Finance Dept a secretary in-charge chunga inquiry kineina dia Minister Th Biswajit...

Finance Dept a secretary in-charge chunga inquiry kineina dia Minister Th Biswajit in ngehna nei

63
0
SHARE

Finance Dept a secretary in-charge chunga inquiry kineina dia Minister Th Biswajit in ngehna nei

Imphal, June 14 (ET): Manipur in overdraft a Rs 274.48 crore atona chunga Reserve Bank of India (RBI) in Manipur henga fund apeh tahlou na chunga lethuh na a Minister Th Biswajit Singh in Friday nikho chun hitobang deilou umtah thil sodoh na chunga hi Finance department a in-charge in mo akipoh di ahi, ati.

“RBI in hetsahna asodoh masanga ni 46 sunga Finance Department a secretary in-charge in ahet ahitan chule overdraft hi hung moh sodoh theilou di ahi,” tin Biswajit in thusoh miho koma aseije.

Finance Department a secretary in-charge chunga inquiry akineina din ngehna aneijin chuleh hiche overdraft chunga hi ama changseh in mo akipoh di ahi ati.

Minister Th Biswajit in sum angaicha sang’a tamjo akaidoh’e tia achung’a ngohna kinei chu jou thu ahi naban’a bul le bal neilou ahi tin Minister pan janlhah (June 14) ama official residence mun’a thuso mihotoh akihoulim na’a chun nelkal na ananei in ahi.

Kumdang dang’a Government ana tuh ho chung’a jong hitobang’a angaicha sang’a sum kikaidoh na anasoh jing in ahin tuchung’a hi achombeh dan in asei uvin ahi ati. Election Code of Conduct chelhah laitah’a sum akaidoh’e tia ngohna kinei chung’a Minister in Election Code of Conduct chelha jong leh sum akikaidoh theipoi ti ‘hard and fast’ rule aum deh pon ahi. Sum kikaidoh hojong chu nakitongsa holeh tulai natoh bangkhai’a um ho jotheng thei ahi nading kiladoh ahi tinjong aseibei. Chule Official daan dungjui’a sum kikaidoh hohi finance department phalna noiya kibol ahi in chule Dk. Crore 2 apat achunglamse CM hetpeh na’a kikai ding ahi ti’a um ahitoh lhon’a Dk. Crores 247 kikaidoh na chung’a ngohna ei-kinei hi bul-le-bal um lou thu ahi ati.