KCC-M in Kamjong district a um Kuki kho 15 a sepai tousah...

KCC-M in Kamjong district a um Kuki kho 15 a sepai tousah dinga CM Biren henga ngehna nei

770
0
SHARE

KCC-M in Kamjong district a um Kuki kho 15 a sepai tousah dinga CM Biren henga ngehna nei

Imphal, Feb 29(ET): Kamjong district noiya um Kuki kho 15 a sorkar in state leh centre sepai ho apet pet a atousah diuvin Kuki Chiefs Council, Manipur (KCC-M) in Chief Minister N Biren Singh henga ngehna anei uvin ahi.

Kamjong district noiya um Kuki khosung mi hohin thingnoi kiloikhom group phabep a kon aphat tin a gihna le kigimbolna ato jing ahi, tin M Thangboi Haokip, Information and Publicity Secretary, KCC-M in Chief Minister henga lekhathot apehna a aseiyin ahi.

Achesa February nisim 24 nikho a Phaimol kho, Kamjong district a cheng loubol mi mai mai hi a Seikhohao Haokip, s/o Mangjathang Haokip hi NSCN-IM hon athemmona umlou chule ajeh beiya lungsetna beihel a anavoh uva, tua hi Kuki CSO chom chom lamkaina a Imphal khopi a kijen ahi, ati.

Kamjong district noiya um venbitna ngaicha a khosung hohi Maokot, Phungtha, Haizang, Kultuh, Phaimol, Lakhan, Pihang, Lanchah, Gampal, Mollen, Molvailup, Phaokoh, Khoikai, Aishi (AR posting um) chule Chassad (AR posting um) ahi.

Akisei kho ho a boina aumlou nading chule khosung mihon ama ama kho a lungmong a phailei akibol thei nading uva sorkar in state leh central security force akoi dinga temna kanei ahi, tin aseibe in ahi.