Jan. 28 & 29, 2016 – TO REVIVE KUKI NATIONAL ASSEMBLY IS...

Jan. 28 & 29, 2016 – TO REVIVE KUKI NATIONAL ASSEMBLY IS OUR IMMEDIATE NEEDS By: Thongminmang @ Mangboi Haokip, Mongpijang Village, Sadar Hills

206
0
SHARE

Namite hi nachunga akipa theina ding uva neithah semkit uva neicho hing louding u hitam? Psalm 85:6

Hiche thuhi sopi ule nao vin gelleo chun ipi adoija aseiham tin tahsan na eineile eineilou alang to gella iumdiu ahinai. Ahin Kuki National Assembly chohing kitding pa hi eima chang phatchom na khella Kukite phatychomna ding tupjalla lungthim le tha Pathen in eipeh alah manglou jeh’a chepi dia hung kiphongdoh joh ahibouve.

ACHOH HINGKIT DIA MOPOHNA KIPEHO:

Pakai kum 1946 Oct. 24 nia ana kiphut doh Kukite political plateform hi ahung machal jingin kna party ticket akoun in MLA ina sondoh jing uvin ahi. Hinlah 1990 joulang in vang koima isondoh jou tapouvin chule a party silent na aumsung in Kukite gam jet le vei sahleh lhanga chengten nitin in asuboi jing taovin ahi. Hiche chohing kitding hi kon ipi sei jongle full responsibility hi Kukite lah’a Haokip te, Haokip te lah’a Henglep te chunga akingam in vangset jong um kasan vangphat jong um kasai. Pu Jaison Haokip in Tengnoupal gam a pat’a Kuki gal anadou holah’a MLA constituency kitup nei Haosa len a upate songthat te leitol a athina ding hileh ahinna ding kit hijongle ahung nuse jou kum 15 val jou hin Henglep tea hung kikhang doh tan a imu sopi ule naote suhkhah a KNA ponlap noiya sagol kengkhai thokhom thei ding hi keima vision ahi.

Keima mihina hi ahile pule pa akon politics lungthim hi ana umjingsa akihi in hiti ahijeh in Class IX akisim lai Kuki-Naga boina chun ihinkhole ilungthim anaha khel dehset kit in i-lekhasim jong hi Daniel themgao Jerusalem lang nga a atao bangin Kukiland Zalengam lang ngam lekha ana kisim in ihinkho hi atampi hetman louvin ahung kimang chaitai.

Pakai kum 1990 jouva pet hin Kukite hi lungmong le lhamong manlouvin hinkho ihinmang jing uvin polam a isuboi diu abei kanleh asung langa boina asung langa boina asung langa boina athip domle polang a kipan kit jing in ium uve.

Kukite kichol manlouva lha hi ipi ham tia ivetleh i politics boldan u hi adih loujeh a aga ineh u ahijing in ahi. Kukite politics hi Henglep mun a ithisah diuleh ahinsah kitdiu hi keima thu thu vang ahipon Kukite thu thu joh ahi in hinlah tuni hin aching athem hon gel u hitin ikhoma diu hi ichan imu uvam lunggel kitet tao hitin tong khom u hite tihi hetsahna hung kinei ahi. Henglep munna mangchu Henglep mun a Avella hindop doh kitding hi Kukite machalna dia angai khohpen ahitai. Kuki National Assembly chohing ding hung kichepi ahi. Veu hitin thibe nading manbe na ding ahi itiuvem hiche hi kithokitna ding ahi itiuvem kija toh u hite.

Manipur election na dia agim neipen Henglep MLA election hi ana hin tun achal be jing in Henglep constitutiency sang in Kukite constituency ho aha gimnei gamtan ahi.

Selfish tah’a politics kibol aga ichim gam taovin selfless politics hinpat ding hi keima commitment ahi e.

KNO/UPF has no RIGHT WING: Vacha hileh vanleng hileh alha khat bou in aleng theipoi, KNO ahin UPF ahin political party jatchom chom toh agreement ijat neijong le ima aphachom ding aumpoi ichimlou u leh Lamka Hospital a Kuki chapa thilong 9 kijam hokhu vejing u hite. Hiche holah’a mi 6 athini jan a chun kathoudoh in kataovin “Vo Pathen Sadar Hills represent leh Chandel lang a jong avat nalai e” kanati e. Ajing lang in ahung machal kit in Kuki MLA 9 vetsahnan mi 9 alhing taove. I MLA houvin kabol khel taove ati thei pouvin athi hon anga u hi Kuki thingnoi holeh Kuki haosa ho le organisation dang dangho assurance ahipon nampi pa Kuki National Assembly kamcheng a nga ahijo bouve.

Mipha athi leh mipha tampi apenbe kitji e kiti banga Kuki chapa hangsan 9 ho kheldia Kuki MLA gam ngailutah ahung kisep doh na dia Pathen thilgon Nu Parchi le Nu Moil eh Pu Chomlhun kom a asei suh bulhing step ahung kikha jotai.

Q1: KNA phudohna dinga ipi ngai em?

A: Chang phatchomna dalhah a mipi/Nampi phatchomna natoh ding hibou angaijin ahi.

Q2: Koi koi chu KNA Party member hiding ham?

A: Kuki jouse chu KNA member ahiuvin 1946 laija Kuki jouse chujong Kuki ihisah kei uve.

Q3: Koiho chun KNA Party ticket na MLA atet diu ham?

A: Kathao nusa tongkha hih un kathemgao ho bolse hih un (I chronicles 16:7) Pathen thaonu chu Pathen in ahin tundoh na dia KNA lamkai hon mipi dei candidate ho kive chil ding taona neijou teng mipi deiho chu akibah leh Lottery lahsah diu koima alung oimo um chom loudiu ahi.

Q4: Lottery system chu chelha thei mong ding hinam?

A: Achelhah na diu chu thildang jeh ahipon permanent fencing issue jeh akibol ahin 2017 a MLA 10 neiding 2019 tengle MP khat neiding Kukiland Zalengam declare doh loiding inop ule inop lou paovin decide abol ding joh ahijo bouve.

Q5: KNA Manifesto ipi pi ham?

A: a) Pu Jawaharlal Nehru kom’a memorandum ana kipe chu manifesto lah’a alenpen ahijing e. Chubanna Kuki gal anasat haosalen gamkai nga delimination mangcha a i) Tuilang Tamei constitutiency a konna Jampi constituency ii) Saikul nahlang Karong a beh Kuki kho hotoh gop a Aisan constituency iii) Chahsad langa kon Chahsad constituency iv) Jiribam phaitol a kon leh Tamenglong a kon Laizang constituency v) Tengnoupal lonpi Lonja a kon Lonpi constituency sembe ding.

Q6: Hitobang Kukite dia constituency nga sembe ding hi akijou nadem?

A: Thilhi tun thum louva muphat akichai jing tuhi thumma muphat ahin achebe kitleh amu a mulou phat jong umkit ahi nalaiye. Delimination ache nathei ding chance aumin NSCN (IM) hon jong MLA 10 for Naga Kuki adia adel lai u ahin ahimo ding aumpoi ahin ichihlou u leh amin eiho ane midang hung kitding ahi.

Q7: Kuki National Assembly hi Kuki Chyin Mizo Hmar hon apom sohdiu hinam?

A: Pathen in hin ngaito nante kataona Bible cheng a eikipe chu hiche hi ahi. “Tua um thil hi ana umsa ahitan ahung umkit ding jong chu aumsa ma ahitai. Hiche a Pathen in ahol penchu akidel masang chu ahiye” Thuhilpa 3:15

Q8: Kukite sumo pen ipi ham?

A: Asumo atam in alhep lhah na diu jong process achom betset aumpoi No. 1 asumo penchu Christian la kihija I Rev/Pastor hou vangam ma toukhom loudiu ahi. KBC, KCC, ECA, TBA adang dang hohi Pakai Jesu phudoh houbung chu ahi tapouve hiche hohi kiloikhom na jong hikit talou kikhen telna bahjam kai hochu ahigam taove. North Manipur a dia kiloikhomna NEKBAM leh KBA agom uvin KBC ahinso uvin aban in KCC in ahung potdoh kit un TBA in ahinjui kit in EBCCF leh tampi aumkit tan ahi. Kigom ute itiu leh ipot doh doh naova chu ilelut diu toh ibop khomdiu hichu Kuki tia Bible nei jouse chu khatna ium theilou u leh Ur khopi a Terah Pathen lim semthu chutoh akibang ihijing uve.

Q9: Kuki thingnoi ho ilo a gopkhom ding ham?

A: China gamma Pu Demkhoseh Gangte in manchah ahinpoh a Kachin gam a adalhah Mizo accord Lushai Hills tailou hop talou Pu Pakang Haokip, Pu Nehlun Kipgen, Pu Demkhoseh Gangte in Kuki National Front ana phutdoh uvin ahi. Hinlah Kachin ten meithal hinpe theilou u Pu Thanglun lamkaina a Kuki National Army aphut un alolhing taovin ahi. Kihoutohna umlouva apha ding inabol u ahin hinlah tuni geijin ikihou thei nai pouve. Khat hi Front ahin khat hi Army ahiuve. Hetlouva kibol hijongle athuhi akitoh in eiho vang ikitoh hih lai uvin Kuki National Assembly noiya iseilhah tailou u mundang vang aseina ding ineipouve. KNO leh UPF akigop u hi a formula adihpon atah tah leh kitahsan na vang lhasam ding machalna vang vatjing ding ahi. Nampi ingailut uleh Nampi toh ichapang hou isuh khenlou diu ahi. KNF a pot jouse KNF a lutkit diu KNA a kon pot jouse KNA a kile kitdiu, akahlah’a kisemdoh hojong KDF a lutdiu KDF a kon KNA a lutdi kingailu tah’a ikihou kitdiu nampi khonung ding thu atahbeh mong mong a iseidiu ahi.

Q10: ZRA te hoija lut diuham?

A: A founder pa hi Assam Diphu constituency a kon Kuki MLA kaidoh amabou ahin Assam a Kuki National Assemby President jong anahi e. Chuti ahileh Assam a gaki surrender ding ham oleh KNA or KNF adeijoh kom jon uhen.

Q11. Thadou-Kuki issue hi iti ding ham?

A: Thadou issue jong achom Kuki issue jong achom ahi. Thadou issue jong virus, Kuki issue jong hereditary thumin lou lamin lou chu ahung chebe leh aching masa angol masa aching nukhah angol nukhah ajeh chu ngolpi louding khat ingolpi gam jengu ahitai. Hiche hi aseitoh na ding aphat akichai tai akiti theipoi. Isei niu leh kitoh jengding ahibouvin, seilouva ikoijeh uva iboi iboi u ahibouvin, aseina ding mun a isei diu ijamsan loudiu ahi. Hiche phat leh nikho chu ikisem u ngai ahi. Thu in jong lampi aneiye.

Kuki Issue: Hiche hi kiphatlam aumin Thadou Kuki speaking hon seilou ding isopi teujoh seitoh sah a amaho jaona a seikhom ding ahi. Eiho seh seh Kuki in kigel poute.

Sadar Hills Thu: Sadar Hills Capital Hills hi isei chan un aneocheh cheh in seilouva koija toh tho ding ahibouvin ahi. Kon nagam u nachu uva napen pen uva Langol mol Langmaiching lhaang mi napeh doh uham? Gambhir Singh in Seven Years desertation kichaija “Chingna koina pansaba haona koina penngakba Manipur sana leibak” anati chu British ten ama awcheng a kona Kangleipak leh Kukite gam ahung hopkhen u ahibouve. We are in outer Manipur which means outside Manipur. India government does not ignore the rights of the Kukis.

Q:1 Ipi jeh’a Kuki National Assembly chohing kit ngai ham?

A: i) 2017 Election ding jeh in gam noile thingnoi leh poun noi aboi pantan thingnoi hon Kuki National Assembly support u hen tina vang ahipon, hiche party aumlou leh Kukite khankho ding decide eibolpeh diu koima party hung umkit louding August 2015 sanga khohjo cheh ito kitdiu hiche nileh chun Kuki gamnoi organisation jabep ithi kitdiu min ithi ika na chung uva inuisat diu ima la ibol theilou ahi. ii) KNA party aumlou leh Congress leh BJP igolhang hou kisot tetdiu MDC election sanga khohse a ihung kibol diu Power without responsibility venom/ gu ihung kilha khumdiu ahi. iii) Gamsung leh namsung a chamna chance pehna ding party hiche tailou Pathen min kouna ding aum mong mong poi.

Q:2. Ipi kisonna jeh’a Kuki National Assembly Chohing ding kilhangsam ham?

A: Mitlhi pum pum’a muchi tuten kipah thanom in aga kilo u hen, Akap pump um a muchi tu ding po’a vaikon chu achang pal kipohten kipah thanom in inlam hinjon hen. Psalm 126:5,6 Kuki nampi taona Pathen in milhasam kiloikhom ho taona jalla Kukite phatthei abohdiu phong masa kahi bouve. Keija a ima cha aumpoi hansan na leh lungthim eipe Pathen ahin Pathen in nam mite mitlhi lonna jalla mipha mihangsan tampi ihin mudiu migilou ho muphah a umlou diu ima jong ahinbol be loudiu ahitai. Leiset chunga aphamo pen hi migilou hangsan na mipha amei doi hi ahi.

Q3: Naga People Front leh MPP or Valley Party hotoh kitho theimong mong ding hinam?

A: Unconditional a kithona ding phat hunglhung ding Daniel Themgao lekhabu’a theh le leikihal tha chu kum 5 a kengding chomkhat joutengleh Kukite Kukiland, Nagate Nagaland chuleh meilhei ten agam uva phatea a kum thimdiu ahi. KNA party MLA 10 NPF 10 leh MPP or Party neo neo a kon 12 chun 32 figure apahding Manipur representative dihtah apohdoh diu ahi. Congress leh BJP thinglhang a chance neita ponte.

Q4: KNA Party thingnoi leh Force ajang deiuvem?

A: Min force leh thingnoi ajah pona chu mibol kideilou chu kibl ponte thingnoi hohi achamlou uva election teng disarm kibol diu Kukiland security/police hidiu Kuki numei te duty poh noiya election iche lhahdiu ahitai. BJP leh Congress a kon kana louva ikitha ikivoh nalou dinguva Peace Party a dia KNA hi hunglut ding joh ahi.

Q5: KNA Party MLA aginchat jat kaidoh lel taleh iti pan alah ding ham?

A: Gideon chun hikomma chun Pakai din maicham khat asem in Pakai hi chamna hi anatin ahi. (Judges 6:24). Median sepai te Gideon in Israel sepai mi 300 thahat in ajokit jong hilouvin Pakai Pathen ban thahat vanga anajo ahijon Kuki National Assembly hi Pathen instrument na umdiu chu ahin jona leh lungtup molso ding chu chung Pathen in Nu Parchi Nu Moi leh Pu Chomlhun kom’a asei chu guilhung na ding iti nau joh ahibouve.

Q6: Pu Chomlhun, Nu Moi, Nu Parchi mission hi demthei ham?

A: Deutronomy a themgao lhem leh themgao atah hetna ding chu athusei u aguilhun leh aguilhunlou thu a kon ahi tikhu ihet uva mi an ngol la atao atao leh iti satan in avop ding ham? Chuti ahi theiding leh an ngol lou a taolou ho iti ivopda diuham? An ngol a taovin thil nasatah abol theije ti hetna mithil bol mohdem dem louding ahi. America leh Korea a Bible isim manna Pathen lhagao vin ivop ahipoi degree in imacha apopoi. Rev. Pastor hon opposition abol u hi Pathen lounglhai na ahipoi. Danthu them Pharisai leh Sadukai hon Pakai Jesu bon oppose anabol uleh eihon jong Avella ihinti kit u ahi.

Q.7: Jonah melchihna ipi ham?

A: Jonah melchihna hi i Rev. Houleh i Pastor hou pansatna ahin, Bible hi ama ho deija apuikit u ahi. Pathen chapa nahina sign/melchihna ipi neivetsah thei uvem? Tia Pakai Jesu anadoh u chu Jonah ngapi oisunga nithum le janthum aum banga ama jong nithum le jan thum leigilla aumding melchihna aseipeh ahin Jonah jouva pat thil kidang kibol umlou ding gaothu bei ding ahitai atina ahipoi. Gaothu beiding ahitai ati hileh solchah te natoh Paul athil mu geija thilha natoh hiding ahi.

Famous two literal suicide in the Bible, warning for the leaders:

  • Nampi lamkai hihen Hou lamkai hijongleh nampi leh amite sukhen le Pakak Jesu leh achen na houin (tahsa) sukhen chu ahithopal David adviser pun David le achapa Absolom permanent a asuhkhen phat in Pathen in phu alan achainan Ahitopal advised Absolom in adeilou phat in Ahitopal aki khai lihtai. ii) Judas in a Pathen a Pakai sangin sum le nei le gou angai lut joh jeh in akikhai lih kitbep me.