Jan. 26 & 27, 2016 – A critical commentary on the conduct...

Jan. 26 & 27, 2016 – A critical commentary on the conduct of JAC Against three Anti Tribal Bills By: N.Lhungdim, Thangting House, Molnoim West

168
0
SHARE

Anti Tribal Bill 3 ho deilou na a kisem JAC kipohdan dem na thei le kinel na thei na toh ho hilchen na- Manipur Assembly in August 31st ni a Bill thum(3) apass ho jeh a Churachandpur a MLA ho injouse akihal a boina sangtah ahumg umjeh a miho jouse thalheng a pangthei JAC(Joint Action Committee) kiti khat kisem doh hiche va Chief Convenor chu H. Mangchinkhup ana kilheng doha hiche JAC hi tha neitah le thunei tah hidia ana kilheng doh ahi. Hiche Churachandpur boina jeh hin gollhang hangsan mi 9 in thina ana toh in ahi. Hiche JAC chu Inpi adeh a Kuki Inpi Churachandpur, Hmar Inpui, Zomi Council le MPC in September 3,2015 nia Rengkai mun a kikou khompi na akinei in hiche a kisei chu JAC in mithi thu kisei ding Inpi li(4) ho toh kitho khom a kisei ding ahi. Churachandpur boina thu aboipi ding JAC kingense pen chu KIM in thinglhang mite jouse thalheng a aboipi ahi tia kisei chu mipi kiniel boutam na ana soh tan ahi. September 26-9-2015 nikho a Inpi 4 ho leh JAC ten October 6,2015 nikho kah a thivun dated 39-9-2015 nikho a KIC office Tuibuong a Inpi 4 ho JAC chule Tribal i ding ahin tiu leh mipi kon khat anop lou jeh in ahung boita leader ho cheng toh kihou na akinei hiche a chu KIM in Government ho toh pan ahin lah ding in phatsah ahi. Chujou in Press Conference akinei in KIM Speaker le Zomi Council Chairman chule Hmar Inpui President hocheng in phondohna anei ahi. Meeting Secretary Pu Khaimang Chongloi Kuki Inpi Secretary hina in jal in Resolution kinei hochu phondoh na anei in ahi. Khonung a mipi control le moh pen pen ule Zomi Cuoncil Chairman pa jong kicha a KIM kingense ahipoi JAC ten jong kei hetlou a Press Release abol Zogam.com a suh thengna anei ahi. Khonung a local paper dung a jat chom chom a um chu local paper dung a kiseiset to louding kiti ahitoh lhon a KIM lang a kon a suh theng na aneilou ahitai. Hijeh chun 6-10-2015 nin Mizo People Conventionoffice Hmuia Veng New Lamka a meeting anei uvin amah on kiphatlam na thu asei jeh va kihet them peh ahi tai tin KIM in asei in ahi. Bill thum (3) thua atil in Naga ho chun UNC le KIM itobang resolution alhah khom uvem ti chu anoiya bang a ahi. Thinglhang Naga jouse Tribal Unity ding deisoh kei diu tahsan aum in KIM le UNC kihou na jong chu (1) Decided to uphold the unity process of Manipur Tribal (2) Agreed to secure a common causes an issue. Ahinlah KIM in UNC koma appaeal abol chu ahileh Manipur Tribal Unity deisah le chepi ding anop anop to lhon in kei hon jong UPF le KNO demand a kon in hung ki khin doh un lang nang ho jong NSCN-IM (Hebron) ngaidan le tup le doija kon hung kikhin doh un lang Manipur thinglhang mite kipum khat tah in doi le tup sem khom ute tia appeal kibol chu adonbut theilou ule nahsah a akoi lou jeh un KIM in nommo akisan ahi. Churachandpur District sunga inpi 4 KIC, Hmar Inpui, Zomi Council, MZP October 6th kah a mithi vui dia ana kilol nao jeh pen chu Churachandpur a thu boi na chu aboi cheh cheh jeh in Bill 3 ho kisei talou a demand chom chomahung pot jeh ahi. KIM in 5-10-2015 nikho nin MPC Office New Lamka ah meeting anei pi un, deadline apeh uchu lha ong ahitai. Elected MLA ho resign kibol ding leh kibollou ding in Manipur in ima kilol na anei khapon, kihoutoh jeh a MLA ho in ahal lhah uh ahitai. Lunghan jeh a kisei ding kisei da hen ajeh chu sopi Naga MLA resigned kibol ho phatah a ivet leh Bill 3 jeh ahipon government Assembly procedure joh ahibouve.
Mithi vui nai lou ahivang in issue hi athip doh tan Kuki inpi leh Kuki te kivaihom na Inpi chu moh a aphat dung jui a social organization dan kijui jing ahi. Amongin Kukite hin kitohmona anei pouvin hitichun Haipi a Nampi kikou khom na a jong Kukite kitohmona aum pon ahi. Kukite hi thisan a Nam khat akihi jeh in KIM makaina in Zomi Council, Hmar Inpui, MPC vei tampi kihou khomna ana nei un koima kitohmosah ding dei akimu pon nam khat ihiuve tin akisei in meeting akichai leh achom chom ahijin ahi. Hijeh chun UPF leh KNO jong KIM in jochan in UPF le KNO toh kihou khomna jong anei in hijeh chun Pathen phatsah na jal in tuhin ahung kigom thei tan tup khat, doi khat anei taovin ahi. Hitobang hahsa tah a kilam doh kitohna, kipum khatna hi mijouse he bol a pilhin sah ding hi imoh pohnao lentah ahi. Hijeh chun inam sung uva kitohmo ding kisei set leh kibung khen ding lungthim pai lhao tin Kuki Nampi dop sanga aum a nikhat leh pule pate zalenna gam athah a nung tundoh jou kit nading in mipi jouse KIM in tepna anei in ahi. January, 16,2016 nikhon JAC against Anti Tribal Bills Churachandpur makai na in kihou khomna ahung um pan kit tan kum khat tobang September lha a pat a Churachandpur boina chu ana um in chomkhat jouvin Organisation chom chom hon hiche Churachandpur boina thu a meeting anei uvin ahi. Hiche meetinga kisei ho chu boina kichai na di sanga athah beh a kipatna dingin akilang e. Government toh kihou khomna ho sei dung jui a athah beh a abul a kipatna joh hung hiding ahi. Ipi atileh hiche Churachandpur boina thu a kihouna ho a jaokha lou Manipur Tribal Forum Delhi, United Naga Council ho ahung kijep lut hi datmo umtah khat ahi. Iseinom uchu hiche UNC ho chun gelkhohna anei ule bandh le blockade ho tu thah beh a bol di ati u ahidem CHURACHANDPUR A MITHI VUILOU A KIKOI HI DIHLOU AHITAI. Hiche mithi hohi politics dang machalna a kimang go ahichu lhang phonga kiphong doh cheh cheh ahitai. Churachandpur a JAC meeting chu UNC meeting ti thei ahi. Hiche kihouna a kilol naho chu ahileh tukum Republic day boycott ding government in Tribal martyr ho thu leh Manipur Tribal hon Bill 3 thu a government in nahsah mo a akoi jeh a ahung lhung ding February 1 a pat a Chaka bandh bol ding FIR police a case bolding tihi ahi. Hetna nei khat semdoh a Manipur Tribal Forum khat semdoh di tiho ahi. Amasa in Republic Day kiti hi thingnoimi governmentdou hon bou ana boycott ji ahi. JAC against 3 Bills hohi thingnoimi toh kibang hitam?. Hiche National Day hi boycott ding tia hung kisei hi datmo um ahi. Kahet khel loule Manipur government toh kihou toh nading in Manipur government jong hem kham ina bol sah uvin vohcha jong ina tha sah un ahi. Hiche a chun amaho toh kihou ding Churachandpur a thilsoh MANIPUR GOVERNMENT TOH SEITOH A KIHOU TOH DING GELLOU A DELHI LANG NGEN JAC HON A DEL UHI ADIHLOU LEH DEI UMLOU THIL AHI. Manipur govt. jong kihouna dia hemkham ibol sah uvaz ahileh iti kihoutoh ding ham ti joh igel diu ahi. Manipur govt. chu phatah a dan leh thupeh dung jui a kisem ahin Manipur govt. chu Churachandpur a JAC ho dan noi a lamle le thei lou ahi. Chief Minister Ibobi in asei na ah Manipur gam thuboi na a American ho leh Delhi ho hung kikum na a seitoh thei ahipon eiho le eiho ikihoutoh uva isei toh diu tin kasei e ati dan ahi. Thu kajah hi adih ahileh Manipur Chief Minister Ibobi in Cabinet meeting anei uvin Bill 3 ho chu thinglhang gam akimang theilou ding ahi tin kinoptona kanei taove tin asei e tin jong kajan ahi. MLA ho hai le hai lou chung changa kahet dan in Bill 3 deilou na a Tribal MLA minister ho themmo kichanna a a in a lou u kihal jou a a in alou u phathei lou a kibol jong hung hidoh ahitai. Naga ho lah a NPF MLA hon haina lekha ape uvin koi hai malah a Chief Minister pa leh Cabinet member dang hotoh govt. program a kijui le le ahibouve. A In a lou phathei lou ho jong Churachandpur a function ho ah Chief Guest a ga pang loi jong aum pantai. Police FIR jong hi thil asoh jou nikhat jou a bol di ahi tia ni jakhat val set jou a bol di kiti hi kiphinna abou bol di kiti na ahi. Tua JAC hon abol ding leh aboipi ding ho chu: 1) Churachandpur a mithi 9 hohi ipi ham khat lo a agang thei lam pen a vuidoh ding a gel ding 2) Hiche boina thu sei lhap di itiuleh adang dang sei sanga state govt. toh kihou a achaina ham khat bol phat ding ham ti joh ngaito ding ahi. 3)Churachandpur JAC thuboi na a UNC ho leh MPC (D) ho kikum sah lou ding ahi. 4) JAC lah a ahilou leh akom vel a mi phabep khat Naga Bus a tou ding agel ham ahilou leh atou ho hi haidoh loi leo aban che jom na hung um inte. 5) Churachandpur boina hi Kukite boina ahitia Kuki Inpi Manipur in athei chan a pan alah a asei lai a traditional enemy Naga ho toh kihou mat jing leh amaho Bus a tou loi aum leh thil hi apha lam hilou ding aselam joh hung hiding ahi. 6) Churachandpur a gollhang 9 thiho hi donation box dan a JAC hon anei uva gam tin a mihon anei kham kham ahin to houhi akin thei lam a kha loi ding ahi. 7) Thil mong mong hi aso leh amachal na ding leh sei lhap nadinga gella lamkai kahe tihon aphat mantam leh ahetnao amanchah diuvin ngaichat ahi. 8) Kichai na ding lang sanga kithah patna um jeng dinga lamkai hon pan alah u hi JAC a kona political gain ipi um ham tia mihon ahin gel teng uleh mithi 9 ho loupi tah a vui ding chu man mo tah a kivuina hung umdoh le athi te inko ho dia lhaset um leh vangsetna thil hung umdoh thei ahi. 9) Hiche achunga kisei ho jeh a hi mihon dem na leh deimona neilou thu asei jeh a hiche JAC aginst Anti Tribal Bill ho hin abol jouseu hi adih a chuleh apha a agel uva mipi alamkai u akivet uleh adih thei lou jeh a demna thei leh kinel na thei natoh ho mipi het dia hilchena hung kinei ahi. 10) Mihem in alunggel uleh idei dan uva mipi lamkai ding igot u hi sap paova Gospel Truth eiho pao a het bailam tah a sei a John sut kipahna thupha banga aphat seh a chuleh a itih a dih jing jeng ding tia gellou ding ahi. Ajeh chu ilunggel uleh ina toh u hi aphat che dung jui a khonunga Historical Document tichu mipin adihlou a puina thu le la hung hi a khonung leh khangthah te hon eihin ngaidam lou diu tihi geldoh ding in aphai. JAC hi Joint Action Committee ham ahilou leh JOINT INACTION COMMITTEE ham? JAC a kon a JIC asoh doh le thil dihlou tah hung hi ding ahi. Tu tu a JAC ho che dan hi ivet leh JAC hilou a JIC joh toh aki lou tai. Tu a JAC hon adel diu chu “SEPARATE ADMINISTRATION” kitiho mang (dream tobang) ho sanga imasang uva kilui central government peh dia kigosa a aum Manipur govt. in atuh tang 6th Schedule Autonomous District Council joh hi aboipi le mi 9 thi chu them khat beh thinglhang mite dia aga muthei um sun chu ahi. The writer can be contacted at 9862191294 / 8014781147