.

Kipunkhomna (integration) imu kahse uva Manipur, Arunachal Pradesh a um Naga hohi ama ama umna gam a apupa hidiu ahi. Chamlhatna ding minput sah a Naga ho kitha to na sot ahitan, kum 22 kihouna aumsunga kai chule sum kidon jeh a Naga hon hahsatna sangtah ato ahi. Kum 21 kihouna aum jouva Flag leh Constitution thu kiseidoh ahi’in, India sorkar in hiche hi kihoulhahna akisem jouteng seithei ahi ati ahi, tin WC, NNPG thuso chun aseibe in ahi.

Naga tribe, GB leh CSO hon kihoulhahna akisem vah ding adei ahi, tin aseiyun chule Naga tribe ho ngehna hi ngaipeh louva koilou dinga aseibe uvin ahi.