Free & Fair Election 2017 for Peace & Prosperity ti thupi’a Meeting...

Free & Fair Election 2017 for Peace & Prosperity ti thupi’a Meeting um

312
0
SHARE

Lien S. Gangte
Ccpur. Jan. 5: Society for Fast Justice gonna in 5th Jan., 2017 jinglam nidan 9:00 apat chun KIC, Office Tuibong ah “Free & Fair Election 2017 for Peace & Prosperity” ti thupi’ah Meeting aum in ahi. Hiche toh kilhon in MLA Election 2017 a Intending Candidate ho ahung jao uvin ahi. Chuleh, Houbung lamkai, Intellectuals, Govt. natong ho, Nam lamkai chom chom ho jong ahung jao uvin ahi.
Hiche kingon’a Elder Thangkhomang Haokip, Secretary, Society for Fast Justice (SFJ), Ccpur in holim anei na’ah, 4th Dec., 2016 nikho chun, L. Semol, Christian Church mun’ah SFJ, Kuki Nampi Taona (KNT), Kuki Senior Citizens Welfare Forum (KSCWFM) leh Kuki Inpi Manipur (KIM) hetpih na’in 2017 MLA Election ding toh kisai’ah, Kilol na chom chom ana kineiyin, hiche ho chu Mi thisa vote lhah louding; Eima vote bou kilhah ding; Hunam le sum thahat manlouding; Sumlut na ho ankawng bollou ding; Tup le doi lhangsapna jihtho-a candidate ho’n abol diu; Constituency/Booth Level-Public meeting Houbung mopohna bolding a candidate ho plateform peh’a amaho sum leosah louding leh Kinah kibou, Phungle chang’a vote hollouding ti ho ahi. Chuleh, 21st Dec., 2016 nikho chun DTC Hall, Tuibong ah Ethical Voting & Electoral Participation toh kisai’ah Joint Consultative meeting ana um in, hiche achun Free & Fair Election um thei na ding’a Guideline sem ding leh Election Campaign vekai ding’a District Level Hight Power Committee (DLHPC) siem doh ding in kilol na ana kineiyin ahi ati.
Ahung kikhom Maban 2017 MLA Election a intending candidate, 58-Churachandpur A/C akon C.T. Lian, Dr. L. Thangtawn chuleh, 57-Henglep A/C akon Mangcha Thangzom leh S.T.M. Tinkhonei Haokip ho’a kon holim na aum in, mipi’n ama ama deilhen na’a Vote alhah ding’u leh Igam sung’uva khantou machal na aum thei na ding’a pan alah ding dan’u leh ama ama A/C sung’a natoh ding (Manifesto) anei hou phonlhah na jong anei uvin ahi. Chuleh, Panel member in Thangkhosei Haokip, President, KIM; Thangjang Haokip, President, KIC; Elder Dr. L.S. Gangte; Elder J. Lhungdim; Daniel Nehlunlal, Advocate leh, June Rose Vaiphei, Elder Thuamson, PCI ho’a kon holim na jong aum in ahi.
Chuleh, SFJ in Sitting MLA jouse leh 2017 MLA Intending Candidate jouse ama ama mimal cheh in akikou in hijong leh atam jo ahung jao lou na chung uvah phamo asah thu’u aphong uvin chuleh, Intending Candidate 4, 58-Churachandpur A/C akon C.T. Lian, Dr. L. Thangtawn chuleh, 57-Henglep A/C akon Mangcha Thangzom leh S.T.M. Tinkhonei Haokip ho chung’ah akipa nau thu aphong uvin ahi.