GAMSANG’IN MIJOH

GAMSANG’IN MIJOH

705
0
SHARE

GAMSANG’IN MIJOH

By: Jaangboi (B.A. Asistant Teacher, MES) K.Chingkhong Kangpokpi District, Manipur 

Lekhabu masa pen Bible akon Abraham, Jacob chule Joshep te ho thusim ivetle Israel nampi semdoh nadia panla ahiuve. Amaho hi gam ngailu hilou in ason apah, atu achate ding’a lunggel saotah nei, mi ngailu chule a Pathen ngailu joh ahiuve.

Tunin gam ngailu hih in mijoh ngailun. Amale ami asa, ason, apah ngailu chun agam le a-nam angailut ahin gam ngailu jouse vang ason apah chule gam le nam ngailu hiponte. Gamngailu itam jeh uva Gam le nam ngailu dih tah um theilou ahin mijoh ngailut hi gamle go Nampi ngailut na dih tah ahi. Nam khat jat khat kiti hi mihem kisei na ahin mihem (sopi ule nao )umlou hile ijat inam umdi hinam? Sopi insah inlhang ngailu louho Nampi ngailu hidi ham? Gamngailu itam chan uva kikhen telna um cheh cheh ding hisangchun nasopi nami nasa ngailun, gam ngailu nahi thou thou, kikhen telna jong um lou ding ahi. Na ngailut jousen nahin ngailunte. Ikingailut soh tengule kitonadi,din khomdi, tia sei sei ngailou,icham uva akichamsa, akingailusa chule akitohsa ihiuve. Gam le go ngailut masat ding hilou, nasopi hengle kom na ngailut masat tengle bou, gam le go ngailu nahi ding ahi.

Gamle go kangailui tia election nalunglut le gamngailu nahipoi. Eiho Nam lengvaite dia mi vaihom nanoija Election lunglut MP ministers dangdang hohi gamle nam ngailu dihtah behseh hiponte. Nampi ngailu ithu u hangsan tah’a seidi candidate holna’ah ibui lheh un, ahin ana kaidoh jingsa hojong gamle nam ngailu lou leh hangsan tah’a idin mun u thu seimodi ahideh pouve. Amahon tule jing’a kichai dibep phatchom na neocha cha ana bol kalval uchu tule khonung’a hungkai doh kitdi honjong bolbe theideh pouvinte. Ajeh chu akaidoh jinao party jouse eiho’a hilou mi party, mikhut noija mi natong dia isotjiu ahin iti eiho thu ilungdei uva aseithei diu ham? Nampi ngailu’a mihangsan isotdoh hon ithu u sei tahbah jongleu koi ham eikhoh sah diu? Gamle nam kangailui tia election ho’a iki kum theile adih tah’a ngailu ihipon, ipi ham khat ngailu joh ihiuve. Ajehchu gamle nam dia dih tah’a natoh namun him him hilou ahi. Nampi dih tah’a ngailu ihi leu, ithu u hangsan tah’ a seingam di candidate holna’a lhaile sang’a hangsan tah’a idin mun u thu kisei nathei di political party tumbeh khat isem dohdiu ahi.Jat le nam thu hangsan tah’a seidi candidate ingaichat pen u ahipon, ijat le nam thu hangsan tah’a kisei nathei di party tum beh khat ikisem dohdiu ingaichat pen u chu ahi. IAS, IPS, MP, chuleh minister ijat um jong leu hen ahi theijep jeh’a eivaihom khumten uthu u dih tah’a kisei nadi mun aumsah louhel ahin mi natong dia um joh ihiu ve. Election dia lhaile a hungkai dohho chule IAS, IPS etc hojong mi natong dibep ihiuvin, sopi ahinkho’a inchen nadijong hilou nitin hinkho’a boina neocha cha ho nasuh lhah peh chu nampi natoh dih tah’a igel diu hitam? Mi vaihom nanoija Ki-ah vah maimai joh ihiu hilou ham? Minister ijat um jongleu hen inam dia natoh dih tah um lou ding, mikhut noija ki-ah vah nabep a inei jing u kalval ipi iphat chom pi diu ham? Mi vaihom nanoija ilengvai nao kumkho asottan, gamle nam ngailu mong nahile election ho’a kikum dan hia chu ilengvai nao va kon zalen nathei lampi him him umlou hel beh ahi. Na lunglut tei tei le nam ngailu nahipon oipoh ngailu nahi. Nathi lou di ahivang’a na son napah ngailu lou nahin nampi ngailu nahipoi. Tunia election iboi piu hi gam ngailut ahilou banna kikhentel na’a ineibe khah diuhi  nadei u ham?

Na inn le lou sem sem dan, nachate le sopi ule nao joh sem in. Mihem semlou va gamsung nasem le mihem chuleh gamle go jong amangsa ahin nagam sem nom tahchu min aloding, chate nasem le nasem lou gamnom nalo ding ahi. Gamsung semnan neile gou sum le pai ihinkhou toh jong leu hen chate isuhmil pou pou ule achaina teng building sangtah tah itundiu acheng umlou ding ahi. Hichun gamle nam ingailut loudan aphon ahi. Tunin gamsunga in nom tah acheng umlou ahom’a kitung atam’e. Thingnoi sembe jing sang in chapang te sem ute.Thal chohnan sum sumang hih in, nacha le na sopi te joh sem in,hichun thu gal (war)/lungthim gal ahatsah ding, gam ngailu dihtah nahi ding ahi. Gamngai lu ho hilou, mihem ngailu hojoh gam le go chule Pathen ngailu ahiuve.

Tu khanghi thal a gal bol a gam mu naphat beh seh ahi tapoi. Aumlou le hithei kit lou ding ahin, lungthim gal a kibol to nakhang ahitan chihna thepna’a mipha joulou ten lungthim gal (war)jona umlou ding,hichun zalenna mun eilhut loudiu ahi. Hemle thal sang’a lungthim gal hat johna khang ahitai. Ngailutna dih tah’a sopi ule nao ikisem toleu chihna thep na’a ikhantou diu hichun lungthim gal (war) ahat sah/eijo sah ding u ahi. Tulha bul lang’a jongchun KNO leh NSCN (IM) ho thu gal (words of war)/lungthim gal a ana kisat ton, ihinbol jing nalai diu ahi.Hichi gal hem le thal sang’a ahatjoh ihepha pouve. Lungthim gal/ thu gal a ijo lou khat adang’a jong kijou lou ahi.World war teni jong thu gal/lungthim gal in asosah ahin thu gal/ lungthim gal ma man asuhthip kit ahi. Hijehchun thu gal /lungthim gal ihat nadiu va oipoh vah nadi maimai ja lekha sim lou’a gamle nam ngailut nadih tah nei pum’a anatoh nadia isim diu ahi.

Tukhang’a gamnoi thingnoija hemle thal choi ho hilou school bag kipoh’a themjil hojoh lungthim gal / thu gal kimai topi dia kigo ihiuve ti sumil poute. Amilip in lungthim gal (war) satna dia themjil ihi lam ihe pouve. Hemle thal pum’a lungthim gal bol sang’a chihna’a lungthim thal (pen)manchah’a lungthim gal bol machal johna phat ahitai. Lungthim gal (war) kidou to nakhang ahitan, ihet phah loujeh uva machal lou’a kinotden ihiuve. IAS, IPS etc.. hia inchen nomtah leh nitin kho’a apoimo themkhat society sung’a bol jeh’a lekha them chule ngamngailu kihilou ahi. Gamngailu mai mai ho gamngailu dih tah ahipon, thiloi thei hinkho chule ahetna mangcha’a insung gamsung le ahunglhung ding khangho’a dia tohdoh neija kikhel sahthei hobou gamngailu ahiuve. Lekha hetjeh’a IAS namu ahin, aching nahilou maithei ahi. Igamsung uva hetna nei atam in miching atampoi. Ahet nale chihna mangcha thei tule khonung’a anam dia amangloudi, aumlouva khoh thilpha tohdoh nei ho bou aching chule gamle nam ngailu ahiuve.

I Society sunguva lamkai len pen IAS, IPS le MP etc hi manna gamngailu ihipon, ngailut dih tah’a sopi ule nao ngailut joh gamngailut ahi. Ngailut hi hemle thal sang’a hatjo tukhang’a dia Political movement neite dia manchah phapen khat ahi ihepha pouve. Pu le paten vannoi thang Britishte ana kidin tepi jounao chu hemle thal, hat man hilou, ngailut najoh in anakan gom uva hichun gal anadou sah u ahi. Ngailut chuleh lungthim gal /thu gal anathep uchu amaho gal manchah thupi pen ahi. Tukhang’a thal ichoi hou hi ana choilou jeh uva gal analel u hilou, ana thipsan ujong ahipoi.

Ason apah, sopi ule nao, amatah kingailu chuleh ahunglhung ding khangho’a peng (born)kit dingho ngailu phajou va chenmun det sempeh thei dia tansan a lunggel neijou hobou gamngailu dih tah ahiuve.