Interview with Miss Hatneikim Haokip, Chandel district level Miss Kut 2018

Interview with Miss Hatneikim Haokip, Chandel district level Miss Kut 2018

1297
0
SHARE

Kum sung’a Kut program hi State level keu bou hilouva District level le Block level hoa jong akibol jingto lhon’in Miss Kut kitetna hojong atamjo ah akibolji-e. Ahin District level Kut akitivang’a Miss Kut kitetna a hi Kut kibolna district a kon bou Candidate hilou, district dang dang hoa kon jong jaoji ahi. Tuchung Chandel district level Kut (Chavang Kut) a Miss Kut kitetna’a lolhinna ananei Imphal Haokip veng a kon Miss Hatneikim @ Kime Haokip thudoh themkhat kinei leh adonbutna ho noiya hin ahin kiso-e:

Eimi Times (ET): Amasapen’in tukum Chavang Kut a melhoi leh lhohnei kitetna khatna lolhinna neikhat nahina chung’ah kakipapinau kahin phong uve.
Hatneikim Haokip (Kim): Keijong kaki pah e…
ET : Na insung insung umdan, tuchan’a nalekhasimna mun ho them khat neihinseipeh thei diuham?
Kim: Ka insung umdan chu ahileh kapa hi graduate oja ahin kanu hi designer ahin. Ucha numei 3 le pasal 1 kahiuvin. Chuleh
Class 10 chan St. George high school Imphal a kachai in tu hin class 12 Meci Explorer Academy ah ka sim in ahi
ET : Nakondohna kho leh tutua naumna hoilai ham?
Kim : Kho dang kaneipon Imphal a Haokip veng a permanent a cheng kahi.
ET : Tutua ipi nabollam?
Kim : Tuletuhin Simlai kahi na lai e.
ET : Tuchung Chandel district Kut a Miss kitetna a lolhinna nanei chu ipi jeh a ahi nati am, ipi jeh a hitobang kitetna’a jaodia nahung kigot ham?
Kim : Tuchung chandel District Miss Kut kitetna’a lolhinna kanei theina hi pathen panpi ka channa jeh ahin chuleh insungmi kaloi le kapai ho support jeh jong ahi kati nome. Miss kut khat hi ding hi ka hinkho a ka thanop le kana tup jing khat jong ahi.
ET : Hiche Miss kitetna a dia kigotna itobang nananei am? Tuchung chu hiche contest dia najaona amasapen ham, Miss kitetna dang itobang bang’a nana jao khah em?
Kim : Ka phat neisun in hiche miss kitetna ding hin nasatah in taona toh thon kigotna kana nei e. Tuchung hi ani vei channa ahi.
ET : Hiche kitetna’a jaodia nakigella pat chu Miss Kut e lajeng thei dia nakigellam? Result hung kiphon chu nana kinepna bang chet ham, ole thanomtah a nakinlap jeng am?
Kim : Hichi kitetna jao dia kakigel a pat chun Miss kut title hi la jeng ding in kaki gel deh pon Result hung ki phon chun ka gingchat sang in pathen panpina ka changin kakipah lheh jeng’e.
ET : Tuchung Chandel Miss Kut kilhen thu ah kinelna (controversy) tamtah ana umdoh in hiche thua nangma hetdan leh ngaidan ipi ham?
Kim : Hichi thu hi kut committee hon hilchetna media (mews) ah ahinpe tauvin keiman seibe ding jong kanei deh hih e.
ET : Miss Kut kitetna chu hahsa nasah am, bai nasah am, abaipen’a nagel leh hahsa nasahpen chu ipi ham?
Kim : Phalbi daplai tah a Vonpa ki ah chu hah kasa pen’e.
ET : Final Round Contest a thudoh (question) chu ipi ham, iti nadonbut nam?
Kim : English pao a ei hin doh question chu ‘What make a women beauty?’ ahin hitin kadonbutne : Beauty (hoina) iti teng jat Ni aumim hichu inner (asunglang) le outer apolang) beauty ahi. Outer beauty iti teng “it is the greatest gift from god which everyone wanted”. Inner beauty iti teng chonchan nunchan hichu sappao a ‘personality’ aki tin ahi. “I Want to conclude with a proverb Outer beauty capture human attention but personality/inner beauty capture human heart”.
ET : Chandel district level Miss Kut nahinlah tolhon’a North East Winter Queen Contest a jaodi nahi ti akijan hichea’ adia itobang kigotna nanei am, hoilaiya umdi ham?
Kim : North East winter queen contest a ding direct entry kamu ahin hinlah simlai khat kahi jal’a exam bol ding kahi jeh in ka che theilou ding dan ahitai.
ET: Hoilai ipi “level” hileh Miss Kut Contest hoa hi nahetbangin nilhah khatna kibolla kichai hilou ‘internal assessment’ hoa Mark ho hung kigomkhom sohkei hi iti nagel lam, hitia kibol hi dih (pha) nasah em ole aphajo, ahoijo di ipi lunggel naneijem?
Kim : Keima gel dan in hiche internal assessment mark kibol hi pha kasai Miss universe hihen lang Miss world hijongle hichi rule hi a ki mang in chuleh chi kal val a hoi le seibe ding jong kanei dehpoi. Chuleh ipi pageant hijongle top 10 a pat vang in eima ‘own feet’ a ki ding ahi. Chuleh ‘beauty with brain’ ngaicha ahitai.
ET : Nungah gollhang khangthah chu dongma neitei di ti tobang ahijeng tan tutua nang dinmun ipi ham (dongma naneijem)?
Kim : Dongma vang ka nei poi.
ET : Miss kitetna’a jaonom ho dia ipi thumop nanei nom’am?
Kim : Hichi kitetna a jaonom hoding’a kaseinom chu thil jouse hi bailam tah a muthei ahipon hinlah pathen song a tup tun tun le kiha bol (hard work) hi lolhinna lampi phapen ahi.
ET : Hinkhoa natuppen (aim in life) ipi ham?
Kim : Hinkho a ka tuppen chu Doctor khat hi ding hi ahi.
ET : Kipa aum’e, maban’a nabolgot ho ah lolhinna hinneibe tan.
Kim : Henge kakipah e Eimitimes jong Pathen phatthei bohna changpum’in hunglo lhing jing uvin….
Fact File:
Full Name: Hatneikim Haokip
Nick name (if any): Kime
Height: 5”3
Permanent Address: Haokip veng, Imphal
Hobby: Travelling and modeling