January 16, 1941 – Netaji Subhas Chandra Bose jamdoh nikho kum 75...

January 16, 1941 – Netaji Subhas Chandra Bose jamdoh nikho kum 75 lhinna kin-gon kimang

109
0
SHARE

 

Kolkata, Jan 16 (Zeenews): Independence Day kiman masang khang’a ding’a January nisim 16, 1941 kum hi nikho thupi tah ahi, ajeh chu hiche nikho’a hi Netaji Subhas Chandra Bose Kolkata khopi’a British hon ‘house arrest’ abol nauva kon ana jamdoh ahi.
Hiche phat laiya hin Netaji ajamdoh hi athu hatah’a kisei jing ahi in chule British intelligence ho anasosal ahi. Narendra Modi sorkar in Bose chungchang’a kikoi file ho japi hetthei ding’a aban ban’a ahin koi jouva West Bengal Chief Minister Mamata Banerjee in Friday nikhon chamlhatna ding’a galsat gal-hang pa hi lenna huikong in tosetna ato jeh’a athi ahiding katahsan poi, tia aseiya chule Netaji kiholmo thu hi ‘Russian angle’ a kholna anei diuva thumna anei ahi.
“Netaji lenna huikong in tosetna atona’a athi ahiding katahsan poi. Ahing nalai ahi, ahilouleh athi ahi akihepoi”, tin Banerjee in Kolkata khopi’a kon Netaji jamdoh kal kum 75 lhinna kin-gon kimanna’a aseiyin ahi. India in chamlhatna amu jouva Netaji insung mite aguh’a achinglhi jing uve, tia chungchang’a Banerjee in “Mahatama Gandhi hi ‘Father of the Nation” ahileh Netaji hi ‘Leader of the Nation’ ahi”, tin aseiye. Netaji pen nikho toh kitoh, ahunglhung ding January nisim 23 nikho’a kon Subhas Chandra Bose toh kisai file hohi declassify kibol panding ahitai. Achesa 1945 kum’a kiholmo pan’a Netaji kiholmo dan thu hi file ho kisodoh le hetna uminte, tia insung mi phabep in file ho aphondoh diuva thumna aneiyu ahi.