JCILPS kiphinna boina umlouva che lha

JCILPS kiphinna boina umlouva che lha

188
0
SHARE

ILPS chepi nading’a JCILPS in ‘phasewise’ ‘ kiphinna bolding’a tohgon asem achelha jing’in, ahin, kal phabep masang’a kiphinna abol nauva boina thilsoh anaum tobang hitalouvin tu’a kiphinna abol nauva boina aum tapon ahi.
JCILPS in thuphon anei masat bang’in tuni nikhon Imphal West hopsung Chingmeirong leh Sekmai kikah mun chom chom’a ILPS toson hon toumun kiphinna abol uvin ahi. Kiphinna bol hon lamlen keh khat ating uvin, ahin akehkhat lang’a gari ache ding aphal peh uvin ahi. Chingmeirong, Sangakpham, Khabam, Koirengei, Pheidinga, Nilkuthi , Maharabi leh Sekmai Keithel’a numei tamtah in kiphinna abol uvin ahi.

ILPS chepi ding’a thumna leh JCILPS convenor anahi Khomdram Ratan chung’a ngohna kisem demna anei uvin, nidan 2.30 pm don’in kiphinna bol hon Chingmeirong’a kon Sekmai chan gei ‘human chain’ asem uvin, ILPS chepi ahina ding’a awging’in asam uve.

Alangkhat’a, anti-ILPS Bill volunteer holeh numei hon Salphate Pumbuk, Hiangtam Lamka, Churachandpur district head quarter ‘a toumun kiphinna abol jom jing uvin ahi. Bill toson holeh adoudal hon kiphinna aboljing uvin, ahin, tuchan geiya sorkar in tu’a chelha kiphinna teni jeh’a boina suhlhap nading’in pan ala hih laiye. ILPS toh kisai Bill 3 holah’a India President in The Protection of Manipur  people Bill, 2015 aphat sah tapoi, tihi japi hetding’a phondoh ahitan, chule Bill ni hi centre sorkar in thulhuh semna ding’a aheng’a akoi ahi. State sorkar in New Delhi khopi’a akholjin jouva maban pan lah ding dan thu aphon louhi political analyst hon demna anei uvin ahi.