Kanhaiya Kumar tunile court ‘a dinsah diu; Sitaram Yechury in gihna thuthot...

Kanhaiya Kumar tunile court ‘a dinsah diu; Sitaram Yechury in gihna thuthot mu

441
0
SHARE

 

New Delhi, Feb 15 (Zeenews): Home Minister Rajnath Singh in Afzal Guru chungchang’a boina thilsoh umhi Pakistan gam’a um Hafiz Saeed in atosot ahi, tia asei jouvin, University ‘a hiche thu hi athip thei tapon ahi.
Campus sung’a sorkar in atosot Hindutva ideology chepi ding douna’a party in dettah’a pan alahna ahi, tin CPI(M) lamkai Prakash Karat in gihna thuthot amu jouvun aseiyin ahi. CPI(M) office, Delhi in janhi jan’a party general secretary Sitaram Yechury gihna phone kamu uva, tia hehna anei jouvun Delhi police hon hehna ajihlut tauvin, chule party secretary General gihna thuthot aumjeh in CPI(M) office pam’a security khoutah in akoi tauvin ahi.
CPI(M) General Secretary Sitaram Yechury hi telephone’a gihna thu ajah ai. JNU student union president Kanhaiya Monday nikho leh Delhi court ‘a achung’a ngohna kisem toh kisaiya court ‘a adinsah diu ahi in, ‘sedition’ (gamsung douna natong) leh criminal conspiracy (thilse bolna ding tohgon neiya) noiya hehna kisemkhum ahi. Achesa Fridaynikho’a Kanhaiya hi nikho thum police khut’a um ding’a Delhi court in thutanna anei ahi. Kanhaiya hi Metropolitan Magistrate Lovleen ang’a kidinsah ahi in, police hon thudohna nei ding’a chule thingnoi hotoh kisaina aneiyem, ti kholna ding’a police khut’a nikho nga um ding’a thumna ananeiyu ahi.