Jan. 24, 2016 – “Kho le gam min midang paova umho eima...

Jan. 24, 2016 – “Kho le gam min midang paova umho eima paova kheldoh di ahi / Midang paovin ikho min umjongleh ijohda a ihuhjou poule akhohpoi” ti thu’a ngaidan

609
0
SHARE

1. Khomin le gam min khel le2 a boina aso sang in epi min hile akihet thei poule khoh kasa poi.. akhoh pen khat Kuki te custom dung juiya Pu min Pi min ehin lah jiu bon ehet khah lou beh u sapte min ngen a ki2 koi ta mihet thei a hung min thang doh hojong eimi min mong2 jong pang talou dimset ta a boina aso sang’in thip beh in kium henlang Gamtum ehinmu teng ule edei dei joh kisah leuhen koin epi asei thei tah ding ham tin kagel’e. Gam min le Kho min ekhohsah bang uvin Emin u jong khoh sah cheh ute achuti loule tua pat kum 20 (somni) jouteng Ejat Enam u mang thah ding agitai. Holkhothang Khongsai, Checkon Imphal.

2. I-Kho/gam min chu eima pao a khel doh aphai. Ajeh chu inei igou khat midang Nam nang min kisah chu amaho kichoi sang abang in eima joh ipu ipa ten eina minvo peh u min chu choisang a kithang aat pi a minthan sah di kadei joi. Lufly Chongom, New Lambulane, Imphal

3. Khomin/gam min mipao ahijeh a apao neite in achu a alah pehna ding jong ima aumdeh pon, hijong leh Kho min/gammin leh imin u vang midang pao hida leh phatah leh kilom tah hi ding ahi. Pasal in apu (apa pa) min putei leh pha ahi. Thangting/Thangjing min apan sang chun SDO um na ding mun min atekah nan Khousabung/Kangvai Sub Division ti a anakibol hileh boina ana um lou ding ahi. Jamkholal, Dampi Village, Ccpur Dist.

4. Kho le gam min mi dang paova umho eima paova kheldoh di ahi. Ajeh chu tulai a ichen khompiu meitei/meilhei te politics hin phat khat le chung leng vacha tobang a gie mun tou mun det neilouva eikoi guot u ahi tichu mirror a ikivet le eima le ikimu bang a eimusah uh ahi tai. Min jong lhuohbu a nei a khonung a di akigel u le eihon jong iki gel tei tei diu thil khoh pen ahi. Example: tuchung a Thangting le thangjing thua ibuoinau jong hi ima dang jeh hilou makho di gelna jal ahi. A ipichu hitaleh ipu ipau teuvin hangsan tah a pan ana lahnau chu velvet a pha ahi. Letpao Touthang, Ccpur.

5. Kho Min/Gam min midang pao kiman naho hi khel tei angai tai, ajeh chu mipao kimanna khomin/gammin ho hi Eimi kho thengsel dan in jong akigel thei behset jipoi. Chon Kipgen, Sadar Hills 6. Kho le gammin midang paova um ho kheldoh din kadei ye, midang paova khomin akisah le, midang kho toh akilouve, eiho paovin kisale, inam mi te chenna kho ahi tin kihe bai joh in te. Thangboii Lhouvum, Motbung Lhungjang veng

7. Khole veng eipaova nei aphai, thangting khu thangjing dia ipi ding a aha ngai to u ham? Hitia min jeh a jong gam hung kichu doh nathei phat ahi tai. Mipaova min inei houhi aganna thei pen in khel doh loi uvin aching athem hon, eihon lenkhom iti hobang mei lhei hon lengkhom akiti u ahitai. Hibanga chu khomin gamin mipaova iman lou diu ikhel doh diu achuti louleh ihuhlelnao nikho hung um tei tei di ahi. S.Chongloi, 7mr (9856806830)

8. Eima gam hia namdang paova min aumhi khonung teng eihoa dinga iboi nao hung hiding ahi, chule eima gamchu eima paole ham a amin kisem cheh ding ahi. khup@C-0N haokip Samusong (7085562784)

9. Eiho kho chu midang paovin umda leh kati e ajeh chu ahileh khang hung lhung di tichu next generation a apao a kimin vo techun khonung a ahung boina louding a namsepai haosa chuleh mipi hon pan ilah ngai u ahitai. Rexx Minlun Vaiphei, DM Veng, Ccpur

10. I Khomin le igam min mi paova kisah thu Eimi Times’a phat masa laijong chun Topic in ina nei khatao vin, hiche a jong chun mipaova kholeh gam min inei hou eima paova khel doh ding’a dei loi kana-hi. Mi paova kho le gam min inei hou hi koiman jong eichu dau henlang, eichu u jong leh ki huhjou leh khoh deh louding vang chu ahin, amabou min ikho le igam min chu pansat na-a’a neija eichu thei/ eilah peh thei ahi tithu bou hija, Eichu lou mai thei / eilah pehlou maithei’u jong ahi. “Look before you leap” ti bou ahe. Among mong’a jong pao kineija khomin gam-min’a mi pao mankhoh angai poi. -Sehkam khongsai, Bethel Ccpur.

11. Eima gam le kho midang paova um hi phakasa thei poi ajeh chu midang namdang toh gam ki chuna gam thua kiboina umtaleh midia proof hoitah khat ah. Min kapaova kaki minvo ahi tile eiho ding a sei hahsa ding in kagel e, eima pao ahi jongleh eihitima achu pan kit ahe. Ahithei chan a kiboi tam masanga kheldoh thei chan lungthim mangcha tah a kheldoh ding dei um kasa e. Alpy Haokip, N.Songjang, Chandel

12. MIN KITIHI-leiset chunga dinga apoimo pentah khat ahin;Pathenin Adam asem jouvin amin anasempeh in Adamin thiljouse & mihemte ama deibang tah a aminsah dingin thupeh ananeitai.(Genesis 2:8-18’sungah) chuleh Rev.20:12’a Hinna lekhabu a amin kimulouho chu damun a alehlut tauve akitibangin, mihemte min hihen gam min hijongleh aminsah pa chu apu/aneipa hijeng tobang ahijeh a inahet them masanguva paodanga anaki minsah gammin & khomin tamtah hohi apao neihon aban banna ahin chu masanga chingthei tah a kheldoh tei tei dinghi phatah ahi tin kagel e. Evan.Lhunkholet, Imphal.

13. Kho le gam midang paova umho kheldoh apha joi, ajeh chu ichenkhom piu meilhai te hi eiho sang a bol thei jo le govt, toh kitho thei chuleh ki o to jing ahijeh uvin, in lah peh thei u ahi. Hengoulen Kipgen, Cmol, Sadar Hills

14. Kho le gammin mipao a um hohi kheldoh aphai nungle tua sanga boicheh cheh, mi jong ching cheh intin mipaova min umnaho hi nung le apaonei hon kagam ahinti thei dingu ahi khel thei thi ban kheldoh a phai. Lhunthang Haokip, L.Gamnom Ccpur.
15. Jatdang ho gam min kiman pha kasapoi. Ajeh chu jatdang ho gam min iman jeh un i-society sung, inam sung uva jong mihet thei in jong ium deh pouve, ahin lah tua gah hetthei pen khat KANGPOKPI (KANGGUI) a ahung kikhel phat i-Kuki hinao mijouse in eihin hetaovin, sinthei jathei, kineppi um tah tah ahung um doh tan ahi, hijeh chun KUKI lalna letna hohi moh suhmang ahilouleh johdoh ding tihohi hagel poute, khonung khankho ding gel igam sung u hi chingthei tah in mangcha taohite. Helut Guite, Maohing, Sadar Hills.

16. Ipi min in um jongleh igam ihuh jou poule akhoh na aumpoi, mitin nin ahetna min chu suhkhel toukhel jong ngai kasapoi. Manggou Kipgen, S.M Gilgal Sadar Hills

17. Kho le veng min midang paova um hohi eima paova khel ding ahi ajeh chu tulai adeh a Manipur sung a meilhei te politics ivet le khomin/gammin hin gam le go ahin chu un thusim akisem thu thu gam taove. Nehemiah Haokip, Zion Veng, Tuibuong

18. Nidang lai chun, KHO le GAM min, midang paovin ana um jong leh ijoh/ipeh doh da pouva ihuh jou pouleh akhoh poi ti’n kana gellin, tun vang -hoija-hoija khel doh gang chel ute phat kikhel khante. Douthang Khongsai, L.Semoul CCP.

19. Kho le gam min mipaova um hohi khel doh a pha ahi. Ajeh chu Chaoba hi Kuki ahi kitile koiman atahsan lou di ahi. Hijeh a chu gam min le khomin hojong ikhel dohlou ule khat veile kinei sahkei jong leuhen politics lam panga mi thaneina di bep a hungpang thei ahi. ST.Kuki L.Molvom Ccp.

20. Gam le go, kho ti tahlou in thil le lo ipi hitajongleh ineija eima a ahileh eimin/eima paovah umleh pha ahi. Midang min/paova ana umkhah tah jongleh alampi hol a khel di ahi. Ineisa jongchu min eichu a eilah peh theijeh in! Lenna Eldmund, HQ Veng, Ccpur.

21. I kho min igam min koipao le ham in um tajong leh Ijohda a iki tuh chah a ihuh jou pou leh a khoh poi tin ka ngel e. Lamboithang, Leimakhong Mission Veng.

22. Kho min midang paova um hohi tu dinmun phat pet a hi eipaova khel doh gang chel ding ahi akhuti loule keiho a ahi tia midang hon ahin seina ding nailam cha aum keo hilouva um jong um ahi tai. Vetsahna Thangting v/s Thangjing etc. Min eiho paova um ho chung a bon ajat jat asei thei le ama ho paova um hochu ipi ahin seida ding ham? Kaikhogin Haokip, TN Vaison, Ccpur

23. Midang paovin ikhomin umjongle ijoh da a ihuhjou pouleh akhoh poi tin kagel in ahe. Ajeh chu khomin in gamle nam apo pon, avaipo hon joh apoh ahi. Midang paovin khomin, gam min umjong leh avaipoten kitup tah le kitah tah a apoh a akihuh bit jing poule khoh poi tin kagel in ahi. Haosa gam johhat kiti hi mipi lunghanna ahin, koima achunga alunglhai pon ahi. Haosa ihi leh neh a kilom bou neh di ahi, koi hile aval a ne chun athipiji tei in ahi. Hijeh a chu haosa vaipo khat ihile kitah tah le gunchu tah a poh di ahi. Chutile agam le anam akihuh bit jou di ahi. Nenem Chongloi, Postal Colony, Wangkhei

24. Kho le gam min midang paova kheldoh di ahi/ Midang paovin ikho min umjong leh ijoh da a ihuh jou pou le a khoh poi. Kho min le gam min mi dang paova a um di leh pi gam nei lo um am. Ka inkhon chu mi dang inkhon hi thei lou ahi, Hiche min jeh a jong hi gam tampi leh kho tampi hi jat dang khut a um gam ahi tai . Ahithei le hiche hohi eima paovin khel ta leohen kadei e. Chuleh min a kou man a moh kou kou dijong ahi poi. Ngamboi Haokip S.Moldung