Kathil thum ho nasan uva ahileh GST Bill minute 15 sung’a kiphatsah...

Kathil thum ho nasan uva ahileh GST Bill minute 15 sung’a kiphatsah ding ahi: Rahul Gandhi

103
0
SHARE

 

Mumbai, Jan 17 (ANI): Congress vice-president Rahul Gandhi in Saturday nikhon thumna thum kinei chungchang’a kinoptona aum teng leh Goods and Services Tax (GST) Bill hi minute 15 sung’a phatsahna umding ahi, tin aseiyin ahi.
Narsee Monjee Institute of Management Studies (NMIMS) mun’a management simlai hotoh akimuto na’a Rahul Gandhi in Bharatiya Janata Party (BJP) in UPA vaihom kum 7 sung’a kisem landmark alamtin uve, tin demna aneiyin ahi. “Congress party in adihtah’a GST hi ana pohdoh ahi. Hiche hi keiho, Manmohan Singh chule economic team ho gondoh ahi. Tu’a GST chelhah sah ding’a hatah’a seiya Arun Jaitley hin achesa kum 7 Congress vaihom sung’a hiche bill hi analamtin ahi, ati.
“Manmohan in hiche phat laiya Gujarat Chief Minister anahi’a Narendra Modi heng’a hiche thu’a toukhompi na anei ahi in, ahin, bill hi phatsah ding ana noppeh lou ahi”, tin Rahul in aseiye. Congress hon Bill thumna anei chungchang uva Rahul in, athupi pen hi kai  kikha na (taxes cap) umlou ding chule maximum tax hi limit sem ding ahi, ati.
“Nangho chung’a kikoi kai hohi sangtah ahiding kadei pouve. Hiche hi keiho leh BJP kibahlou na lentah ahi. Adang kibahlou na umhi ‘dispute resolution’ ahi. Hiche hi sihnei langneina umlou ahi angaiye, achuti louva ahileh achepi nading’a boina kitoh ding ahi, ati. Athum channa ‘a thumna kinei hi thil lentah ahipoi, tin Gandhi in aseiyin, chule Congress hon thumna anei houhi kimoh thum’a sanpeh theilou thil ahipoi, tinjong aseiye. Chule amaho deidan hi sanpeh ahiteng leh GST Bill hi minute 15 sung’a phatsahna umding ahi, ati.