Kejriwal hi CM ahi’a kon che khelna neilou mi ahi, tia Anna...

Kejriwal hi CM ahi’a kon che khelna neilou mi ahi, tia Anna Hazare in pachatna nei

87
0
SHARE

 

Ralegan Siddhi, Jan 18 (PTI): Social activist Anna Hazare in phat khat laiya ana kiloikhompi Arvind Kejriwal seiphatna sangtah aneiyin, Delhi Chief Minister ahi’a konin adihlou lam ajotna aum khapoi, tin aseiyin ahi.
Kejriwal hi chondan thengtah chule idealist ahi in, milham hon politics ageldan khelna nei mi ahi, tin Hazare in aseiyin ahi. “Arvind Kejriwal hi achondan’a chekhel na neilou mi ahi in, politics’a chondan pha jui mi ahi. Chief Minister panmun atuh achesa kum khat sung’a atohkhel aum kamudoh poi”, tin Hazare in aseiyin chule Kejriwal leh atohkhompi hohin neh-guh suhmang nading’a pan alah uva, boina chom chom ato-u ahi, ati.
“Chief Minister ahina’a atohdoh hohi tuchan geiya thilpha lam’a lolhinna ngen ahi. Tu masang chun political party khat semdoh ding hi mi haosa hon abolthei diu tobang inbou min anagel in ahi. Hiche lunggel hi Kejriwal in akhel ahi. Mi kitah chule athilbol ho kicheh tah’a mudoh thei ahi in, Manish Sisodia (Deputy CM) jong idealist dihtah ahi. Gamsung’a sum thahatna noiya umlou politics aumding kamunom’e”, tin Hazare in thuso miho heng’a aseiyin ahi.
Hazare leh Kejriwal hi ana kiloikhom ahi in, Kejriwal in party sem’a active politics bol ding ngaidan anei jouva kikhen lhon ahi. Ahin, amani kikah’a akeh theilou kiloikhomna aumin, kum masa December lha’a Delhi sorkar in Jan Lokpal Bill apohdoh ‘a chun Kejriwal in Hazare ngaidan phabep jong ala in ahi. Kejriwal in India Constitution jana aneipoi, tia demna neihon asei jing-u jong Hazare in adih loudan thu aseibe in ahi.