Interview with Miss Veineinem Singson, Miss Nagaland 2014

Interview with Miss Veineinem Singson, Miss Nagaland 2014

1329
0
SHARE

(published in 16th November 2014 edition of Eimi Times)

Miss kitetna hi State jousea kiboljing ahipoi. Ahin Miss Nagaland kilhenna hi kumseh a kiboljing khat ahi. Hitichun tukum Miss Nagland Contest jong achesa November 7, 2014 in Regional Centre for Excellence Music and Performing Arts (RECEMPA), Jotsama, Kohima ah Beauty & Aesthetic Society Nagaland (BASN) gonna nuoiyah ana umin, hiche a chun Sirhima, Ghaspani kho a kon Pu Paokhokam Singson chanu Veineinem Singson (kum 22) in akitetpi candidate dang 16 chung’ah goljona neijin Miss Nagaland Title ana kisantai.Ng. Vahneinem @ Nenem Singson in hitobang het theitah leh kithang atpi theitah lolhinna ahinneina chung’ah Eimi Times in thudoh leh kihoulimpina ananeiyin, hichu mipi simdin ahung kiso-e.

Eimi Times (ET) : Amasapen’in Miss Nagaland 2014 Title nahinlah hin nangma leh na insungmi keu hilou, na jat na nam pumpi achoisang jeh in mi tam tah chanjoulou hitobang lolhinna sangtah nahin neina chung’ah kakipapinau kahin phong uve.

Vahneinem Sinmgson (Nenem) : Kanam mite kalolhin na ajapha chan-in eikipa pi jeh in kenjong kakipana kahin phonge.

  ET : Miss Nagaland 2014 ahitai tia phondohna (declare) hung kibol pet tah-a chu nalunggel iti am, na nu le napa ichan’a kipah em?

Nenem : Result kinem tah a kanga laipet tah a, kanam miten eitaopeh naho leh kalung thim tah a Pathen henga kipeh lut na kanei jeh in lung let na kanei jin ahi. Chuleh kamin ahin phon doh u chun kei keuseh hilou in, Hall sunga um kanam mite le ka insung mite jousen Pathen henga kipathu alhut khom uve.
Kanu le kapa mai a kipana kamuchun ka Pathen henga Kakipana kaphonge.

  ET : Miss Nagaland Title lathei dia nana kiginchat em? Hiche kitetna-a nanu le napa’n ichan’a tosotna nanapieh em?

Nenem : Henge, confident neitah a pan kana lah in ahi. Keivang kakisong pon ahin Pathen in talent le determination eipeh ho utilize kabol in chuleh kalolhin nading vangchu Eisempa henga kingai na kanei e. KANU le pa, in Miss Mimkut, katet na kipat in tuni geijin longlou hel in ei support lhon in. Chuleh taona toh thon eivai lhah ji lhon e. Kanu le kapa in eisempa Pathen loupi nadinga eipeh doh lhon hi Pathen kipana ahi kamu Chen tai. Maban a jong eipan pi lhon jingdi katahsane.

  ET : Miss Nagaland contest a ‘Judge’ ho chu mi ijat hijiuvam, tuchung’a chu koi tobang bang mi hiu vem?

Nenem : Tukum Miss Nagaland judges ho chu ahileh 1: Asungba IAS 2: Ale Kevichusa 3: Filafi Fithu 4: Tali Angh 5: Joshua Shequi ahi uve.

  ET : Miss Nagaland contest a jaodia itih a pat nahung kigot hitam, iti nana kigot em? Ala theidia kiginchatna nana nei jem?

Nenem : Miss Dimapur, 2014..crowned kahi ni apat kajao dinga kakihet ahitai. Ahin information eipeh ni a kona bou kakigot ahe. Kakigot ni apat Pathen henga kakipe lut in, kanam mite leh Nangma min choisang dinga nei mangcha o kati in katao e.
Mi jousen atet na amuleh eda eiho echan Lou diu ham tin lunglen tah in kapange.

  ET : Miss Nagaland contest kibollona-a hi langnei sihneina (partiality) ho kiseikha em, ichan’a ‘fair’ a nagel em?

Nenem : Bias hileu eho echan nadiu hah dihe, ahin tu gei jin aboina leh partiality kamu doh poi.

  ET : Hiche contest chu nagel tobangnam, hah nasah um am, bai nasah am, ahahpen le abaipen’a nagel chu ipipen chu ham? Final round a question chu ipiham, iti nadonbut nam?

Nenem : Contestants ho jouse ahoi uvin, athem uvin, ahin kalung aneopoi. Kacham tah a kalhah sam najouse kave in aphat masangin overcome kabol e. My weakness was that I belong to minority community in Nagaland but the plus point was that I was well groomed during Miss Dimapur pageant n I took every advantage of the opportunities provided during the grooming sessions organized by BASN.

  ET : Tulai mitamtah in hoi kitetna hi pu le pi khang’a eilah a ana kibolkhalou ahijeh in bolda/jaoda in aphai ti lunggel neiloijong aum’in hiche thua nangma lunggel ipi ham?

Nenem : Hoi kitetna keuseh hitalou vin, chih kitetna joh ahitai. Pathen in mel hoina eipeh uhi Japi lah a ama choisang na a mandingin pha kasai.

  ET : Hoi kitetna (beauty contest) kitia melhoi bou hilou, lhohnei/chihna nei (beauty with brain) jong kivetna umtha hi ichan’a dih nasah em?

Nenem : Adih tah ahi. Mel hoina hileh kaphah joulou jong atam e, ahin personality focus kibol jeh in Lal lukhuh echang tauve.

Veineinem Singson group 10408989_711099435639881_1601101277854104495_n

  ET : Miss Nagaland Title nahinlah hi Nagaland a Kuki nam mi te dia ichan’a minphatna leh kithang atna ahinpohlut theija nagel em, na nam mi te dia ipi nasei nom em?

Nenem : Nagaland a Cheng KUKI nam jouse dinga kipana leh lunglet be na kahin poh lut in kakigel e. Ajehchu ajapha chanin eikipa pi uvin chuleh, Pathen thangvah na aneisoh kei uve.
Nagaland a cheng ho keuseh hilou in mun jouse a Cheng kuki nam mite jouse chungin kakipana kahin phonge. Ka share nom chu ahileh, ‘ Ehin lai sung uvin Pathen na din kipe doh jing utin. Khat le khat kidem na, kisei setna, kikhoh sah na umlou hilou in, Romans 12: 9-10 a ngailut na asei bangkhun kingai lu ute. Idin khom uhi, ehat nau ahi.
Finally ‘ There are so many evils in this world, just don’t be the evil one’.

  ET : State khatna Miss nahitah jeh in hoi kitetna asangjep mun hoa jaoding nagel em?

Nenem : Henge, kanam khatvei adin Pathen in eichoi sang sah tan, tua ka nam leh ka State choisang dinga kakal kason be dihe. Che na dinga kanam mite jouse taona ngaichan kahung kun e.

  ET : Nungah melhoi le minthanna neikhat nahung hitan gollhang nahin deicha jong hungtam tamai tantin, dongma (BF) naneitah em, itih teng inchen (jinei) di lunggel nanei dem?

Nenem : He he…… Melhoina kanei in chuban leh ambition jong kanei e, chijeh a hi jinei lang sanga , katup kamol so di kakhoh sah joh e.

  ET : Tupet tah a ipi nabol em, nahinkhoa nahinom, nalungtup ipi ham?

Nenem : Tu pet-a hi, B.A. (Political Science) V Semester, St.Joseph’s College, Jakhama in kabol in. Katup pipen chu Administrative officer khat hidi kanom e.

  ET : Manipur’a Miss Manipur contest to kibang State Level Miss Kut contest thu najah khah em, hiche kin’a avedin committee hon kouna nahin peleu nahung dem?

Nenem : Henge, Kumseh leh kave jin katha anom lheh ji e. Chule kabol thei neocha aumjong leh eet louhel a pan kalah dihe.

  ET : Kipa aum’e. na phaat mantam neipieh jeh un. Na hinkho maban ah pathen in lolhinna napejing tahen.

Nenem : Keijong kakipah e, Manipur a um kanam chan khom pi hon neikhoh sah nau kamun Pathen kathangvah e. Pathen in damna le lolhin a eipe jing tau hen.

Fact File:
Full Name: Veineinem Singson
Father’s name: Paokhokam singson (Deputy Director) Deptt. Of economics n statistics.
Permanent Add : Sirhima Village, Dimapur District, Nagaland
Hobby: threading ornaments.
Age : 22
Height : 5 ft 6”
Achievements :

  • Miss Mimkut, Nagaland 2014
  • Miss Dimapur, 2014
  • Miss Nagaland 2014