‘Frontier Nagaland’ thu a kihouna dinga Centre in ENPO kouna pe; ENPO...

‘Frontier Nagaland’ thu a kihouna dinga Centre in ENPO kouna pe; ENPO in Independence Day boycott abol vohai ta

309
0
SHARE

‘Frontier Nagaland’ thu a kihouna dinga Centre in ENPO kouna pe; ENPO in Independence Day boycott abol vohai ta

Dimapur, August 11: Eastern Nagaland miho dinga gam tum- Frontier Nagaland sem nading natoh aganna ding chule kihouna a pang dinga Union Home Secretary in August nisim 13 nikho a New Delhi khopi mun a kitepna anei toh kilhon a Eastern Nagaland People’s Organization (ENPO) in August nisim 15 ni a Independence Day a pan loudinga thuphon anei avohai tauvin ahi.

ENPO in achesa June nisim 11 nikho a Tuensang headquarter mun a CEC meeting anei nauva India sorkar in August nisim 10 nikho kah a ENPO thumna asan peh louleh Independence Day kin kimanna a panlou dinga kilolna anei ahi.

Union home secretary in August nisim 13, nikho leh New Delhi tolpi a kihou khom pi dia formal invitation apeh a konna hitobang decision hi alah u ahi tin thuso mihon hetsah na anei uve.

ENPO hin eastern Nagaland a konna district 4, Kiphire, Longleng, Tuenseng chule Mon hi ladoh henlang gamtum pe hen tia sorkar henga ngehna anei ahi. Gamtum thum na “Tuensang resolution of December 18, 2007” hi sotna pat chelha ahitan ahi.  Nagaland inpi a minister 60 lah a 20 hi hiche district 4 a kon ahi. Hijehchun, ngeh ho ngaisah a aum masang se a, kiphin naho hetpeh ahi nadin June 11 nikho chun  ENPO in Tuensang headquarter munna central executive council meeting anei uvin, amahon mipi te henga  Independence Day kiman na a pan lalou din asei un ahi. Eastern Nagaland Peoples’ Organisation ho hin, Nagaland sorkar henga gamthum athum nao ajehchu ahileh, ama ho hin Sorkar in donse na enei pouvin, Nuthah cha bangin chanvu chan dia lom eichan sah pouve tia, tin le ha tho’a kitepna neipumma pangdia, kiphin na nei ahiuve.

Hiche lhang sunga hi Tribe chomcheh 6, Yimchungrus, Changs, Sangtams, Phoms, Konyaks le Khiamniungans ho khosa ahi.