Gamsung Political boina jeh’a CM, Minister leh MLA tamjon Centre lamkai ho...

Gamsung Political boina jeh’a CM, Minister leh MLA tamjon Centre lamkai ho kimupi ding’a Delhi anajon ta

87
0
SHARE

Gamsung Political boina jeh’a CM, Minister leh MLA tamjon Centre lamkai ho kimupi ding’a Delhi anajon ta

Imphal, June 14 (ET) : Manipur gamsung’a Political lampang’a boina hi Chief Minister khel ding leh Minister 2 portfolio kinung lah peh nachung’a boina asang cheh cheh kit tan ahi. Ruling legislator sung’a Political party chom chom hon ama ma party national lamkai hotoh kihou ding’a Delhi ache soh phat uvin tuhin gamsung’a MLA themkhat bou aumden tan ahi. Chule Chief Minister N. Biren, Speaker Y Khemchand, Minister holeh MLA ho Delhi khopi a aum utoh lhon’a tunin Minister leh MLA tampin Imphal dalhan Delhi khopi anajon kit uvin ahi.

Thulhut kimu dungjui in tuni nidan 2:20 vel chun Minister Th Biswajit, Minister Nemcha Kipgen, MLA Radhakishore leh MLA V Valte Delhi anajon uvin chule nidan 2:30 vel chun NPP Party akon Deputy Chief Minister Y Joykumar, Health Minister L Jayantakumar leh Tribal Affairs Minister N Kayasii hon jong anajon kit uvin ahi. Chuleh MLA S Ranjan, Outer MP Dr. Lorho S Pfoze leh Inner MP Dr. RK Ranjan hon jong nidan 2:40 chun Imphal dalhan Delhi anajon uvin ahi.

Alangkhat’a janhi akon Delhi khopi’a khosa Chief Minister N. Biren in MP Prahlad Singh Patel leh Youth Affairs and Minority a Union Minister of State in-charge Kiren Rijiju anakimupi in ahin tule tu’a Manipur Political lampang boina hi iti lampang’a anakihou’u ham ti vang thuchen akihe hih lai in ahi. Ahin akihoulim nau’a chun National Sports University sah ding chungchang thu’a seikhom na ananei uvin ahi akiti.