Interview with Dr, Neiting Haokip, MBBS, MS ((Obs & Gynae

Interview with Dr, Neiting Haokip, MBBS, MS ((Obs & Gynae

451
0
SHARE

Mi tamtah in Dr. Neiting Haokip (nee Changsan) hi hoilai’a umham tia anadohjing chu tuni’n ET in kihoulimpina anei ahin kitahlang’e. Ei thinglhangmi lah-a medical doctor aum sausau (atam) vang’in Gynecology (Gynae) lam’a Specialist hi aumbehpon hinlah vangphat umtah in tun khangthah chapang jep lang’a kon Dr. Neiting Haokip Imphal, Manipur ah ahung cheng tai. Dr. Neiting hi Sadar Hills N. Songel kho a kon Dr. Thangjamang Haokip loinu ahin Gauhati Medical College a MS (Obs & gynae) ana simchai ahi. Thudoh le donbutna hi mipi simtheidin ahung kiso-e.

 

  1. Amasan Eimi Times a dia Medical lampang thu article hinjih jing khat nahina chung’ah kakipanau kahinphong’un,tunia kimaitoa ikihoulim thei jeh un Pathen thangvah in umhen.

 

Keijong kaki pah e.

 

2.Na hung kondohna, na insung le lekha nahinsimna thu achomlamtah in eihin seipeh uvo.

 

Kei hi songpijang , Haflong apeng kahin, ucha gup numei 4 leh pasal 2 chuleh kapa engineer ,kanu teacher( headmistress) ahin. Kalekhasim na ahileh St. Agnes convent school ,Haflong a high school kahin chaiyin, Higher secondary Cotton college, guwahati chuleh MBBS leh MS(Obs & gynae) ,Gauhati medical college a ka na sim in ahi.

 

  1. Eiho society (nam mi) hi Haflong lang leh Manipur gam’a ichan akibahlouna namudoh um’am, ole imalam jousea kibang’a nagel jeng’em?

 

Akibah louna a um behseh poi, agam poh dung juiyin culture neokhat kikhel jong leh.

 

  1. Hoilai ipi Medical College a doctor nahinsim ham, Gynae subject hi nadei mong jeh ham, mark namu tam jeh-a nahin sim ham?

 

Gauhati medical college a kahin sim ahi. Gynae hi subject lah a kanadei lhen pen ahin,pathen phatthei boh na jal in kadei dung jui tah in mark jong kanamun,hijeh chun kadeitah gynae jong ka chan thei e.

 

 

5, Medical degree namu jou (nasimchai) a hoilai lai’a naa nanatoh am, tu tua hoilai mun’a natoh am, government’a natoh nangaito em?

 

Specialist kachai jou vin GMC a na chom khat kana tong in chujouvin Haflong civil hospital a Consultant(Obst & Gynae) in kum khat ka tong in , toh na ding shillong a medical college leh Assam a medical college a jong kana mun kana la poi. Tutu in vang Manipur a private hospital lah a ka tong in chuleh clinic khat honding ka gon lai tah ahi e.manipur govt ajong apply ka bol e.

 

  1. Ei thinglhangmi tamjon midang pao le ham phate athotheijilou jeh in doctor ho kom’a acheteng uleh anatnau/dammona ho phatah in aseitheiji pouvin, hiche jeh chun mun kijen le lemchang khat’a Clinic khat hong lechun midang dang ban’a eipao tho le hehon phatchomna lentah aneidi tahsan ahi, nang’in iti nagel em?

 

Kei jong ka gel khoh pen khat chu ahi e, eimi thing lhang mi hohi pao leh ham hohin iboi jiuvin, hijeh in mijousen ajot theinadi tin imphal lamphel supermarket mun a hin clinic khat bolding kagoun un , march 10 donna pat ding katiuve.

 

  1. Doctor ho hi pathen bantah-a ana adamlou te dia kinepna ahijeh in ichan’a mihem dia natoh hi pathen natohna khatjong hia nagel em?

 

Doctor hoseh hilouvin ibol thei na khatna mingaichat dungjui a kithopi chu pathen na toh ahi tin kagel e.

 

 

  1. Eiho society a hinkho khankho jeh-a ikihetpi, i-insungmi ana adamlouho vetman/jenman kikipetolou, kikilato nomjilou hi ichan’a dih’a ichan’a dihmo am, mipi lungputdan iti khel’a pha’a nagel em?

 

Khankho nei te ihiuvin adih adihlou mong jong a umpoi tin kala e, ahin kei gel dan in doctor ikivet sah leh consultant fee peh vang angaiye, anei lel behseh tilouvin .

 

 

 

  1. Tulai’in numei naoneithei phaat (kum) sung’a umnalai ho tamtah in naonei lang’a boina aneidan’un akilang’in hiche hi ipijeh pen’a namu em, boina (natna) iti suhlhom thei’a nagel em?

 

Ajeh tampi aume,adeh in gah hetthei din khantil laiya(teenager) numei natna eg.thikang,STD, TB, thyroid problem, neija,aphatcha kijen lou jeh inn sul leh vella natna tampi ahung kon dohji in chujongleh hindan, neh le cha (lifestyle & food habits)ho a kikhel tah jeh in jong naoneitheilou na a um thei e. Aphatcha treatment akibol leh ichan gei ham khat suhlhom thei ahi.

 

  1. Doctor khat nahi ban’a numei khat jong nahi jeh in society sung’a numei ho dinmun hi ichan’a semhoi le suh hat thei’a nagel em (women empowerment issue)?

Kei gel danin numei hi family leh society hung kisem doh na ahin,hijeh chun numei hohi education phatah a pehding chuleh society a jong activities dang dang ajong panlah sah angaiye.

 

  1. Kipa aum’e, na phaat mantam neipeh jeh un. Pathen’in natohna le na insung phatthei boh tahen.

 

Keijong kakipah lheh e , pathen in eimitimes phatthei boh jing ta hen

Fact file:

Full Name:Dr. Neiting Changsan
Own parents’ names and occupation: father- Lienkham changsan ,Engineer     Mother – Henneilhing Changsan,Teacher
Marital status: married

 

Husband’s name and occupation: Dr. Thangjamang Haokip/ Doctor(MD,Dermatology).

 

Present Address: lamphelpat , imphal

Interests/hobbies: Reading books, watching movies, leisure drive, cooking, flower collection.