India sorkar in Nagaland gam Union Territory 2 a akhen a Article...

India sorkar in Nagaland gam Union Territory 2 a akhen a Article 371(A) asuhmang thei ahi: NPCC

493
0
SHARE

India sorkar in Nagaland gam Union Territory 2 a akhen a Article 371(A) asuhmang thei ahi: NPCC

Dimapur, August 12: Nagaland Pradesh Congress Committee (NPCC) in India hin Nagaland gam Union Territories (UT) ni a akhen a Article 371(A) alahdoh thei ahi, tin avel a akichatna thu aseikit in ahi.

Centre in Jammu and Kashmir gam a pupa hotoh kinoptona aneina a kon nungchon a gamsung hi UT ni a akhen a Article 370 alahdoh leh Nagaland gam jong boithei ahi, ati. “India sorkar in Nagaland gam jong UT ni a akhen a Article 371(A) alahdoh a chule mipi thumna ahi, tia aseithei ahi. India noiya kikun theilou chule India jong kun theilou ahi’in, kihouna hi alangni phatchomna ding ahi”, tin NPCC president K Therie in thuso aneina a aseiyin ahi.

J&K in ato tobang Nagaland gam a alhun a ahileh BJP toson ho themmo kichan ding ahi, tin NPCC in gihna aneiyin chule BJP hin Uniform Civil Code a Hindutva semding lunggel ahi ahi’in, economy leh khantouna a sangtah a losam u ahi, ati. “Sum leh thahat hou hohi Nagaland gam kikhelna a themmo kichan ding ahi’in, jouthu chule lamdih louva miho alhep u ahi”, tin ngohna aneiyin ahi.

J&K chunga Centre in ngolhoi tah a thil abol jeh a gamsung pumpi kichatna a dim ahi’in, Hindutva toson a mi phalou hon hou chom ho atha a, asuhset uva, atahsa atan tan uva, houin mun asuhset uva, hunam a mi hou akhel uva chule Christian charity institution ho akha u ahi’in, tua hi bong ven ding aminput sah uva Muslim ho atup u ahi. Muslim hon ‘birth control’ abol diu adeiyu ahi, tin ngohna jong aneiyin ahi. Nagaland gammi ho adinkhom dinga State congress in kouna aneiyin ahi. Alangkhat a Congress President dinga Sonia Gandhi kilhen NPCC in akipapina thu aseiyin, ama lamkaina noiya Congress tosotna lhingset kipe ding ahi, ati. Rahul Gandhi in phat hahsat pet tah a kitah tah leh pontho tah a Congress president panmun atuh jeh a jong akipapinau thu NPCC in aseibe in ahi.