Jan. 18, 2015 – “NU LE PATEN CHATE LUNGLUT NA AHET PEH...

Jan. 18, 2015 – “NU LE PATEN CHATE LUNGLUT NA AHET PEH ANGAI E” By: M.Jonathan H Haokip

428
0
SHARE

Mihem khat in leiset hinkho a hin tup le doi khat cheh akinei  in ahi.Mi kim khat chun sangtah tup intin mikhon khat chun nemcha tup inte  ahin hoi chu hile atup  molso pa ding a chu kipana lenpen ahi.Tulai eiho(Kuki) society hi evet a leh lekhasim atam lang johi aga so lou atam lang ehi ta vin ahi. Ajeh chu eimite hin elekha sim u hi govt. service mu na di mei2 a esim jeh vin govt. service emu jou lou teng elekha sim u chu apan na um lou dan in a um tan ahi.Chuleh Nu le Pa ten achateu hi IAS, IPS ho ding bou a lekha asim sah dan vin a um tam ahi.IAS IPS chu lekha sim atam lang tup khat chu ahi nai ahin lekha sim jouse chu IAS IPS hi thei lou ahi jeh in Nu le Pa ten achateu lungtup/lunglut na pen joh chu ahet peh angai e. Tunia etia echen khompiu jat dang ho hi  lekha simlang  bou hi lou a professional line ti chu Law,Fine Art, Music, Dance, Fashion, Jounarlism  etc dang a jong epha jou lou u tam ti hi evet le Nu le Pa atam jon achateu lungtup het peh ta lou a aman achate ahi sah nom na pa joh a chu ahi tei na di agot jeh u ahi pen e.Tulai Nu le Pa atam lang jon achateu vin epi atup a epi lampang a lunglut na anei ham ti dong ta lou in micha khat in IAS ham Doctor ham ahin jit doh man a ama cha jong IAS ahi lou le Doctor hisah tei di egot jeh uvin lekha sim tam tah aboi lo tan ahi. Nu le Pa chun achate dia ahoi pen apha pen chu adei di mong ahi ahin Nu le Pa ten ahet diu va dei um chu ahi leh micha minao in IAS IPS ahin  jit doh man in nangcha nangnao in jong ajit doh tei di got sah dan ajeh chu nang dei chu ama dei ana hi kha ta hih leh ama pressure na peh chun ama dia apha ahin lhut deh lou ding ahi. Eimi te hi pathen lungset in Football lang a jong minphah thei ahung um pan tan ahi ahin tunin ama ho khu kidongleh atam lang khu Ball ahung ki chep til va Nu le pan ana jah da  atamjo hi meithei ahi.Ahivang a hung ki bol nah nah va tunia hichan khu ahin phah u hiding ahi.Tua jong chapang tam tah lunglut ma2 ahi vang a Nu le Pan ajah da jeh a adei bang a ki chem thei lou a guthim  a ga ki chem jing jong a umdi ka tahsan e.Tekah na in chapang khat chu ball them lheh hen lang lunglut tan jong le ama chu anu apan Ball aki chep di chu jahda ta le hi che jeh a chu a lekha sim na lam a jong thaset lo di ajo na le ahin kho jong set lo thei ahi na lai ahi ahin chapang chu anu apan Ball aki chep na a chun support  jo ta leh anu apan a tosot jeh a chu alekha sim na lam a jong kiha bol di Class x xii achai a Academy lah dung a alut doh le sangtah geithei  ahi eham tin lhah sam na hin nei ta jong le alunglut na ahi jeh a chu hah lheh jong leh athoh jou ding  chuleh kihangbol  thei ding ahi. Ejat esei vang a mihem khat in elunglut na lou a chu kihangbol na le thoh hat na ki nei jou lou ahi.IAS tup a lunglut  pa chun  nikhat a lekha pung 6 7 sim jong le ama dia chu hahsa beh loudi ahi ajeh chu elunglut na khat ebol teng phat che lam aki hepon  ahi chuleh  IAS tup ahi jeh a Thildang abol na di phat chu lekha sim na a sacrifice abol jou ahi. Ahin  Ball peh lunglut tah khat chun nikhat a lekha pung 6 7 ahin sim di chu thil hi thei lou khat ahin ahi sim ngal jong leh alekha sim chu ama dia phat man sah ahi.Pung  6 7 lekha asim sang chun ama thanop na joh chu bol leh ama dia phachom jo lou ding ham?Nu le Pa ten chate khonung a ahung hi di adei pau toh chate hi nom chu ana ki bang lou meithei ahi,ahi lou le Nu le Pa ten atup peh sang a chaten ana tup chu neo jo thei ahi eham tia ana neo joh tah jong le chate lunglut na joh chu Nu le pa ten avet peh a pha hi lou ham?Doctor thanom lou khat chu Nu le Pan Doctor ahi di dei man in  sim sah na2 lhon ta le ama chu nikhat le Doctor hung hi jeng jong le ama dia ana toh chu Boring ding chuleh a  enjoy jou lou ding akipa na jong bukim jou lou ding ahi ajeh chu ama dia ana toh chu alunglut na hi lou ahi.Ena toh na a chu elunglut na jong ahi angai in ahi. Hijeh hin Nu le Paten tua pat chate in epi atup ham?Epi lampang a lung lut ham?  tijoh dongleu hen chate dia jong kipa na le lolhin na hung hin tin chuleh Lekha sim hon jong epi lampang hi jong le elung lut na le ethanop nalampi a chun athem pen le a sang pen hi na di ngai to leu hen e Nampi u jong choi sang in hung um tan te.