ISIS hon Republic Day nikho leh PM Modi leh Hollande tup maitheiyu

ISIS hon Republic Day nikho leh PM Modi leh Hollande tup maitheiyu

162
0
SHARE

 

New Delhi, Jan 22 (Zeenews): Islamic State (ISIS) thingnoi hon Republic Day kin-gon abulu diuva Intelligence Bureau hon aseiyu toh kilhon in Delhi in kin-gon’a ding’a kigotna sangtah aneiye, tin Thursday nikho thulhut in aseiyin ahi.
CNN-IBN thuso in aseina’a chun, Islamic State hon ahunglhung ding January nisim 26 nikho leh India khopi’a 67th Republic Day kin-gon kiman na abulu maitheiyu ahi, ati. Tukum Rajpath mun’a Republic Day kin-gon kimanna’a France President Francois Hollande chief guest’a pang ding ahi. Gamdang dang’a boina leh thunoh chule gal semdoh’a thingnoi hohin Prime Minister Narendra Modi chule Hollande atup maithei uvin security agency hon asei uvin ahi.
Thingnoi ho’a kon hitobang dinmun lhung thei ahijeh in Delhi in kigotna leh kiginna sangtah aneiyin ahi. Delhi Police 80,000 kikoi chung’a VVIP ho vesui ding’a paramilitary 10,000 kipeh be ding ahi. Kum masa Republic Day nikho’a US President Barack Obama jin-gun’a anapang ahi in, Obama leh a-inneipi (First lady) Michelle Obama hung kholjin lhon ahi.