Kamjong a police barrack sah nading thil kipohna truck Shangching leh S...

Kamjong a police barrack sah nading thil kipohna truck Shangching leh S Lungreiphung kikah a meiya kihallha

84
0
SHARE

Kamjong a police barrack sah nading thil kipohna truck Shangching leh S Lungreiphung kikah a meiya kihallha

Imphal, Apr 7(IFP): Thil sahna a manding ho kipohna truck Tuesday nikhon Shangching le S Lungreiphung kho kikah, Ukhrul town a kon km 20 vel gamlha a meiya ahal uve, tin police thulhut in aseiyin ahi.

Police hon asei dungjuiya, sun nidan 12 don a khosung mi atamjo phailei a achesoh pet a munthip khat a thilsoh ahi. Truck hi Imphal a kon Kamjong lang jon a truck dang dang toh kitol ahi’in, thil kipo hohi Kamjong a police barrack sah nadinga manchah ho ahi, ati.

44-Ukhrul MLA Alfred Kanggam Arthur, Deputy Inspector General of Police (DIG- Range I le IV), Themthing Ngashangva chule Ukhrul SP Worngam Ningshen in thusoh ajah jah uva amun adel lut uvin ahi. Chassad kho a in tamtah meiya kihal a chule Pilong a janni a inmun meiya akihal e ti thulhut um a, gamkaiya hi boina sang ahi.

Pilong a thilsoh hi thuchen kihe loulai ahi’in, Kamjong a kon police team ho amun a cheuva hiche report kijih channa hung kile loulaiyu ahi. Pilong hi Kangpat kho a chenna kho thah ahi’in, Indo-Myanmar gamgi toh kinai ahi. Ukhrul a kon km 117 chule Kamjong HQ a kon km 34 vel a gamlha ahi.

KIM in Chassad jon a che barrack sah nading thil kihal demna nei

Imphal, April 7(ET): Kuki Inpi Manipur  in tuni a security personnel ho kibulu na le Chassad ah security barrack sah na ding a thil kipo kihal lhah na chung  a demna sang tah ahin nei uvin ahi. Hiche thil ho chu Lungreiphung le Shangsah khomi ho in ana hal lhah u ahi. Hitabang a um chan hoi loutah le thilse kibol hin avetsah chu koi pen hi chamna dei hia koi hi adeilou ham mu doh thei ahi tin KIM akon thuso kimu chun asei in ahi. Lungkim lou najeh a govt gari kihal lha hi thildih lout ah ahin, hitabang antoh na hi state govt chouna kinei na ahi toh lhon a govt in gari hall ha ho amat doh diu angai dan jong hetsah na ahin nei uvin ahi. Hitabang a Tangkhul namsung a mi phalou ho in natoh na anei ho uhi nam jouse in demna anei u ngai ahi tin jong Inpi in hetsah na ahin nei uvin ahi.  Hitabang a boina semjing mi hochung a gotna peh na hi gov tin anei pan ngai ahitai tin jong KIM in tahlang na ahin nei uvin ahi.

CM in gamdang a um gamsung miho kithopi dinga phondohna nei

Imphal, April 7(ET): Chief MinisterN N Biren Singh in ama Facebook post a gamdang a um Coronavirus Covid-19 lockdown jeh a tangden gamsung miho Chief Minister’s COVID-19 Relief Fund a kon dangka 2000 a kithopina peh dinga Chief Minister Secretariat, Manipur in kilolna anei thu aseiyin ahi. Sum hi gamdang a tangden ho bank account a kithot ding ahi’in, www.tengbang.in a thuchen ahol diuvin CM in temna jong aneiyin ahi.

Gamdang a tangden gamsung miho sum le pai a kithopina ngaicha hon athah a launch kibol website a lut uva chule angaicha information ho fill up abol diuvin asei uvin ahi. Tengbang.in hi metro city ho a lockdown jeh a tangden a gamsung miho kithopina dinga kibol online platform ahi. Mipi lungjing tah a amoh umlou diuvin temna aneiyin ahi. “Tuhi moh lunggim phat ahipon, virus douna dinga lungthim peh phat ahi”, ati.

www.tengbang.in a na boinau sei uvin lang keihon kakithopi diu nahi. Pan lakhom uhite, tin aseibe in ahi.CM Covid-19 Relief Fund akisemdoh a kon mi tamtah in kithopina dinga pan alah a chule tuchan geiya relief fund a hi agom a dangka 12,00,42,859 kithopina apeh u ahitai.

Hiche a kithopina thum nadinga, akisei website a lut a, ‘financial assistance’ kiti hi click bol ding ahi. Request Submission Form a information angaicha ho peh a chule submit bol ding ahi’in chule khonunga kiginna dinga request ID kijihdoh ding ahi.

Mumbai khopi a gamsung mi khangdong numei khat noise tah a chil kiset khum

Mumbai, Apr  6: Kum 25 a upa Manipur gam mi numei khat tunin jong Mumbai khopi a chil akiset khum na thilsoh alhung kit in, Northeast India gam miho thet na a kibuluna thilsoh akal cheh cheh in ahi.

Thusoh thah pen hi Kalina Main Signal, Mumbai khopi, Maharashtra gam a soh ahi. Vangsetna toh nu in Inside Northeast a, “Nilhah nidan 2.30 don a Mumbai khopi a Naga simlai lamkai hon angaicha thil ahop u kilah dinga kache ahi. Lamlen pel ding kagot a ka nga pet a, scooter (blue) a hung mikhat kakom langa ahung kamu in ahi. Amah in mask akibol ahi’in, eimu mu a, a mask akaidoh a, achil eiset khum ahi”, tin aseiyin ahi.

Khanse tah a chonpa hi migong chule kum 20 vel mi ahi’in, he na sa sa a chil eiset khum ahi, tin numeinu in aseibe in ahi. “Abol nom jeh a abol ahi. Apet pet a chun corona natna kakilah dem ti kagel paiyin ahi. Ihetkhah lou mikhat in hitia eibol ding hi ka gelphah lou ahi’in, lungdon um kasa lheh e”, ati. “Kidang kasa in, kajah acha e. Mumbai a kum 6 lhing kaum ahitan, hitobang thilsoh kato na amasapen ahi”, tin aseibe in ahi.

Vakola Police station a FIR kajih a, thudih a thutanna aumding kanga ahi. “Kichol in lang lungkham hih in, tin police hon eiseipeh uvin ahi. Bailam tah a kakichol thei ahipoi, ipi kato kit ding kaseithei poi”, tin vangsetna toh nu in aseibe in ahi.

Lockdown suhsao be na ding’a thulhuhna um loulai ahi: Health Ministry

New Delhi, April 7: Lockdown phat suhsao be nadinga thulhuhna ima aumpon, hiche thu a ngaidan moh sei loudinga Lav Aggarwal, Joint Secretary, Health and Family Welfare Ministry in Tuesday nikhon aseiyin ahi.

“Lockdown phat suhsao nadinga thulhuhna um loulai ahi. Hiche thu hetchen ahiteng hetsahna kinei ding ahi. Social media a mipi lung suboi thei thu tamtah akiseiyin, hiche hohi mohsei louding ahi. Thulhuhna aumteng kihetsah ding ahi”, tin Aggarwal in aseiyin ahi.

Nikho kipat til a state sorkar chule expert tamtah in lockdown phat suhsao be dinga Centre sorkar henga temna aneiyu ahi’in, Centre in hiche hi angaito ahi. Prime Minister Narendra Modi in achesa March 24 ni a ni 21 gamsung pumpi kha dinga thuphon anei ahi’in, ‘coronavirus’ nat douna ding ahi.

India gam a achesa nidan 24 sunga Covid-19 case athah 354 kiseiya, mi 8 thi be ahi’in, agom a mi 4,421 in natna anei ahitai, tin Ministry in Tuesday nikhon aseiyin ahi. Gamsunga natna jeh a thi agom a mi 117 lhing ahitai. Tuchan geiya natna a kon kijen dam mi 326 inmun a kisoldoh ahitai.

 

Saikul gamkai a chenna inn 2 meiyin ka; CSO hon kithopina peu

Saikul, Apr 7(ET): Jani nilhah nidan 11:20 velchun Kangpokpi District, Saikul Sub-Division sunga um Saikho a cheng Lh. Seingam Khongsai chenna innchu jan a imut pet un Meijin anakalhan ahi.

Inn neipa Seingam in aseidan in Electric sort circuit a kon hung kipan himai jinte tin aseijin ahi. Neile gou khatcha lahdoh man ahi loujeh chun thil tampi le Chang Tin 100 val jong anaka lhatan ahin insungmi vang koima akisukha aumpon ahi.

Chukitleh tuni jingkah lam nidan 11:50 vel chun Saijang kho akon Doulal Dimngel chenna in jong meiyin ana kalhan ahi.

Inn neipa Doulal seidan in electric short circuit a hung kipan hidin agingmo in ahi. Thil le lo themkhat vang lahdoh man ahin atamjo vang anaka lha tan ahi.

Vangset na toh Seingam le Doulal teni tunilhah lamchun Saikul CSO hon vilna aneijun, Anchang Bag 1 cheh, um le bel, chuleh kinkhoh a aman chah diuvin Dk. 5000/- cheh jong anapeuvin ahi.  Inn meikah te ni chenna Saikho le Saijang hi 1km bepma kikah ahi hon ahi.

Dammo veiset lan jeh in chele vale navah hih jongle vangset natoh teni kithopi hi akithopi theichan in kithopi uva, CSO in jong hetsah dia lom ho kihetsah a kithopi  natheichanna kipan pi ding ahin, chuleh huihat lai ahijeh in chapang ho meija kichep bolsah poute tinjong CSO in temna jong aneijun ahi.

 

MSAD in Northeast miho kinoise na thilsoh douna a online campaign pan

Imphal, April 7(ET): Jat le nam khat kithetna hi South East Asia a akilokhom hon athoh thina thei natna lentah khat ahi. Hiche natna hi Mainland India a ‘Gau Mutra Brown’ in athe jal ahi’in, adouna a Manipur Students’ Association Delhi in pan alah jing ahi.

Covid-19 pandemic hi nam thetna neiho (racist) hon mun kipehna a aneiyu ahi. Tua jong Manipuri numei khat Mumbai khopi a bike a tou pasal khat in ajat athet jeh a kuwa twi ana set khum ahi. Thilsoh MSAD in demna sangtah aneiyin chule vangsetna toh nu mijousen apanpi/adinpi dinga temna anei uvin ahi.

Achesa August nisim 13, 2017 ni a Manipur gam mi Sidharth Moirangthem hi Hauz Khas kho, Delhi a athi dan kihe louva kithat ahi. September 2017 ni a  Pravish Chanam kiholmo a, chomkhat jouva athisa akimu hi Southeast Asia a colonized kibol miho dinga suhmil thei hilou ahi. January 24, 2014 ni a Manipur gam mi 2 Kotla Mubarakpur, Delhi a vengsung mihon ana vohlih kit u ahi.

Bangalore khopi a pasal thum in Kannada pao tho loujeh a simlai khat avohlih a chule Gurgaon, Haryana a jong pasal sagi in Northeast simlai khat ana vohlih u ahi. January 2014 kum a Arunachal Pradesh gam a kon simlai Nido Tania (20) hi Lajpat Nagar area a anatha jeh uva kiphinna sangtah anasoh ahi. Hiche thilsoh hohi thilsoh tamtah lhungjing holah a themcha bou hinalai ahi.

Achesa March 22 jan nidan 9.30 don a Vijay Nagar, Delhi a pasal khat in Manipur gam mi numei khat kuwa tui asetkhum hi khahdohna ahi’in, hiche jeh a kiphinna sangtah um ahi. India gam mihon alokhum gam a cheng ho hitia athetna thu aseikhumna chule abolset na thilsoh tamtah akiphongdoh loujong um ahi.

‘Racism’ douna a MSAD in onlice placard campaign agon ahi. Mopohna nei jousen ama ama placard ahilouleh lekha upload abol uva, ‘Fight against racism’ ahiloule ‘End racism, End Colonialism’ hashtag a atahdoh uva chule Facebook account a athot diuvin temna anei uvin ahi. Nat sangtah Racism douna a pan lakhom uhite, ati.

India aum laise a ‘racism’ umding ahi. Gam alokhum a cheng gamsung miho kipunkhom uvin, tin thuso chun aseibe in ahi.

 

 

Quarantine akon jamdoh doctor pa anatoh na akon kikahlha maithei ahi: Minister Jayantakumar

Imphal, Apr 7(IFP): Government hospital doctor Imphal a quarantine centre akon ana jam doh pa chu ana toh na akon kikah lha Meithei ahi tin health minister JAyantakuma rin ana sei in ahi.  Doctor pa in quarantine centre an adalhah toh lhon a Imphal East district polic ien FIR khat ana pan khum u ahi. Hiche doctor pa chu Dr Ayub Ali khan ahi in Thoubal district hospital a posting hi ahi.

Aman in centre ana dalhah toh lhon a Section 188/269/270/271 IPC noi a quarantine dan ana palkeh ahi. Doctor pa chung thu a thuso miho in  Health Minister L Jayantakumar ana kihou pi na uva ajaam doh keiseh hilou a quarantine daan phabep doctor pa in ana palkeh dan minister pa in ana sei in ahi. Hiche doctor pa chu tu le tua apanmun Medical Officer hina konna kah lhah thei ding ahi dan jong minister pa in hetsah na ana nei in ahi. Minister pa in asei be na a Doctor pa chun Manipur Epidemic Disease COVID-19 Regulation 2020  dan asuh keh keu hilou a Imphal a um Peace Hospital and Research Institute a min chom beh a natoh na anei dan jong hetdoh anahi in ahi.

Doctor Ayub chu Lilong akon coronavirus natna nei khat jan a pang ahi toh lhona ama jong quarantine a kikoi ahin, quarantine mun dalha a mun chom an ajot toh lhon a kholchil na kinei na daan dang dang apalkeh jong hetdoh a an aum ahi. Tuni nilhah lam in Dr. Ayub chu police ho a inmun akon in ana mandoh taovin ahi.

 

CMO-CCpur in COVID-19 data mipi hetding’a phongdoh; Mi-9 test kibol nalah’a 8 result negative hi 1 result kingah

B.Lalboi Gangte

Ccpur, April 7 (ET): Coronavirus dou na galpi achelhah jing laitah in tuni nilhah lam nidan 1:30 in CMO Office Chamber mun’a CCpur District sung’a pan kilah dan ho thuso miho heng’a phondoh na ananei uvin ahi. Hiche achun Angelyn H. Vaiphei, Data Manager, IDSP in CCpur District sung’a Conora virus toh kisai’a data kila khom ho phondoh na aneina’a COVID-19 status Report tuni chan’a kimu dungjui in Quarantine Centre, Bijang mun’a numei 6 leh pasal 6, Isolation Ward ah koima um talou, Home/Self Quarantine mi 24 aum in hiche lah’a Quarantine bol jou nailou mi 5 leh quarantine jou’a discharged mi 19 aum tan ahi. Coronavirus toh kisai’a ginmo jeh’a anakikhum tup mi 267,  Quarantine leh Isolation akipat discharge mi 19, Self/Home Quarantine bol chai mi 205 apha tan, Quarantine Centre apat Home Quarantine nikho 28 hin chai  mi 26 apha tan ahi ati.

Dr. Ngahneikim Haokip, District Surveillance Officer in ahoulim na’a Quarantine Centre akipat discharge kibol mi 19 hon nikho 14 sung achai vang uva  nikho 14 ma ma vetlhah na kisu jom nalai ding chuleh hiche phatsung’a inn sah, inn lhang, veng sung ho’a PHC/PHSC in ahopkhah sung’a ASHA leh Anganwadi Worker hon avetkol ding ahi. Hiche na ding’a Doctor ijat ham khat jong training akipe in training phatsung’a Personal Protective Equipment manchah ding dan leh kisut ding dan ho kichuh peh ahi. Chuleh ASHA Worker leh facilitator ho jong batch ijat ham khat training akipe in chuleh Community Health Officer, Health & Wellness Centre mopo mi 9 jong training akipe in ahi ati. Member 36 umna Rapid Response Team jousen jong training achai utoh lhon’a maban’a PHC level ah staff, frontline workers ho training kipe ding ahi. Hiche nachung chon’a Village level ajong awareness kinei ding hiche nading’a MSF injong pan alahding ahi ati.

Dr. Jamlianmang Gangte Psychiatrist in houlimna aneina’a Covid-19 natna hit hin mihem lungthim atohkhah naban’a mitakip alunglinglao tah’a aum jing lai hijong leh CCpur District sung’a positive case mudoh in aum naipon ahi. Coronavirus hi Manipur gamsung’a tuhin positive case 2 tobang aum tah jeh in District Psychological Team kiti jong akisemdoh tan ahi ati. Dr. Tonsing CMO in ahoulim na’a CCpur District sung’a Conora virus doudal kinei dan mitakip hetsah ding deina’a hitobang Press/Media briefing kibol ahi. CCpur District akipat mi 9 test kibol nalah’a mi 8 result apot in negative ahisoh kei in result khat vang akinga jing lai ahi. Lockdown leh social distancing kiti ho CCpur District Administration thupeh hi mipin ajui cheh ding uvin hetsah najong anei in ahi.

CMST beneficiary ho fund akihomdoh tai, tia Social Welfare Minister Nemcha Kipgen in sei

Imphal, April 7(ET): Social Welfare Minister Nemcha Kipgen in Tuesday nikhon Chief Ministergi Shotharabasingi Tengbang (CMST) noiya Persons with Disabilities ho Care Giver Allowance fund  Direct Benefits Transfer (DBT) a kon akithot tai, tin phondohna aneiyin ahi.

Fund kipe hi June 2019 a kon January 2020 chan, 2019-2020 kum a ding ahi. Agom a beneficiary 4879 in ama ama bank account a akisei sum amu diu ahi, tin Minister in hetsahna aneiyin ahi. COVID-19 pandemic sunga kiventhem ding hi khohsah pen ahijeh a beneficiary ho bank ahilouleh ATM a fund ladoh dinga ahon a aum lou diuvin Nemcha Kipgen in temna aneiyin, ‘social distancing’ juiya chule mi tamna bank ho apel diuvin temna jong aneiyin ahi.

Department a scheme atamjo a fund hohi DBT a kon kipe/kihom ahitan, koiman beneficiary ho chan ding hi alam louva aman theilou nading chule beneficiary ho bank account a alhun jeng theina dinga kibol ahi, tin Minister nu in aseibe in ahi.

China akon hung Ccpur numei khat COVID-19 test kibol

Ccpur, April 7(ET): Covid-19 Common control room akon thulhut khat kimu in aseina achun tuni chun Churachandpur district sung a um Singhat akon kum 23 a upa numei khat RIMS Imphal ah Covid-19 avei leh veilou test akibol in a result hi jing nikho leh sohding ahi ati. Amanu hin tukum 28 Feb chun China akon ahung pot in Manipur gamsung April 6 in ahung lhung in ahi. Tuhin RIMS hospital sung a Isolation ward ah akikoi in chule a insungmi ho chu Ccpur quarantine centre ah aum uvin ahi. Manipur gamsung ahung lhun chun symptoms khatcha jong aneipon ahi.