HSLC exam 2019 a government school 294 lah a school 36 a...

HSLC exam 2019 a government school 294 lah a school 36 a simlai pachanna nei khat jong umlou

169
0
SHARE

HSLC exam 2019 a government school 294 lah a school 36 a simlai pachanna nei khat jong umlou

Imphal, May 20(UNA): State sorkar in government school ho machal sah nading a pan alah jing vang a machalna aumdoh thei pon, tukum Board of Secondary Education Manipur in abol High School Leaving Certificate Examination, 2019 result kiphon na a hi government school 294 lah a school 36 a HSLC exam a pachanna nei simlai khatcha umlou ahi.

Tukum Matric exam a pachanna neiya simlai koima aumlou na government school hohi – Canchipur High School, Ch. Iboyaima High school, Singajmei, Chhotobekra High school, Chhotobekra, DR Thuoma govt high school, Patpuimu, haokramband high school, Nambol, Heibongpokpi High school, Heingang High school, Huining high school, Ukhrul, Ibemcha high school, Khabam, Jai Hind High school, Mantripukhri, Jirighat high school, Jiribam, Kakching high school, Khangshillung Higher Secondary school, Khoupum, Laikoiching high school, Senapati, Lambui high school, Ukhrul, Latingkhal high school, Jiribam, Lilong higher secondary school, Lungphu high school, Ukhrul, Madhumati Govt high school, irengbam, mao Maram higher secondary school, Tadubi, Mapao keithelmanbi high school, Nambol Leiren govt girls higher secondary school, Namtiram high school, Tousem, Nungnang high school, Nungba, Ramlal paul higher secondary school, SS Residential high school, Imphal, Sagolmang high school, Saitu high school, Shangkhak high school, Ukhrul, Shirui high school, Ukhrul, Sibapurikhal high school, CC pur, Songpelkhullen high school, Senapati, Takhok Mapal High school, Uchekon, Thangkhai high school, Tualkhohau high school, CCpur chule Yangkhulen high school, Karong ahi.

Kum masa Class X exam a government school 90 a kai simlai koiman lolhinna anei lou ahi. Chule government school a kai simlai khatcha top 25 list a jong panglou ahi’in, ahin, tukum a government school pass percentage akal in chule Charangpat Government High School, Thoubal a kai simlai khat 22nd position a apang in, government school minsetna sangtah vengdoh a pang ahi.

Government Aided school 65 lah a school 15 a matric exam a lolhinna nei simlai koima umlou ahi’in, school hohi – Bhubon High school, Kha Thinungei, Childrens ideal high school, Kwakeithel, City high school, Takhel likai Imphal, Cosmopolitan high school, Top Siphai, Elangkhangpokpi high school, Kakching, 1st Btn Manipur Rifles high school, Imphal, Haoreibi high school, Irabot high school, Ukhongshang, Kasturba high school, Jiribam, North Imphal Girls high school, Imphal, Porompat girls’ high school, Sanatombi high school, Shakhi Devi Girls’ high school, Imphal,  leh Yumjao Lairembi high school, Imphal ahi.

Private school 519 um ahi’in, hiche lah a school 12 a ‘pass percentage’ ‘zero’ ahi. Simlai alolhing aumlouna private school hohi- Bhaktivedanta Institute Mission school, Imphal, HRD Academy, Ghari, Kakwa Huidrom Leikai High school, Nilopher English school, Khergao, Patronied Immortality higher secondary school, Popular High school, Sagolband, Regulators English high Madrassa, Standard Public school, Sagolband Takyel, Tekcham High school, Thoubal, United Christan Academy, Ukhrul chule Western Girls’ high school, Sagoltongba ahi.

Government school 294 lah a government school 28 a pass percentage 100 percent alhing in chule Aided school 65 lah a school 4 a simlai hon abon uva pachanna anei uvin ahi. Chule private school 519 lah a school 68 a simlai jousen lolhinna anei uvin ahi. Exam a agom a simlai 37,138 in exam apeh ahi’in, hiche lah a simlai 27,740 in lolhinna aneiya, pass percentage 74.69 lhing ahi. Achesa 1973 kum a kon Manipur gam a matric exam a pass percentage asan na pen kum jong ahi.

Government school a kai simlai 8715 lah a simlai 4686 in lolhinna aneiyin pass percentage 53.77 alhing in chule private school a kai simlai 26,749 lah a simlai 22,015 in lolhinna aneiyin, pass percentage 82.30 ahi. Kum masa a toh tekah ding a tukum pass percentage tamjo ahi. Manipur gam a pass percentage hi 2018 kum a 73.18, 2017 kum a 66.7, 2016 kum a 65.37, 2015 kum a 61.59, 2014 kum a 67.85, 2013 kum a 72.27, 2012 kum a 70.37, 2011 kum a 70.76 chule 2010 kum a 60.76 percent hi ahi. 2002 kum a pass percentage hi 21 bou ahi’in, gamsunga ding a pass percentage alhom na pen kum ahitai.

Government school holah a Moirangpurel High School a pass percentage 100 percent ahi’in, exam pe a simlai 74 lah a simlai 73 first division a pang a chule khat in second division a pachanna anei ahi.