Jan. 19, 2016 – IBUNGO NANG “KANI/GANJA TOUBRA”? Jangkhosei Touthang (stonyseiboi@gmail.com)

Jan. 19, 2016 – IBUNGO NANG “KANI/GANJA TOUBRA”? Jangkhosei Touthang (stonyseiboi@gmail.com)

153
0
SHARE

2016, Jan.10 (Second Sunday) nikho in Hyderabad khopi’ah Kuki Worship  Service (KWS), kaga kikhop leh kagel  phah low beh  in kaloipa Seikhohao Tuboi (FC Zalen) jong  ahung  kikhom in, kani-ni lhonin ginchat  low  hella hilai tah a….. kakiti to lhonin; jing (11.Jan) le Fateh Hyderabad  FC toh I-league match kanei uva hichi  dia chu hung kahi atin, kei jong hilai hi  lekha kasim  ahi’e  kati’n  keini din after 10 years a kimaitoa kakimuto nalhon ahijih  in kidang kakisa to cheh lhonin,  kikhop  kikhenin  pamlang cha kadon khom uvin group photo jong kaki kap un, mi hon  angaisang thei dan chu kavet  le  kaloipa vang  chu  celebrity  mongmong  ana  hitai. Group photo jong chimjou talouvin nungah  themkhat chun achomin sefie abolpi kit nalai un, keivang chu ama  toh  kaki tekah  le  amei  jong kamen pha tapoi. Ama toh lim kikap dia nungah ho  achuti kichutho jeng chu kavet le kaloipa ahijih in koima hetpeh louvin  guhtimin  kakiletsah  lheh jengin, koimachan ei dong hih jong le kaloipa ahi, ka high school friend,… blah..blah… blah aktin, kasei le-len, ama  toh kaki  het jih a  nungah hon ei dei chom diu  kabahsah jeng tan ahi. Ajing in University a loi le pai cheng  leh  khopi  sung a um eimi nungah  golhang football ngailu ejat ham khat  Lalbhadur  Shastri  Stadium, Hyderabad  ah  NEROCA  le  Fateh  Hyderabd FC  match vedin kache uvin ahile Kipa um  tah khat  kit chu Fateh Hyderabad FC a jong kuki chapa  gollhang Lunkhomang  Haokip jong kichem di ahi’e  ti  thu  kahin ja  kit  un,  ama ni jal chun  eimi ho chu  kaki letsah  lheh jeng uvin chu  keu hiloving Amani jal chun “free ticket” in  stadium  ka lut un match nomtah chu  VIP gallery a kipanin kana ve un  kei  ho  jong  hampha  kakisa mama  jeng  un  ahi. Hichi  match nom tah  ache lhah jing  lai  chun  ka  lung ah  2014  kum  kichai  lam’a  ka chen na Yaingangpoki (Bungpi  Lhang tia jong kihe),  muna esopiu  meilhei  ten  7 men aside “Emoinu Open  Football  Tournament”, ti trophy  lentah khat abol na uva naga/tangkhul  upa khat toh kaki houlim na kalung a ahung  kilange. Hichi upa-pa chu mi lung  chingtah leh  lung-lim tah hidin katah  san’e. Match  kavet jing lai u’chun hichi Upa pa chun  kidang  tah in, “Ibungo  Nang  Kani/Ganja Toubra” tin eihin dong in, kin jong donbut pei louva chomkhat pi ka um le kiphalam thim tah in “Saoganu  ei keino  ama  haige  toubane”, atin kin  jong “Epa  epi neisei  peh  nom ham tia kadoh le asei nom chu thudang hilouvin tulai tah a  egamsung  uva  mitam  tah  in  minung  phah nadi le houdoh loichel nadia eha gel pen’u; miching-mithem  tam  tah  keu  hilova  hou lamkai ejat  ham  jeng in jong hatah a recommend abol  KANI/GANJA  thu  asei  nom  ahi kan hedoh  tan  ahi. Hichun  aman  jong  “Ibung’o,  Kani/Ganja  kiti hi nang ho Kuki te sang a kei ho Tangkhul hon hatah a kana bol masat u’ahi. Kei hon hatah  a kana  bol lai u’chun nang hon bol di jong  nana  gel pouve. Hiti chun kei hon jong sumpun (lumpsum)  muna  pen, hahsa  lou hiella haodoh  nathei pen tin habolin kana bol’un Hopsom-maicham  jong  Pathen  heng ah kitah-tah in  kana  peuvin, atam to ding kana kitet un, hitobang  chun in-le-lou  jong nom  tah-tah kaki sah doh  un, kho sung  vengsung, lamlhah-khomoljong  ho  jong nom  tah-tah  in kaki boldoh un, kichep  nading lentol nom tah-tah jong kaki sem  doh un, nang ho  sang’a  gamcheng’a  houjo le  bolthei jo dan’in kana kigelun ahi”. Ahinla  phat ahung chal-chal’in het man lou kah in  kagam  leiset u’ Kani/Ganja’n  alodim bang-bang  in kei ho  jong Kani/Ganja addiction in eina  lodim  tauve.  Ani-ani’n  drug  (Kani/Ganja) addict  kapung tul-tul un, chomlou kah in gollhang  hoitah-tah kison pi lai-lai, khonung khompi dia  kagel jouseu drugs in ahung thi un, athilou  ho  jong panna  ding  bei  hel  jeng in ahing un, phatchom na ngailu thei louvin aum doh gam un, upa naolhang gei-geijin ahung kitolun, aphat  lou-louvin ka numei ho’u ahung meithai  gam’un,  lekha sim, “chich  na thep na lam a  kitet  sang in nehphalou-donphalou bol na  lam  joh a kaki  tet uvin, tunin  khosung  len tah-tah  hijat  ka  um  uva, lentol nom tah-tah kanei vang  uvin sport lama lunglut na nei jong ka um ta  pouvin  7men  aside a  kichem  ding jeng cha  jong khangdong  golhang kalhing jou tapouvin  tuchung  jong  team 40 val kisuhto nalah a kei ho Tangkhul te team khat jong kading  jou  tapouvin  ahi. Church  jong  nom tah-tah  kasa doh uvin asung a touding nungah gollhang ka um tapouve. Tuhin  aphat  lou  (effect) kahet doh phat un  boltah lou dia hatah a kakikham  vang uvin kaha  vaigei  lheh  jeng  tauvin  ahi. Nang ho vang  kho neo cha-cha, in lhom cha-cha nahiuvin hijong le gollhang thahat tah-tah team hijat  nahung  kon  doh uva, meilhei  te jeng to jong  kithuh chel  a na um thei u, hichi  goh  hilovin  I-league  club  lah a jong namel u akimu in jap-jap  in, (min nei tah-tah jong na um uvin), kavet  le ochat na um behseh uve, tin sot thim pi ka  koma  ahou lim’in, asei doh pei lou vang’a ama  jeng tah jong acha  anao  Kani/Ganja a analhaso/achaan um hile kilomin kagelle. Hiti chun  cha  kadon khom  lhonin kaki  khen lhon tan ahi. Ahinla  ama pan eiha hetchil lou jih uva asei jong  himaithei  jin  tin, tulai  tah  hin  thinglhang lang kiti mai le  (atamjo) kive le eiho  jong Kani/Ganja a  kichai ding  mi  ijat  aum tadem  ti ngaito kham  set  ahitai. Tampi  sei lova  jong  ehet jeng sao jong  vang ahitai. Gollhang chapang, upa naolhang inchen lou chen  gelhoh  thei  talova hiti hoa kisa lungmong den a thiding meimei ngah ejat jong umda deh lou ding ahi jih in  eiho jong kimoh thang at thei  vang  ahi  naisai  pon  ahi. Hijongle  tunia  esei nom penu  chu hilang chu ahipon, Amapan asei bang in  Pathen vang boh echang uvin hetkham lou  hijong  leu hen  echen khom  piu esopi ho’u sang a kichep golseh lam a emachal dan u hi kipalou  theilou  ahipoi. Tuin  jong  igamsung  uva khangthah talent  nei tah-tah tampi (budding) ahung  ki  gong imu  uvin, hitabang  chun  ginchat lou beh  namun lah le  academy chom-chom hoa jong kuki  chanu/chapa  te eumsao-sao  thei uvin ahi. Vet sah na in sopi Lunkhomang haokip (E. Mulam vangkho)  jong  Fateh  Hyderabad  FC ah goal  keeper kison pi le monpi umtah in ahung umdoh  kit in, coach/manager  ho  ngailut le sin thei umtah  chapang in aumin, ama jong ahung lolhin tei di  ikinem  uvin  chomkhat  joule  Hero ISL lah a jong amel hung kimu tei jin te ti kinep lou  thei  ahipoi. Hiti  chun mundang  dang a ho jong kihedoh hih lai jong leu nikhat le aum  na mun cheh uva  kona  hung  pah  doh uva seikhohao  tuboi, Len Doungel, Semboi Haokip  le  Siem Hanghal chule adang dang ho sul  nungjui ding vaanglou hella  ahung  kisep jing  ding jong kinep lel aumpoi. Hichi  tabang gol chun tuchung  Santosh trophy a  Manipur  thalheng a vaikon  ding  kihol  na ajong kuki chapa ejat ham khat jong minphah in ahung  umkit un,  selection ahin mu uva ama ho jala Manipur in trophy ahin dop kit di jong ikinem un  ahi. Pathenin  Kuki  chate  eiphung  vuh jom jing tao  hen.