Kiloikhomna leh Letter head lhem kimang’a lekhathot kiso thu’a KCA Tamenglong district...

Kiloikhomna leh Letter head lhem kimang’a lekhathot kiso thu’a KCA Tamenglong district in demna leh hilchetna nei

206
0
SHARE

Kiloikhomna leh Letter head lhem kimang’a lekhathot kiso thu’a KCA Tamenglong district in demna leh hilchetna nei

Imphal, July 14(ET): Achesa Thursday (11-07-19) ni a ‘The Peoples of Tuilangkol’ letterhead a Lalboi Gangte soi kikaina a gamkai mihon hahsatna ato thu akiseiyin, lekha a kisei thu Kuki kiloikhomna len hon kholna aneiyun, ahin, lekhathot a kisei tobang louva achombeh mudoh na aneiye, tin S Thangcha Chongloi, Information & Publicity Secretary, KCA Tamenglong district in thuso aneiyin ahi.

Thukholna a letter a kipe organization leh personnel min hohi alhem ahi ti kihedoh ahi. Alangkhat a Chiefs Association in jong demna sangtah anei uvin ahi. KNO/UTLA min suhminset nadinga July nisim 13 jingkah a letter chom khat a Nehkhohen leh Paokhai in kho haosa ho henga 37 AR HQ mun a sum athah diuva ngohna thu kisei jong jouthu chule abul umlou ahi. KNO/UTLA ho min umna lekha (letter) hi KNO/UTLA in abol ahipoi. Chule lekhathot toh kisaina akinei pon, jouthu ahi, tin KNO/UTLA injong asei uvin, hiche hi minset nadinga kibol ahi, tin ngohna anei uvin ahi.

Hitobang lekha hohin gamkaiya cheng Kuki nam ho kah a kihetkhel na leh kivetda na asemdoh thei ahi. Kuki Chief Association Tamenglong in lekhathot toh kisaina nei hon July nisim 18 masang a Kuki chonna toh kitoh a ngaidam athum diuvin gihna anei uvin, ahilouleh themmona nei ho akimat a gotna peh nadinga Cyber Crime Imphal a FIR kijihlut ding ahi, ati.

Chule Lt Col Jyoti Lama 2ic 37 Assam Rifles ahung a kon a sepai holeh milham hookah a kiloikhomna akhangtou cheh cheh’e, tin S Thangcha in aseiyin ahi. Kikaimangna, tolthana, sum kidonna ho athip tan, hiche ho jeh a Lt Col Jyoti Lama chunga Kuki Chief Association in kipathu aseiye, ati. Khonunga officer ahilouleh lamkai ho suhminset nading a hitobang propaganda ahilouleh hitobang thil avel a koiman abol lou dinga temna aneiyin ahi. Kuki Inpi Jiribam leh Tamenglong hetna beiya gamkaiya kiloikhomna (organization) kisem ho khatcha kisang louding chule asei houjong gamkai mihon asan louding ahi, tin thuso chun aseibe in ahi.