Jan. 24, 2016 – JU HI IPI HAM? By: Jangminlal Touthang (timothyminlal@gmail.com)

Jan. 24, 2016 – JU HI IPI HAM? By: Jangminlal Touthang (timothyminlal@gmail.com)

233
0
SHARE

“Tulai Pathen thusei hon thei dang bei jin Juneh thu bou chonset in asei juve.juneh sang a lenjo sum ne gu ho thu bon sei ngam lou uva, …Paul jeng in bon Timothy kom a lengpi twi ana don jijin tia, Jesu ama tah in jong ikam sung a lut chu oisung a alha lut in poso na (toko ah) ah apot jitai, kam sung a kon hungpot (thuse kisei) vang chu lungsung a kon hung pot ahin, hichi tah chun mi asuh boh ahi ati bou me. (Matt.15:17). Cannan kho a jong Jesun twisih chu lengpi twi ana sosah ngal in, Hou lamkai abang hon lah akham pon..oleh ama ho khu Satan hou ihi sah ngap uham? Pathen na tong hat tah tah hon jong adei dei ane kit ngal un ipu ipan ana ne un lung kitoh tah in ana cheng bou meu” hiti hin lungdon aum mama tai, I bible ivet jong leh a setna jong asei phat na jong aum kit ngal In …adun ne ada hai jeng hen”. Tia um mi tampi anop nop a peng atam tan ahi. Hi jeh chun tunin phaten ahung kikhol in golngaite hilchen ding aki gon anoija hi imudoh thei sun u chu ahi. ADIH LOUNA HO: Ju hi Bible mun tamtah ah asetna aki mun ahi. OLD TESTAMENT 1. Ju jeng juthah jeng adon uvin, ahatnau abei soh ahitai.Hosea 4:11 2. Kikhopna ponbuh sung a na lut teng uleh nangma nahin na chap ate ahiuvin ju ham ahi lou leh khamna thei thil adang ham don hih hel uvin, achu ti louleh nathi lo tei tei ding u ahi.Lev. 10:9 3. Akitep pa chun ama tah kitim them a kikangse doh ding, ju le khamna thei thil dang adon a aneh lou hel ding ahi. Num. 6:3 4. Lengpi lei hon na bol uva nei jong na nei louhel diu. Jer. 5:7 5. Hichi ho jong jukham in alon leleuvin, khamna thei yin akihot dot dot uve thempu le themgao ho jong khamnathei jin alon leuvin jukham in aki su lung dong uvin khamna theijin aki hot dotdot uve; mu anei nauva jong amukhel gam tauvin thu atan nauva jong akipal soh tauve.Isaiah 28:7 6. Changlhah hi neh a nuinop na ding a kisem ahin ; ju jong hin hinkho anopsah e ahoijoh chu ahilhon in sum a choh cheh ding ahibouve.Thuhilpa 10:19. 7. O he ada ahiuve thei don dinga jingpi taha thou ji miho, jutwijin achup hel kaheuva jankhang geija jan toute.Isaiah 5:11. 8. Chu jouvin Lengpi twi chu adon in ahi leh akham tan, aponbuh sunga chun del cheng louvin alum tai.Gen.9:2. 9. Babylon chu pakai khut a sana khon tabang ana hin , leiset pumpi ju ana don kham sah ahije; Namtin vaipi jousen akhopi ju adon cheh uvin, Hichi jeh chun namtin vaipi angol gam ta;uve.Jer.51:7. 10. Eli in Hannah jah ah asei jin itih chan pi hitia hi jukham a na um jing ding ham? Na jukham pi chu pailhan lang hung ching doh tan ati.1 Samuel.1:14. 11. Leng Elah lengpitwi kham jeh in athi loi. 1kgs.16:8-10. NEW TESTAMENT 1. Ahivang in adang ho chun ajon tai un hite ho hi lengpi twithah kham hiuva hi atiuve.Acts.2:13. 2. Amachun lengpi twi le ju adon lou hel ding ahin, anu oisung a aum apat Lhagao theng dimset ding ahi.Luke 1:15. 3. Chu in myrrh thingnai to kihal lengpi thei twi apeuvin ahi leh amala anom hih in ahi.Mark.15:23 4. Koiman lengpitwi thah savun peng luijah akhum ngaipoi; chu ti bol leh alengpi twi chun asavun chu tumkeh intin , lngpi twi le savun peng akop a mang ding ahi Lengpi twi thah chu peng thah ah akhum ji bou ui ati.Mk.2:22. 5. Chu leh numei nu chu mitheng ho thisan le ju thu hetohsah ho thisan a akham ngol un kamun ahi.Rev.17:6 6. Chu leh Lengpi twi jin kham hih un; hichia chun setna aum e: ahin Lhagao vin dimset jouvin.Ephes.5:18 7. Chu tabang chun houbung lhacha a pang ding jong chu migun ja umtah bou hi ding ahi; mi kamtam hilou ding, june mi hilou ding, alam louva sum veikan lung go mi hilou ding ahi.1 Timothy 3:8. 8. Chuti ma chun nupi tehse ho jong mi ja um gingkhen cha um hiu hen, mi hehse hat le lengpi twi tamtah sohnu hilouva, thil pha lam a mihil hiu hen.Titus.2:3 9. Ami ta kip in adang neh masang in a jan an u akineh masat jiuvin, chu leh khat gilkel in aum in; khat ju akham jin ahi.Rome.11:21. 10. Sa neh hijong leh, lengpitwi don hijong leh, adang ipi hijong leh, nasopi kipal lhuhna chu bolda hel a pha ahi.Rome 14:21 A DIH BANG A KIMU NA: Isei ma bang u chun Bible chang mun tam pi ivet kit leh ju kiti hi aphat na tampi akimun hi jeh hin ju don hi aphamo a gel ding ahah sat na kom jong aum thei jin ahi. 1. Keiman Pharao khon chu ka khut in kana choi jin, chu in lengpi chang ho chu ka lou lhan, Pharao khon sung a chun a twi kameh lha lhan, chu in khon chu Pharao khut a kaga pen ahi.Gen.40:11. 2. Pathen in van na kon in daitwi na pe jing hen, leiseta leichang phalai lai chansah jing hen; chuleh chang le juning ning lhinsah jing hen. Gen.27:28 3. Kel ngoinou kitohdoh masa chu toh kilhon a chang bong nel disel thil tenna hop khat a hopsom leh heh lhah sa thaotwi hin dimkhat hop li a hop hop khat toh, kilhai na ding leng pi twi hin(twi le thao ten a) dim khat hopli a hop hop khat toh hi tha ding ahi.Exodus 29:41 4. Alung na chim a adon ding leng pi twi a sem in, maijol sel a kinu din thao na bol peh e.Pslm.104:15 5. Salem lengpa Melchizedek chun changlhah le lengpi twi ahin poh peh e; amahi Pathen chung nung pen thempu a pang ahi.Gen.14:18 6. Hung uvin keima anneh ding hung neuvin, kadon ding lengpitwi hung don uvin, milham mei mei ja um ding chu nga uvin asung gil jeng khol toh in hinkho mang uvin ati.Thuchih 9:5-6 7. Khaije adang chah chan in twi phung hin jon cheh uvin, sum neilou chu hung hen kichoh cheh uhen ne jong neu hen; Hung uvin lengpi twi le bongnoi kichoh uvin, sum beijin aman beijin.Isaih 55:1 8. Chuleh lengpi twi don a chun koiman athah don ago poi; ijeh inem iti le alui bou atuije.Luke.5:39. 9. Na oisung jeh leh na dam mo jing jeh chun twi sih jeng don lou vin lengpi twi them khat khat ana mang jitan. 1 Tim.5:23 IPI JEHA MIHON JU ADON JIU HAM? The Manila Times kiti Philippines gam a lekha so khat in 13 apen ahi. 1. Popularity:- Ju nadon lou leh koiman nahet louding ahi,nang le nang kipampai nahi joi. 2.Conformity:- mi jousen bol/don a iti kin ka don da thei ding? 3.Thought of Power:- na thajung naphe navou asuh hat ding na ti ti na jo ding ahi. 4.As Gesture of Friendship:- ju don lou chu loi le gol toh kito lou na/ mi to sa toh kibah louna ahi. 5.Showing Manliness;- adeh a Teen-ager(kum 13-19) ho dia ki pasal sahna tah ahi. 6.To Escape from Problems:- Jukham hin iboina I lung khamna jouse ei suh milsah e. 7.To Overcome shyness:- ju kham hi jachat pailhah na,sei ngamlou seidohna ahi. 8.As Public Relationship:- Japi lah a lung ngam a lhat le theina (Eg. KUT/Club) ho a. 9.Disgusted with their Ordinary:- ama hina?achan a kipa thei lou jeh ahi. 10.Loneliness:- Lunghel ban na ding ahi. 11. To get Confidence:- eile ei lung ngam kipeh na( asking the boss for a raise in pay). 12. Its my business:- koima kadong poi, kasum a kadon/ka tohsa ahi.(Rome 14:7 a ei ho hinkho man in midang atong kha e, geldoh in). 13. Toasting a dignitary demand:- kin thupi khat kiman na a limpel a isei ngam lou jeha ju dawn a jachat ki lhau a, chu teng ngam tah a sei ding. BIBLE HI CHRISTIAN TE DIA IDIN NAU AHIN AMA AKON JU HI ITI KIMAN A IPI TINA HAM VEUTE: Bilbe a ju min kiman dan: Old Testament:-Hebrew: 1. Yayin(130 vei)=a wine. 2. Sekara/shekar(22 vei)=Strong drink, 3. Teros(38 vei)=New/sweet wine. New Testament:-Greek: 1. Shekera/Yayin(chol jauna Jesun ana don lou chu ahi,Mk.15:23)(Fermented wine) John Baptist chungchang ah anin ana kimang e.Luke 1:15. 2. Oinois&Teros(amani hi Unfermented/resultant Juice) khamna thei chol kiso lou Jesun Cross chunga ana don chu ahi.(John.19:30) Hiti hin ju min jat chom chom aumdan aki mu in, apha ase aum e ti hi ihet them angai je. Ju(Wine) hi ipi ham?: (Wine; – an alcoholic drink produce by the fermenting of grapes with water and sugar. Fermented:Putting yeast,yellowish fungus into grapes juice and raising dough for bread to make alchohol.(Papah jatkhat ai-eng rong agu nei grape twi leh changlhah a sem ding changbong laha ju khamna thei aso nadia kimeh hal). Fermentation;-a chemical reaction in which an organic molecule splits into simpler substances, any substances such as yeast that cause fermentation. Yeast:Yellowish fungus used in fermenting alcoholic drinks and raising dough for bread. Fungus:a plant without leaves, flowers, or root that produce by spores, including moulds, yeast and mushroom.) Hichi ho akon mudoh thei chu ju hung kisem dan hi agu nei tahsa thina thei akon kisem ahin, hi tobang thina thei gu kidon hi Pathen adia thet umtah chu ahi. Letset chung a Mi thupi (Great Men) hon juthu iti asei uvem? 1.Shakespeare: Alchohol is a poison men take into the mouth to steal away the brain. (Ju hi agunei mihem hon lhohbu suh mang nadia akam a aval lut jiu ahi) 2.British Prime MIinister, Gladstone:- Strong drink is more destructive than war, pestilence and famine. (Ju don val hi gal, hivei phalou leh kellhah sang a jong mi sugam hat tah ahi). 3.Sir Wilfred Lawson:- The Devil in Solution. ( Satan/agilou pa toh kichamna ahi) 4.Abraham Lincoln:- A cancer in Human society, eating out its vitals and threatening its destruction. ( Mipi kivop khomna a dia Cancer natna tabang ahin,a tui a al lai/ahatna jouse nechai a suhset ding go hi). 5.Robert Hall:- Distilled damnation. (Sapset channa dia kisongsou twi ahi) 6.The English statesman Lord Chesterfield:- An artist in human slaughter. (Mihem sat chap nadia manchahsem ahi). 7.The American WWI General,Pershing:- Drunkeness has killed more men than all of historys wars. (Vannoi gal jouse a thi mihen sang in ju a thi atam joi). 8.General Robert E.Lee, Commander of Confederate Forces in American civil War:- My Experience through life has convinced me that abstinence from spirituous liquors is the best safeguard to morals and health. (Ka hinkho a katosa akon ei mudoh sah chu julhagao kham a kon kidal khin hin tahsa damna leh jalhang kiloina damna eipei). 9.President Taft:- He who drinks is deliberately disqualifying himself for administration. (Ju don tapou chu ama le ama no louhel a vaihom hina akon kilhin lal sah ahitai). Kin vang:Those are Problems Drinkers( Boina twi don ho) tin kaminvo e. Akhuti leh ju hi donda chu pha pen hita lou ham?..donda nading ajeh tampi seithei ahi. 1.katahsa hi Lhagao theng chenna in ahin thil gunei,ahi lou leh tahsa sumang thei ho akon kaven ngai ahi.(1 Cor 6:19). 2.Keima hi Christian khat hina in, Christa palai kahin moh mi kahi lou jeh in ka sopi hatmo jo kipal sah pong e.(Gen.4:9) (Eg. Paopu Film, I am a Man One Man Army, Post Man) tia ki gel len angaije. 3.Keihi kasum/kanei kagou ching mei mei (steward) bou kahin kei deilam lam a kamanchah thei ahi poi.(IsaiaH 55:2). 4.Ka Bible in jukham aphatlou dan ei hil in Pathen thu kanun angai je. 5.Mai ngel nading, lungmon nading tiho pou kilhep lhah sah pong e ajehchu ka jo lal lhepna aumpoi. (1Cor.10:13) chonset a kon lhatdoh sa kahitai.(Rom.6:14) 6.Kaji ngai tah, kacha ngai tah leh ka nampi adin jukham kanungsun angaije. JU don da nading lampi: Daniel hinkho a kon kihil in. 1.By Determination:- Daniel in alung sung ah ju don louding ana tupgil ten in ahi.(Daniel 1:8) 2.By Prayer;- Daniel chu jua kon kikangse thei nadin ana tao jing e.(Dan.6:10). 4.By self-denial:- Leng insunga chu anom tah a ju le sa aneh a hinkho aman thei ahin, hinlah ama leh ama aki dalse jeng e. 5.By Devotion:- Daniel chu alungthim atahsa pumpi Pakai ana pehdoh jeng ahi, Pakai din kipum peh in. THU KHUMKHA NA: Tunia igel diu chu juneh jeha natoh ding ijat na laplal/na bolda khah hitam? Na insung a kipana sang a boina alhut em? Mihon nahin jana leh nangai sang na khe nem tam? Ju don jeha na kisihna um kha tam?sum le pai lhahsam,hahsatna nato khah em?na insung gelkhoh na nei thei talou a na um khah em? Na lungtup lhun na dia ichan na na suh boi em? Janhi a nan don jeha tuni a jong na don nom kit em? Imut nop na dia nadon chun imu mo a na koi em? Lung gim ol na dia na don ju chun na boina asuh lhap jou hinam? Naji na cha te toh don khom ahi thei lou jeha na chang a na don hi lou ham? Ju don jeha na nung nama na het tahlouhilou ham? Khat kom a na lunggel seidoh na dia nadon ahin ama chun na thusei chu thutah a alah thei hinam? Ahi lou leh ju don jeha hospital na jot khah tah em?ahi lou leh a jon um namu khah lou ham? Hiti ho hi gel leh chu adih tah mong in ju don hi ei leh ei boina kiki buhkhum/kidon lut ahi bouve na???