Imphal khopi sung boijing nalai: Imphal-Ukhrul lamlen’a passenger bus panna’a gari 20...

Imphal khopi sung boijing nalai: Imphal-Ukhrul lamlen’a passenger bus panna’a gari 20 val kisuse’a mei’a kihal

217
0
SHARE

Imphal, Dec 18: Khurai Konsam Leikai leh Khurai Heikrumakhong kikah Imphal-Ukhrul lamlen’a Sunday nikhon counter economic blockade bol’a mi tamtah in Ukhrul lam jon’a che passenger gari 20 asuse uvin, phabep meiya ahal uvin ahi.
Police hon kiphinna bol ho nomang nading’a tear gas van lam in akap uvin, police hotoh kinotona’a pasal thum leh numei khat akitongkha in ahi. Thulhut dungjuiya Ukhrul Imphal lamlen, Khurai Lamlong ‘a kon Khurai Heikrumakhong kikah’a mi tamtah jingkah matah’a kon kikhom uva counter blockade abol ahi. Amaho hin Ukhrul lam jon’a che gari ho alamtin uva, thil kipo ho asolhah uva asuhset-u ahi.
Sun nidan 11 don’a bus leh gari dang dang panna’a gari 40 vel thakhat’a kijot ahi’in, ipijeh’a gari thakhat’a kilhon ham tia thudoh aneiyu chun Christmas mang ding’a akho kho’a kile kahiuve, tin adonbut uvin ahi. Hiche’a chu counter blockade bol hon gari ho alamtin uva ama ama umna mun’a Christmas mang’a akile kit ding uva aseipeh uva anungsol-u ahi.
Amun’a um police hon pan alah uva gari asol diuva asei jou uva mipi hon song ase uva chule passenger ho akailhah jou uva gari meiya ahal-u ahi. Mipi kikhom hon bus khat leh police gypsy khat jong meiya ahal uvin ahi.