Gancha natguol ho lah’a vohcha natguol lhung?

Gancha natguol ho lah’a vohcha natguol lhung?

240
0
SHARE

  Moreh a vohcha phabep ajeh kihelouvin abanthi-e ti thu hung kithan jeh-a mundang jong ahinphah jengdi tina ahilou jeh in moh lunglinglaoda’n phante. Ahin muntin’a vohcha vah hon kivenna dia ipibol’a pha ham ti dondadi ahipoi. Vohcha natna umjeh-a mihem chung’a chuthei ningkum kum masalang’a ana kihasei ‘Swine Flu’ chu hung lang jengdi tina jong ahilou hetkhen ngai ahi. Mi honkhat nin hiche vohcha natna hi ‘Swine flu’ ahi tia ‘social media’ hoa thu thethangle jong aum’e. Moreh a vohcha natna thu hi Veterinary doctor hon jong amun’a agakhuol uva ajeh chet, ipi natna chet ahi ahetlou u chu Swine flu kimoh tijeng thei loudi ahi. ‘Bird Flu’ kiti ahcha pul (natna) ana umjing’in lunglinglao jeh in ahcha vah hon manbai tah tah in ahcha akijuoh dohji un chuleh ahcha Farm bolho ahcha alomchang’in Department official (natong) hon athat ji un aban vuimang jiuve. Hiche hi Veterinary Department hon govt akon mama’a sum muna’a aneijiuvin akiseiye. Ahin vohcha natguol akitol teng levang vohcha adamo loulai hojong kithatdoh-a kimoh vuimang kiti umlou, ahung nat a akitahlhuh tokah-a kimoh pailou (kivuilou) ahi. Hiche hi jenna thei channa kijenji jeh leh hung damdoh inte ti kinepna jeh ahi. Ahcha Farm bang’a vohcha Farm bol’a vohcha tamtah vah hi Manipur’a tamlou, atamvah jep hon jong som ni vel bou avah u ahi. Adondon’a hitobang vohcha Farm neoneo bolho hi natguol khat jeh a kivenna dia avohcha ho u abantha uva avuidoh diu hileh vohcha Farm bol ho dia ichan manna ahitadem? Thinlhang jep kho’a cheng hon an-nat nedi beh-a vohcha khat beh vah tam ahi. Ahin vohcha, gancha hohi ahung dammo teng lebou lou kapdi ham, ilodiham ti avah hon agelpan bepji, aphaat dungjuiya loukapdi, adamtheina dia vohkul leh akimvel suhthengdi ti ho koiman aha khohsah behlou ahi. Vohkul le akimvel suhtheng ahilouleh vohcha hodi titah louva avahte leh insah inlhang dia damtheina jong hiloudi ahi. Hiche jeh-a khopi/town sung’a veng ho dieh-dieh-a hi inn kinaicha-cha a cheng ngen ahijeh in vohcha vah hi koiman abollou ahi.

  Veterinary department hi gancha kivah ho damtheina dia mopohna nei ahin, Veterinary Centre hojong adondon’a um thou ahi. Ahin gancha natguol khat alhunteng lebou mipi honjong Veterinary doctor le Staff ho ageldoh bepji, gancha ho jennadi lou le ai hojong umkitji loulai ahi. Hichi chet hi tuchung Moreh a vohcha phabep thi jouva Veterinary doctor hon asei u chu ahi. Moreh lang’a vohcha nat aum jeh-a muntin ahinphahdi tina jong aumpoi. Mihem hihen gancha hileh thoukang pe jeh-a khosih umdoh in akiseiye. Moreh a vocha hojong chu khosih in aphah un akiseiyin ipiham khat akinehkhiel jeh u ahilou kichieh ahi. Achutileh akim avel thenlou jeh-a thoukang tamjeh akon jong hithei ahi. Hiche jeh-a Malaria department hin pan ahalahnadi tam ahi. Ahin insung invel thenna kiti hi amichang chung’a ki ngam ahi.