JeM in Maulana Masood Azhar akiman khapoi, tia suhthengna neiyu

JeM in Maulana Masood Azhar akiman khapoi, tia suhthengna neiyu

157
0
SHARE

 

Islamabad, Jan 15 (Zeenews): Punjab Law Minister Rana Sanaullah in Maulana Masood Azhar akiman tai, tia asei jouvin Jaish-e-Mohammad (JeM) hon Thursday nikhon kiloikhomna chief pa akiman kha poi, tin suhthengna anei uvin ahi.
Facebook page’a thingnoi kiloikhom hon thuphon anei nauva chun, “Vannoi mun chom chom’a um tahsan neilou hon lamkai pa kimat akipapi uvin, ahin, kiman khalou ahi”, ati. Urdu ‘a JeM in thuphon anei uvin, “Hiche hi atah hijong leh akikhel nading ipi um em, khat bou ahi. Alah in aphatsah’a ahileh japi tahsan letcheh naleh thanopna le lunglutna punbe cheh cheh ding, jihad natoh thahat jo ding ahi”, tin jong aseiyui.
Thursday nikho’a Sanaullah in DawnNews thuso ‘News Eye’ a ahoulimna’a, Masood Azhar counter-terrorism department in custody’a akoi tauve, tia asei ahi. Pathankot, Punjab gam’a achesa January nisim 2 nikho’a Indian Air Force (IAF) base kibuluna thilsoh’a panla’a thingnoimi 6 hohi Pakistan gam-mi ahiuvin JeM toh kisai ahiuve, tia India in asei ahi. Wednesday nikho chun Pakistan thuson JeM chief pa hi amun kiseidoh lou mun khat’a Pakistani intelligence agency hon thudoh ding’in apui uve, tia aseiyu ahi. Ahin, phat chomkhat jouvin Pakistan Foreign Office in Maulana Masood Azhar akimat thu kahepoi, tia aseikit ahi.