Jan. 17, 2016 – “Thini’a mithi jong kivuidoh lou laiya sa kithana...

Jan. 17, 2016 – “Thini’a mithi jong kivuidoh lou laiya sa kithana mipi ankong kisem hi ahoilou jeh in ngah a pha ahi / hiche hi Custom a Kosa kiti ahijeh in boljom di ahi” ti thu’a ngaidan

507
0
SHARE

1. Thini a sa kithat a kosa kibol hi bol jom di ahi ajeh chu sa kithat chu kipana jal a kithat ahipon i-custom dungjui uva kibol ahi chuleh akisagim a chol ho kinehsah ahijeh in bol jom in aphai i-custom hou moh peimang mang louvin aphai. Niengneihoi Haokip,New lambulane 2nd street, Imphal (9612541832)
2. Eingailu eikhohsah itu, ibe, ipi, ipu, iloi ipai, khosah kholhang, anai a agamla eihung lunghempi hochu athipa/athinu kosa la kihithou ahungkhom jouse oiva set a akile u chu pha kasai, custom la hithou a, chepi tei tei din pha kasah e, ijemtia aboi behseh insung chu ahile minjong he nante. Nuneng, Songgel, Ccpur.
3. Thini a thilong kivui doh loulai a an neh ankong sokhom kitihi kibolda leh kati’e ajeh chu isopi ho long um nalai a eiman ankong sokhom bol chu angaina in kagel poi hiche hi kibol da leh kati e. Florence chongloi, Khunkho Sadar Hills
4. Mi thina a nehkhom um hi Custom dungjui a um mong ahi in hichu kosana ahi in, aum ding mong ahi. Hinlah amithi kivuidoh masang a iti kosana an kinethei ding ham. Ken vang mithi kivui jou a kosa kibol a mi kivah hi kagel mo poi. Hatnu haokip (7085514049)
5. A boljou hodin vang thini a ankuong bol hi akilom mopoi ajeh chu custom a jong “Kosa”ti khat innei un, hiche kosa hi thini jong amin put tha jeh in ahoimo poi. Inn sungmi angailu cheng mun gam latah tah a hung honjong ngailut vetsah na a athinu or athipa lhah nah a Ann kuong chu aum uva inn lam akile u chu ahoi e. Inn sung hahsa ho a din vang mipi atamval leh bolda jong le akhoh poi. T.Mynd Kybs, Ccpur
6. Mithi ‘kosa kiti hi Custom ahin ahinla mithi pen akivui masang in ankong mipin aso khom vang kadei poi. Athinia vang kosa a aloi apai muntina angailua hung jousen anehkhoma akile ding dei aume. Tulai in mi atamjon ajing athai langle akosa un athinia angailua ahungkal song jouse umgam talou akhosung mi atu abe cheng toh abol un bolman um kasa poi. Asopi mundanga umhon athi nikho’a hungjou lou hon ajing athai a akosa jong akhohpoi. A insung miten akosana vang athini a kosa ding vang aphae. hinla mithi kivui nailouva ankong umkhom vang aphapoi. Helam kipgen, Vengnomphai, Churachandpur
7. Mithi um nalai jongle, satha a an neh semchu dihmo din kagel poi, pulepa ten anachepi Custom jong khat ahin tuni nathini le ule nao kikou khomte ihi un ahungho jong ngailut jal la bu/an ne manlou a hung tampi umji ahijeh in Custom jong hithou amaho jong lel tah a kilesah lou’a satha a ankong sem chu phamo din kagel poi. S.Tongmang Mate,Tengnoupal
8. Mihem dinga thini hi achaina le aloupi pen ahi. Thi ni leh kivuidoh nia kosana satha hi mijouse lunggel akibang poi. Ahivang in sopi u le nao gol le pai te angailu jousen athi ni le akivui doh nikho teng ahung lha jiuvin. Thini ahilou leh kivuidoh nia kosa satha bol a an neh khom boldi hi phajo din kagel e. HD Joseph, Lamka
9. Thini a satha, kosa, nehkhom kiti hohi bol sanga athite joh panpia phajo ding ahi. Ipu ipaten anabol jouseu hi custom dan a gel a ngengchel lumgo tobang a kivai bol jinghi junom, sanom nehlai chena ahin, Christian sakho ijop uva pet a kilom lou ahi tai. Hiti hohi custom anahi le mivai cha ho abol joulou ho chu ilo ding hi tam? Custom ahi poi. Aphat dung jui a kiman chahna dan ahi bouve. Chungkholun Mate, Tengnoupal
10. Eiho custom ahijeh in kibol leh ipi asetna um am tin kagel e. Stephen Minlun Vaiphei, DM Veng, Ccpur
11. Mithi kivui masang a ankong sokhom hi apha poi tia ipu ipa teuvin anasei chu adih ana hi, ajeh chu mi kivui masang a saneh (kosa) hi ana dei pouvin ahi tin ana kisei e. Hijeh chun thivui masang a ankong sip hi apha pon bol loudin kagel e. Chyng’s telxing, Ccpur
12. Thini’a mithi jong kivuidoh loulaiya sa kithat a mipin ankong kisem hi ahoi lou jeh in ngah a pha ahi, ajeh chu junom sava hon kosa lam hepha lou’in jutoh a me uvin athite a ding in lungjin ni hijong le amaho a ding in kipa golnop dan in aum doh jitan ahi. Hijeh chun mipi ankong sang in insung mi angailu cheng in ankong neo cha sem johchu pha kasan ahi. Chuleh insung boi bena beb jong ahi. Hiche hi keima tahsa tah’a katokhah jeh a kasei ahi. Hengoulen@Henry kipgen, Semol, Sadar Hills
13. Kosa hangtang kiti hi ipu ipa te chun kipapina a anabol u ahideh pon, ahung vui ho koma kipa thuphon dohna ananei u ahin chuleh athi nu/pa min a nehkhom jong achaina kiti leh agolvah chaina tia anabol jiu ahijeh chun suhmang dingvang kadei poi. Jesco Ngamminlen, Sadar Hills, Dongsum

14. Thini manni hijongleh ngailutna a kibol vetsah ahi, pute paten jong anabol jing u ahijeh in thini satha hi aset na aumpoi. Manggou Kipgen, Sadar Hills 15. Thini a kosa bolding ahin amavang thivui malang a ankong semlou ding ahi asemho mo ahi. Pu le pa ten athipa athi nu ngailu a hungho lhahna ankong anaboul u ahi. Kosa vang suhmang lou ding ahi. Aphat hetngai ahi adeh in numei kengnei miphung changsa hovang bol tei ngai ahi. s.t Jamkholal Haokip, Sahumphai, Chandel 16. Anikho khel khel hihih jongle nidang a jong bol thei ahi, eigel khoh hochu itih hile kin inei le hung di mong ahi. Boikho Khongsai, Nunnom Veng, Saparmeina. 17. Nopni hihen dani hijong leh puchon pachon custom dan chu juicheh dina pha ahi. Ajeh chu ana um jingsa ahi. Chuleh dan dungjui a chon leh khan hin lolhin nan ei puilut ahi. Minlel Khongsai, Leimakhong 18. Thini a sa kinehi amelse in avet hoipoi. Ahin ipu ipate uvin anabol jingsa khat chu ikhel uva ipoh jou diu hinam, keivang khel ding kanompoi. Gigin, Bilei 19. Tu masang a ichepiu ijui jing u toh kilhon in thi nia sa kithat a ankong kisem hi pha kasai ajehchu tu masang a mipi in hoi isah jeh a ina chepiu ahijeh in che jompi ding in kadei e. L.Touthang, Satang Village 20. KUKI TE CUSTOM a dia hetthei lah a khat KOSA kitihi ko laiho achol anangho ding ahin,thivui masanga jong nehthei ahinan, BIBLE ‘a ana thiho adeh a Lamkai lenho athi tengleh ni 40 cheng nelou,donlouvin ana oup jiuve.eg: Mosie & adang dangho ahin amun aphat dung juiyin kibolleh phadin kagelin, chuleh KOSA kiti thucheng hi kikheldoh theileh hoiding ham tin jong ngaidan kaneiye. Evan.Lhunlet Imphal. 21. Thini a athinu ham athipa ham kivuidoh masang a ankong kisem vang akilompoi. Hinla custom neite ihijeh uvin Kosa ho hi ibol ding jong le thi vui jou phat le kibol leh phapen inte. Custom ho hi moh ngah doh thei ahipoi. L.L. Haokip DM Veng. CCpur. 22. Thina man na aum teng nehkhom bol lou ding in pha kasai ajeh chu thina man na a athi jong kivui nailou a an neh cha don khom kiti hi vet hoi lou tah in kagel a. Chachan Lanchah, Ukhrul district 23. Thinia Kosa kibol hi eiho custom ahin pailhah lou di ahi. Ahin thivui jouleh An neh di joh hileh. Chule athite insung mai mai hilouvin kithokhom joh a bol d hileh kati. Nohkhojang M.Songgel, Ccp. 24. Hiche hi chepi jom ding in kadei e ajeh chu masang lai ipu ipa teuvin thil ana bol ho’u hi ahoi dan le aphat dan khonung in ahung ki ol het cheh cheh in tun jong ana ki jui tho lou atam lheh tan ahi, chung chon a adang dang jong tua sim lai hon ajui thei u tam tah isem doh kit taovin hiti ho jong hi suh mang sang a jui jing ding kadei sah jon ahi.
Paocha Haokip, Ccpur