ET May 21, 2017 News (Local, Thusoh Lahchom, Editorial, ET Taona)

ET May 21, 2017 News (Local, Thusoh Lahchom, Editorial, ET Taona)

832
0
SHARE

Anti-Terrorism Day nikho’a CM in kikhelna semdoh nading’a mipin sorkar atosot ding’a kouna nei

Imphal, May 20: Chief Minister N. Biren Singh in gamsung’a kikhelna aphalam ‘a sem doh ding hi sorkar lungtup ahi, tin aseiyin, ahin, hiche mudoh nading’a society jouse tosotna ngai ahi, tin Anti-Terrorism Day kin-gon’a chief guest apanna’a aseiyin ahi.

State sorkar in Banquet Hall, 1st Battalion Manipur Rifles mun’a kin-gon abol ahi. CM in ahoulimna’a Kwatha kho kom’a janhi nikho’a bomb kisupoh’a police commando 4 kitohkhahna thilsoh demna sangtah jong aseiyin, mi lungneo ho natoh ahi’in, hitobang natoh aum jom leh state sorkar thipbeh’a umlou ding ahi, ati. Chule Suspension of Operation kinoptona noiya thingnoi ho rehabilitation package sem phat angaiye, tinjong aseiye.

Sorkar thah hi chamna leh khantouna lhangsap ding’a kisem doh ahi’in, kihetkhel na jouse toukhom’a seilhah ding kiti ahi’in, ahin, gamsung gamgi tohkhah nathei leh gamsung kipunkhomna suhboi thei na natoh ho anop peh louding ahi, ati. Nam kikah’a kinahna sodoh nathei cso khatchan abol lou ding’in temna jong aneiyin ahi.

Lha seh nisim 15 nikho seh leh sorkar thah in ‘Meeyamgi Numit’ agon ahi’in, mipi deilhen sorkar hina ding lunggel ahi, tin aseiyin, chule sorkar leh japi kihouna alhom leh akigamlhat na um ahi, ati. Manipur Secretariat’a bureaucrats leh officer phabep in file sodoh nading’a phat alut sah thu’a Chief Minister in file tuhden ho koi ahi kahe’e, ajeh chu CM Whatsapp number hi mipi ding’a kihong ahi, ati. Sorkar in sorkar natong/official ho chung’a hunam’a dan asem nompon, hijeh hin mopohna nei hon atoh diu phatechan tong uhen, tin temna aneiyin ahi.

Kin-gon’a functional president’a pang CAF & PD Minister Karam Shyam in ahoulimna’a mihem hinkho sang’a amantam’a imadang aumpoi, tin aseiyin ahi. Thingnoi natoh hi aphatchomna aumpon, milham ho kisuh gentheina bou ahi, ati. Phat chomkhat jouvin CM in Anti-Terrorism Pledge akikhom ho alah sah in ahi.

Anti-Terrorism Day hi kum seh leh gamsung pumpi’a  May nisim 21 nikho leh kimang ahi. Achesa 1991 kum hiche nikho’a prime minister anahi Rajiv Gandhi Tamil Nadu gamsung Sriperumbuddur mun’a kithat ahi.

 

KPI a Anti-Terrorism Day  nit’u

Kangpokpi, May 20: District administration, Kangpokpi in tuni chun DC Office, Kangpokpi Conference Hall’a Anti-Terrorism Day anit in ahi.

Kinguon a chun DC Kangpokpi , T Ranjit Singh in houlimna aneiye. Ranjit in aseidan in tuni nikho’a Anti-Terrorism day kinit hi Prime Minister Rajiv Gandhi thi geldohna ding’a kibol ahi ati. Kinguon kichailam chun akikhom mipi ho’n DC  T Ranjit lamkaina in gamsung’a  chamna, jat le nam chom chom ho kah’a kilungkhat na le  terrorism doudalna ding in kihahselna anei’uvin ahi.

Thing kipohna truck ni kimat thu’a Deputy Ranger Md Altaf suspend kibol

Imphal, May 20 (DIPR): Forest and Environment Minister Th. Shyamkumar in Saturday nikhon thing kipohna truck ni Friday jan’a akimat thu toh kisaiyin department official ho demna sangtah aneiyin ahi.

Department in hiche thu toh kisaiya Md Altaf Ali Khan, Deputy Ranger, Beat Officer, Molnoi Forest Beat Office, Chandel Forest Division ‘suspend’ abol tauvin ahi. ‘Suspend’a aum sung’a Md Altaf Ali Khan headquarter hi Division Forest Officer’s Office, Chandel Forest Division hijom ding ahi, tin May nisim 20 nikho’a Kereilhouvi Angami, Principal Chief Conservator, Forest & Head of Forest Force Department in asodoh order’a chun akiseiyin ahi.

Central Forest Division, Range Forest Office,  Mantriphukhri mun’a Minister Shyamkumar in thuso miho akimupi na’a chun, DFO Central Forest Division L Joykumar lamkaina team in Matai Garden, Khabam mun’a Friday jan nidan 8 don’a thing kipohna truck ni amat ahi, ati. Team hon aphatcha na atoh jeh in Minister in pachatna thu aseiyin, chule Khudengthabi’a kon Imphal jon’a che truck hin document kitup aneilou ahi, ati.

Md Altaf Ali Khan in Forest Department’a kon ‘clearance’ pehna soi akai ahi, tin aseibe’e. Truck teni hin thing’a ‘hammer marks’ (phalna soi) anei jeh’a check point tamtah bailam tah’a ahin galkai ahi. Khudengthabi Army Post, Pallel Police Station post, Kakching Forest Office post, Tengnoupal Forest Post, Molnoi Forest Office Post, Pallel Police Station Post, Kakching Forest Office Post, Thoubal Forest Office Post, Thoubal Haikha Range Post, Lilong Police Station Post, Singjamei Police Station Post ahin galkaiya truck hi Khabam, Imphal East hung lhung ahi. Revenue kidonna suboiya dan dihlouva thil kibol ho suhtang nading’a department in drive chom chom abol ahi, tin Minister in aseiyin, chule department in kitah tah’a na atoh leh kum khat’a revenue target dangka 100 crore kisem hi bailam tah’a kimu ding ahi, ati. Chule revenue kidong doh hohi department phatchomna’a kimang ding ahi, tin jong aseiye.

Department in asem dan jui pum’a mipi in asumkol veina natoh abol jom ding’in Forest and Environment Minister in temna aneiyin, alangkhat’a Central Forest Division, Range Forest Office, Mantripukhri ‘a office kivaipoh alhahsam thu’a alunglhai louna aseiyin ahi. Phat chomkhat jouvin Minister in Forest Beat Officer, New Keithelmanbi avil in, song leh nel po’a truck ho transit pass kipeh lou thu aseiyin ahi.

BJP District Executive in Kpi a kihoulimna masapen nei’u

Kangpokpi, May 20: Tuni chun Brig. Thomas Ground kom’a um Kangpokpi DHQ , Community Hall a Sadar Hills District BJP Executive hon kihoulimna masapen anei’uvin ahi. Tuni kihoulimna’a chun Ph. Manibabu, Secretary, BJP Manipur Pradesh, Premananda Meetei, Secretary Organization, BJP Manipur, Shanti Kumar Sharman, ex-President, BJP Manipur Pradesh and i/c Enrolment, Kh.  Jibon Singh, Convener BJP Election Committee, Phoni Meitei, Vice President, OBC Morcha, Manipur le party dang lamkai phabep in pan ala’uve. Tuni kihoulimna’a chun Thangjamang Kipgen, BJP Kpi Dist.  President, Haokholal Hangshing, ADC Sadar Hills Chairman, Thangjakam Misao, Vice Chairman chuleh ADC Sadar Hills Member hon jong pan ala’uvin ahi.

Tuni kihoulimna’a chun State BJP luboh cheng chu Kuki traditional pon’a kisem ngong’aw khatcheh a awpeh’uvin ahi.

Shanti Kumar Sharman, ex-president BJP Manipur Pradesh in kihoulimna’a chun Centre le Manipur a BJP sorkar  hung kisemdoh dan chungthu a houlimna aneiye. Chuleh BJP hinbel ho hin anatoh dan le mipi ding’a thilpha aboldan ho adeijeh’uva ahinbel’u ahi’n, party hinbel hon grassroot level’a kitah tah’a mipi ding na atoh’u ngai ahi tin aseiye.

Premananda Meetei, Secretary Oranization, BJP Manipur in ahoulimna’a chun Manipur sung’a khantouna natoh lolhingtah’a achelhah theina ding’a mipi le party worker ho kitoh tah’a aumkhom’u angaidan aseiyin ahi.

Keithelmanbi VA hon kitepna neitau, Khosung Constitution jong phondohna um

Kangpokpi, May 20: Kangpokpi District sunga Champhai Su Division noija um Keithelmanbi Village Authority dia kilhengdoh hon tuni chun Keithelmanbi Community Hall mun’a kitepna ana neiju tolhonin Khosung Dan (Constitution) jong thensona le phondohna ana umtan ahi.

Keithelmanbi vangkho hi Kangpokpi District sungseh hitalouva Manipur gamsunga Kuki sunga Thadou tribe te chen utna kholen pen dia jong ginchat khat ahin, Trans Asia Highway No.1 lamlhong juisuh’a Champhai Sub Division sunga um ahi.

Keithelmanbi vangkho ho Ward 10 in akihom khen jouvin ward khat a member khatcheh akilhengdoh un hiche chungchon’a Village Authority Chairman, Vice Chairman, Secretary jong akilheng jiuvin ahi.

Tunia ‘Kitepna le Vangthumpehna’ kingol’a Keithelmanbi VA dinga kilhengdoh ho’a kitepna nei ho chu Dehlam Lhouvum (Chairman), Paominthang Kipgen (Vice Chairman-Home, Land, Youth Affairs), Paosat Singsit (Vice Chairman-Custom & Culture) chule Ward 10 a member hochu Keithelmanbi VA Executive Member ding ahiuvin amaho chu- Seitinthang Vaiphei (Ward No.1), Vumjangam Sitlhou (Ward No.2), Thangminlen Kipgen (Ward No.3), Nehgoumang Lhouvum (Ward No.4), Thangboi Keithelmanbi VA Constitution holah’a phabep gah hetthei hochu- VA ho term hi kum 5 hiding, dammo jeh ahiloule boina chom jeh’a Chairman haina bang aneile Vice Chairman, Chairman hina atuhding hichu General body approval ngaiding ahi.

VA Chairman hi khopi luchang ahibangin, thunoh hihen, thunom hijongle achaina le ama thulhuhna kichepi ding ahi, VA member koihijongle on duty pet a jukham sava umthei louding, kumkhat a General meeting January le khatvei, August le khatvei umding hiche a chu VA, Women Union le KYA in report apeh chehding, Finance report jogng jaocheh ding ahi.

VA, Women Union le KYA in Khosung Gam le Go avenbit ding, General meeting phatsahna beija koiman ajohthei louding, khosunga japi thi le lo tichu Government schools, Fishery, CC Hall, Office, Dispensary, kitiho phatah avetsui diu ahi.

VA member hon Khosung statistic akoitei ding, ward member hon jong ama ama ward statistic akikoi chehding ahi.

Tunia Keithelmanbi VA ho kitepna le vangthumpehna kingol chu local MDC Lamminthang in Khosung ngailutna jalla imajouse apohdoh’a ankong jong anasem ahin, hitobang gam le nam Ngailut lamkai khangthah pa chunga Haosa ho, Nupi hole Youth hon kipathu aseijun ahi. Tuboi (Ward No.5), Paosat Singsit(Ward No.6), Satkai Hangshing (Ward No.7), Tongkai Khongsai(Ward No.8), Kamlal Lhouvum (Ward No.9) chule Lunchon Lhouvum (Ward No.10) ahiuve.

TBA Pastor, Thangkai in Haosa ding ho kitepna aneisah jouvin Pathen henga lhandohna le vangthumpeh na ana neijin ahi.

Alangkhatna, Keithelmanbi Khosung sehseh’a dia kisem Dan Bu (Constitution) chhu Rev. Jamthang in hondohna le phondohna aneitolhonin tunia pat hiche Daan Bu a um juidinga kisei ho kichepi pan ding ahitai.

‘Shirui Lily Festival 2017’ khumkha hita; Tourism hin gamsung economy ahin khantousah thei ahi tia Governor in sei

Imphal, May 20 (DIPR): Achesa May nisim 16 a kipat anachelha Shirui Lily Festival chu tuni (May 20) in Tangkhul Nagalong Ground (TNL), Ukhrul ah thanomtah leh lolhingtah in ana kikhumkha tai.

Khumkhana kingon a chun Governor of Manipur Dr. Najma Heptulla Chief Guest in apang in State Government leh akisamkaipi authority hon Manipur gamsung’a hitobang festival loupitah ahin gondoh’u chungchang in apachatna aphong’in ahi. Hitobang kingon a kon’a mipin jong gamsung’a thingna louna chule environment manlut dan ahin hetdoh uva chule jat le nam chomchom kipumkhomna kingon hohi pachat thei doltah ahi ati. Hitobang kin thupitah gongdoh ding’a pan nasatah a hinlah Chief Minister N. Biren chungah jong apachatna thu aseikit’in ahi.

Hitobang kin kibol hi State Tourism a dia jong kalson hoina khat ahin Shirui Lily leh Ukhrul alhaang agam nopdan hojong gamsung’a umho keu hilouva pamlang’a umhon jong vildia thanopna lungthim ahin neidoh diu ahi tinjong aseikit’e.

Shirui Lily hi May lha kichai kon’a kipat June lhabul chan pahji ahin chule hiche pahcha hi mundang’a akimulou jeh’in ICAR injong phate’a pan lah’a amanthah louna tei ding’a avenbit jing ding’in thupeh aneikit in ahi. Thingphung/thingkeh ho akiphuh jing jeh’a Ukhrul Headquarter in twi lampang hahsatna ato jing hojong aseitoh lhon’in tohding tampi aumnalaiye tinjong aseikit’e.

Manipur hi tourism lampang’a khangtou theitah ahin chule hitobang festival hin mipite gam le go manlut/hoidan hettoh sah keu hilouva gampam miho jong Manipur hoidan ahung vetnomna thei diuva pan lah ngai ahi ati. Gampam miho toh ihung kihavop tengle chihna le thepna jong khangtou ding hichu gamsung seh hilouva asung’a cheng mipite’a dia jong thilpha sodohna thei lampi hiding ahi tin Governor in aseibei.

Manipur hi Economic lampang’in alhasam nalaiyin tourism hin hiche economic lampang’a lhahsamna hi ahin khanletsah thei ahi ati. Jat le nam chomcheh chengkhom akihi jeh in phaicham leh thinglhang gam cheng mipite ucha bang’a kingailutna lungthim pu a kithokhom chieh ding’in temna aneiyin ahi.

Tuni Festival khumkhana kingon a chun cultural item phabep vetsahna jong aumin ahi. Manipur Legislative Assembly Speaker, Y. Khemchand, Minister L. Jayentakumar Singh (Health & FW/Law & LA/Art & Culture/CADA),  Minister Letpao Haokip (IFCD/YAS) leh Minister Th. Radheshyam  (Edn./Labour & Employment) hojong tuni khumkhana kingon a chun President leh Guests of Honour in apang uvin ahi.

Chief Minister N Biren Singh in thingnoi ho ding’a surrender policy asem losam

Imphal, May 20: Manipur Chief Minister N Biren Singh in Saturday ni’a surrender policy thingnoi ho ding’a kisem hi alosam lheh jeng in ahi ati. Imphal mun’a kingon na’a Chief Minister in hiche chung chang thuhi Union Home Miniter Rajnath Singh toh kinei ding ahi tin aseiye. Thingnoi hohi lamkai kitup tah in alamkai lou jeh uvin hiche tobang surrender policy kibol jong hi pan nabei ahitai tin lunglhailou tah in CM in asei in ahi. Rules dungjui’a chu thingnoi hohin athal(manchah) hojouse Army camp ma akoi ding’u chuleh member ho jouse jong a camps sung’u adalhah lou ding dol tah’u ahi. Surrender policy jong kitup tah in aum thei pon chuleh thingnoi hojong kihin so thei nading leh a insung’u avet thei nading uvin ema jong aumpoi tinjong asebe in ahi. Army hon jong thingnoi hotoh suspension of operation signed abol uvin ahin Manipur government in jana apeh ding chu ananom pon ahi. Chuleh police leh paramilitary forces hon kinop tona signed abol nung uvin jong thingnoi ahol le le uvin aman uvin athat jing uvin ahi ati.

May 24 kah’a mibulu ho akiphon loule May 25 a kipat NH-102 bandh kibol ding ahi: Ksh. Yaima

Moreh, May 20: Janhi (May 19) sunkim nidan 12:40 vel’a Parliamentary Secretary L. Susindro Meitei in Nongpok Ningthou leh Nongpok Panthoibi vil a ahungna a ambush anato lungkimlou leh lunglhailou vetsahna in tuni (May 20) chun Kwatha Community Hall ah press conference khat anakibol in ahi. Hiche a chun Moreh a kon thuso miho, Kwatha V/A Secretary Ksh. Iboyaima Singh, Kwatha Meitei Baptish Church Pastor Ksh. Yaima, Kwatha Meira Paibi member Tombi Chanu, Kwatha kho khangthah, upa, tehse ho chule Kwatha kho nupi hojong apang uvin ahi.

Tengnoupal district sung Imphal a kipat km 102 a gamla chule Kwatha lamkhai a kipat km 7 lang kilut nalai Kwatha kho hi meilhei chilchet chenna kho ahin chule hiche hi thinglhang gam meilhei ho chenna lah’a jong aluipen leh akhangtou loupen ahi tin Ksh. Yaima, Pastor Kwatha Baptish Church in aseiye. Hiche kho hin Hou chomchom tahsan akicheng khom in Christian leh Hindu hou hi ahi. Ahin tuni geiyin Hou kibahlou thu in boina aumkhapon, kingailut tah in akicheng khom jing’in ahi. Nongpok Ningthou Nongpok Panthoibi Haraoba injong Hou akibahlou vang’in angaichatna jouse in khat le khat kakitho khom jing uve. Kholui chule kho khangtoulou ahijeh a Parliamentary Secretary in hiche kho khantouna ding leh thil dang dang aphachom ding ngaito a vilna ahung neina a kibulu hi Kwatha khomite kanom pouve tin Pastor Ksh. Yaima chun aseikit’e.

Hitobang natoh kibol hi Kwatha khomite khantou ding deilou jeh’a kibol ham ahiloule kholui akihi jeh’a mangthah hen tia kigel ham tin thudoh abolkit in ahi. Ahunglhung ding May nisim 24 kah’a hiche kibuluna a panla koi hijongle ahung kiphon diuvin hetsahna aneiyin ijem tia hetsahna ho nahsah louva eiki koipeh le ajing nikho (May 25) a kipat Kwatha lamkhai (NH-102) a bandh hattah kibol panding ahi tinjong aseikit in ahi.

Saikul A/C sung’a Old Age Pension ho kihoukhom na ana um

Saikul, May 20: Nisim May 13,2017 nikho nin K.I.S. Kangpokpi District, Manipur mun’a kihoukhom na Thongjang Khongsai convener hinan Tehse-Upa Pension sum sangloi chuleh sanglou lai ho Pathen heng’a toana toh thon ana chelha in ahi. Hiche kihoukhom na’a chun akho kho’a Tehse-Upa mihem 60 val kikhom ho tha lheng in Upa Ja-umtah mi 8 in lunggel seikhomna anei’u toh lhon in anoija kilol nahohi kipah tah in thu lhuhna anei uvin ahi. Khat na’a chun; Saikul A/C a um Tehse-Upa Old Age Pension sum sangjouse chuleh khonung jong leh itobang sum le pai thua boina hahsatna aum lou nading in pan kilakhom hen lang hiche chu ” Old Age Pensioners Association Saikut Gamkai” tia minvo ding:

Ani chan na’a chun; Hiche Pensioners hon phatchomna a aneitheina diuvin gamsung mopo’a kinei CSO hotoh ki hettona nei peh diuvin Thongjang Khangsai chu convener a din mipin kipah tah in deilhen na anei utoh lhon in tunia pat a Old Age Pension asang hihen, asanglou lai ho thu hijong leh aman kihou toh nading dinmun jouse a pan alah ding in kilolna anei un chuleh thum chan in; Kilolna hohi hetsah thei adeh a Inpi, KSO, W/u aphatcha a hetsah na leh kithopi nading’a tepna akinei pat tahding toh lhon in kihoukhom na khumkha nachu taona anakichai tai ahi.

KSO Henglep Block General Election um

Lien S. Gangte

Ccpur, May 20: Kuki Students’ Organisation (KSO) under Article No.14(C) leh Article 15(A) dan dungjui in 20th May, 2017 jinglam nidan 11:00 apat chun Kuki Inpi Ccpur (KIC) Hall, Tuibong ah Kuki Students’ Organisation, Ccpur lamkai na in KSO Henglep Block General Election aum in ahi.

KSO Henglep Block kum 2017 apat 2020 kum 3 sung uncontest ti chu akitet pi umlou lhendoh a ana um ho,

President ding T. John Thanglal Haokip, Gothol Village; General Secretary ding Jangkholun Haokip,

  1. Phaikholum Village; Secretary Education ding Satngam @ Ngamboi Doungel, Silen (Leimata); Secretary Finance ding Henthang Haokip,

Pakol (Henglep HQ) leh Secretary Info. & Pub. ding T. Manglal Haokip, Loikhai Village ho ahiuve.

Lamkai thah ho kihahsel na  T.L Haopu Haokip, President Returning Officer, President, KSO, Ccpur in aneipeh in ahi. Pathien a vangthumpeh naleh lhandoh na Upa Lutkhothang, KBC, Tuibong Dist. Hq in aneiyin in ahi.

Tuni’a lamkai thah kilheng doh ho’n Cabinet kehlet na lhakhat sung a anei diu ahi. KSO Henglep Block General Election a Refreshment ding Thangzalam Haokip, MLA, Henglep, Chairaman HAC in ahintuo doh na chung’ah KSO Ccpur in akipana thu aphong in ahi.

Battle of Imphal’a thi sepai ho jana kipe

Imphal, May 20: Imphal War Cemetary mun nil eh Maibam Lotpa Ching, Japan War memorial Complex, Nambol, Bishnupur district mun’a kum 73 lhinna ‘Battle of Imphal’ (WWII) geldohna kin-gon akimang in ahi.

Kin-gon hi World War II Imphal Campaign Foundation leh Manipur Tourism Forum (MTF) in state tourism department toh thakhat’a abol ahi. Chief Minister N Biren, Parliamentary Secretary, Nagaland, C Apok Jamir, Japan-India Ambassador Kenji Hiramatsu, leh  Chairperson, Burma Campaign Society, London, Akiko MacDonald kin-gon’a jin-gun’a apang uvin ahi. Chule Japan Embassy (political section) staff SUnichi Inove, colonel Kenji, Japan Police, Embassy of Japan leh Gaurav Rai, Commonwealth War Grave Commission manager jong kin-gon’a apang uvin ahi.

Saturday jingkah in Colonel Kenji, Gaurav Rai, Apok Jamir lh WWII Imphal Campaign Foundation leh Manipur Tourism Forum member ho panna in Imphal War cemetary’a athi sepai ho jana in pahcha koina kin-gon amang uvin, Japan ambassador panna in Japan gam’a kon official agom’a mi 41 kin-gon’a pang ding’in gamsung ahung lhung uvin ahi. Hotel Grande mun’a kholjin ho liemna kin-gon anei nauva Kenji Hiramatsu in WWII ICP, MTF, Indo-Japan Friendship Association leh Battle of Kohima member ho memento leh certificate ape in ahi.

May 22 leh Barak Spring festival kipan ding

Imphal; May 20: Shirui Festival thanopna akichai masang’a gamsung’a ‘The Barak Spring Festival’ Senapati’a um kit ding ahi.

Tu masang’a phalbi sung’a kibol jing Barak Festival hi tukum’a min thah ‘Barak Spring Festival’ noiya kibol ding ahi. Ni-ni umding Festival hi May nisim 22 nikho leh kipan ding, Naga People’s Organisation (NPO) in agon ahi. ‘Reclaim Responsibilities’ ti thupi’a kimang ding ahi’in, tribe chom chom chon dan vetsahna leh suhhing nading ahi.

Gamsung’a ding’a vadung lenpen Barak hi pathen thilpeh ahi’in, adeh’a Senapati gamsung mihon aphatchompi ahi. Festival sung’a Barak Run, Barak Nite, Barak Voice Hunt, Barak Special, Barak Melody, trekking, flk song, kitetna chom chom, exhibition chule gamsung’a kisem thil kijoh ding ahi. Senapati Mini Stadium mun’a umding kin-gon’a Chief Minister N Biren Singh Chief Guest’a pang ding, N Kayisii, Tribal Affairs & Hills Minister leh L DIkho, PHED, Printing & Stationary Minister Chief Host leh Chief Celebrant’a pang lhon ding ahi.

Community leader hole school HM ho ding’a kichuhna kinguon kibol khumkha hita

Kangpokpi, May 20: Kangpokpi ZEO guonna noiya Headmaster, Headministress, SMC, SMDC le Community leader ho ding’a kibol training programme tuni chun LNC Hotel, Ol-Dailim Hall a khumkha ahitai.  Kinguon a chun Headmaster,  Headmistress, community leader , SMC le SMDC jakhat val in pan ala’uve.

Ngahchong Kipgen, ZEO/District Project Officers (SSA/RTE) , Kangpokpi District  in kinguon a panla ho chung’a akipana aphongdoh’e. Chuleh gamkai sung themjilna lam’a akhantou theina ding’a gamsung miho’n kilungtohtah’a pan alahding’u apoimo dan jong aseiyin ahi.

Manipuri Pony  population aniseh’a kemsuh jing

Imphal, May 20: Manipuri Pony hi sakol insung lah’a aneo loi ahivang’a apil  (agility) jeh’a leiset pumpi’a minthang ahi.  Manipuri Pony hi leiset chung gamdang’a jong kimoh mu lou ahi. Pathen in hibang tah’a goulu tah khat eipeh’u hi authority concerned in donlouva akoijeh in aching neilou/apu neilou abangta’uvin, lamlen dung’a thilnen kipai ho bou ane’uvin  genthei hahsatna hinkho amang’uvin ahi.  Alangkhat’a Polo Tournament aum tengle Manipuri Pony ngailu mi atam’a tamji ahi’n, Tournament ahung kichai tengle Pony ngailu ho hi aumna’u jong kihepha jilou ahitai. Lamlen dung’a ivale’a ahileh thilthenglou kineh khah jeh’a lamlen laidung’a kisat det det jong akimu jing in ahi.  Lamlen a Manipuri Pony tampi kilha jeh hin accident jong mun phabep a ana sohtan ahi.  Tutu’a Manipur sung’a Pony umjat hi sangthum (3000) vel ahi’n, authority concerned in phatah’a aventup lou’a ahileh kum thum kumli jou teng le khat jong umlou ding in akilang in ahi.

Medicinal plant chungchang’a interactive meet kibol

Imphal, May 20: Tuni  chun Indian Medial Association, Lamphelpat , Conference hall’a “Medicinal Plant Traditional Healers and 365  Days Activities at School Level”  thupi mangcha in  interactive meet ana  kibol in ahi. Kinguon  chu Manipur State Medicinal Plant Board, Directorate of AYUSH, Lamphelpat, Imhal West, Manipur in aguon ahi.

Kinguon a chun Parliamentary Secretary, Health, S Subhachandra, Director of Health, Dr K Lokendro,  Apunba Manipur Maiba Maibi Phurup , President, N Tombiraj, Manipur State Medicinal Plant Board, Member Secretary. Dr.A Guneshore Sharma in pan ala’uve.

Medicinal Plant chungchang’a machalna aumtheina ding’a hi simlai ho kichuhna hatah’a peh angai’e tin Guenshore Sharma in ahoulimna’a aseiye. Parliamentray Secretary, Subhaschandra in ahoulimna’a chun, state sung’a um medicinal plant ho  jouse kholchil’a damlou ho jenna’a itilamdol’a manthei ham ti’a  panlah phat ahitai tin aseiye.

Loktantra Senani Sangh Branch Office kihongdoh

Imphal, May 20: Tuni chun Khwai Bramapur, Nagaapal’a Maintenance of Indian Security Act le Defense of Indian rule dungjuiyin Loktantra Senani Sangh Branch Office hondoh na ana’um in ahi. Loktantra Senanai Sangh hi 1975-77  emergency umlaiya henkol’a umho kiloikhomna ahi.

Convenor Goverdhan Prasad Patel in aseidan in British government in Manipuri ahung luonkhum jeh’a struggle ana kibol chu struggle lah’a ahahsa loi tahkhat ahi ati. British te’n India ahinluo chai’u chun Manipur mi tampi songkul ana tang’uvin ahi. Kiloikhom hi British te khutnoiya suhgentheina ana toh ho ding’a kisem ahi tin Goverdhan Prasad Patel in aseiyin ahi.

 

Moiraang Lamkhai Khoyol Keithel le  Patlou Modern Fish Market tunigeiya manlouva um nalai

Bishnupur, May 20: 2015 kum’a sum le pai crore val lang lut’a ana kisa Moirang Lamkhai Khoyol Keithel le Moirang Patlou Leikai Loktak Modern Fish Market tunigei  in manlouvin aum nalaiayin ahi.  Kailhang teni hi  MAHUD, PDA, NFDB le Moirang Municipal Council  kitho’a anasah’uva Chief Minister O.Ibobi in in December nisim 6, 2015 nikho’a chu ana thensuo ahi.  Amin seidohlou mikhat in thuso miho heng’a aseidan in Loktak Modern Fish Market  kikhutlhehna hi Construction agency le Moirang Municipal Council in masang peh’a chu ana nei lhon ahitan Khoyol Keithel hi PDA le Moirang Municipal Council kikah’a kihetkhelna phabe paumjeh’a  tunigeiya manlouva umjing ahi tin aseiye.

Dandihlouva Innsa ho le dukan bol ho Min. Shyamkumar in phat tep peh

Imphal, May 20 (DIPR):  Khuman Lampak, DM College, Nagaram vadung pang, Imphal Art College, Law College,  Thangal Bazar, Paona Bazar, Singjamei, Thoubal le Bishnupur a dandihlouva dukan bolho le inn sa hon ahung lhung ding kaal masang’a athilbol’u angah ding’u vin MAHUD and Town Planning Minister Th.Shyamkumar in gihna aneiyin ahi. Achung’a kisei mun ho’a dukan bol ho le Innsa ho hin house deeds/land deeds phatah’a akikoi lou’uva ahileh drive  hung kibol teng achung’uva dan to kitoh’a action kilading ahi tin Shyamkumar in aseiyin ahi.

Thusoh Lahchom

Toumun kiphin

Friday nikho’a Parliamentary Secretary (Home) L Susindro Kwatha’a ache masang’a Khudengthabi-Kwatha lamlen’a road opening party ho bomb’a kibulu na thilsoh demna in Khurai Lamlong bazaar mun’a toumun kiphinna abol uvin ahi. Thilsoh’a sub-inspector khat panna’a commando li kitongkha ahi.

‘Mukna meet’

All Manipur Mukna Association lamkaina in Tamphal lairembi Laibung Wangoo mun’a Friday nikhon 8th Tamphal Lairembi State Level Mukna Tournament, 2017 abol uvin ahi. Kichep golseh’a player 50 vel in pan ala uvin ahi.  Chule kin-gon’a Sanasam Bira, MLA Kumbi Assembly Constituency; Sorokhaibam Dwijamani, DIG Telecommunication; A Brojen Singh, Up-Adhyaksa BPR ZP; M.Romen Meitei, Zilla Parishad Wangoo ZP; N.Sanatomba, Pradhan Wangoo GP; P Baleshwor, Pradhan Terakhong GP leh N Kanhai, nominee Pradhan Chairen GP chief guest, president leh guest of honour ‘a apang uvin ahi.

NSCN-IM le GoI

Takhellambam Leikai Youth Club lamkaina noiyin tuni chun  NSCN-IM le GoI kah’a chelha Peace talk phatchom le phatchomlou chungthu seikhomna  ana kibol in ahi.  Kinguon a chun Social Worker Thiyam Gambhir, Club President, Soram Sanaton, Talembam Leikai Meira Paibi Youth Club, President, Lourembam Indra  in pan ala’uve. AMSU President Manjit Sarangthem in ahoulimna’a chun, NSCN-IM le GoI kikah’a chelha peace talk hi time bomb tobang ahi’n, itih’a apokeh seithei ahipoi tin aseiyin ahi.

Bomb pohkeh

Tujan (May 20) nidan 9:30 donchun Moreh Police Station leh Primary Health Centre, Moreh kikah fencing (PHC langkai) ah bomb khat ana pohkeh in koima akisukha/athi vang aumpoi tin tahsan umtah thulhut kimu khat chun aseiye.

‘Culture Day’

Lamkang Literature Society (LLS) leh Lamkang Naga Kver Kunpun (LNKK)  in thakhat in P Ralringkhu kho, Chandel district’a Lamkang Culture Day 2017 kin-gon amang uvin ahi. D Shetwor, Literature Pioneer, Lamkang Naga Kver Kunpun (LNKK) in LNKK ponlap akhaidoh in Culture Day kin-gon hondohna aneiyin ahi. Chule ‘Jiikbul Laika, Paumin Laika, Phung Laika leh Cultural DVD’ jong hondohna anei uvin ahi. Kin-gon hi pupa khang’a kon um chondan venna ding ahi, tin Secretary, Lamkang Culture Day 2017 Loveson Shilshi in aseiyin ahi. D Thamdok, President LNKK; Amarson Sankhil, Principal JNV Mon Ministry of HRD, Government of India; Lera, Literacy Specialist; leh John S.Shilshi, ex-joint director NSCS (PMI) GoI jong kin-gon’a apang uvin ahi.

Editorial

Festival and conflict diplomacy

(The scent of Shirui flower has attracted hill and valley alike)

                               It has been clearly evident from the just concluded five days long Shirui Lily Festival in Ukhrul district that festivals are not just entertainment and merry-making oriented but another form of politics and diplomacy. Ukhrul district Headquarters and its periphery were not a destination for political honchos from Imphal till N Biren’s BJP led coalition government had been installed a couple of months back. Today, not only the Manipur Chief Minister and his council of Ministers have made Ukhrul town their second seat of power but a lot of people cutting across community line could throng the town and its surrounding villages like never before, thanks to the first ever state level and state sponsored Shirui festival – 2017. Apart from the state dignitaries and government department officials on duty a lot of civilians from the valley and other hill districts have flocked together in Ukhrul and its nearby villages to take part in the five days tourism extravaganza in a spirit of love and harmony that too in spite of the inclement weather. The incessant drizzles making the main festival venues and roads muddy and inconvenient did not dampen the festive spirit of the people. The host tribe is a happy lot too. For, from this festival more infrastructural developments and financial largesse for Ukhrul district has been announced. Emotional integrity between the valley and hill particularly the Tangkhul Nagas evidently has been revived. This is a great success of the incumbent state government politically and diplomatically. This should be pursued continuously with sincerity. Such diplomacy and politics should not only confine to Ukhrul district and its people but extended to other hill districts and tribes as well.

                            Shirui Lily festival must be an eye opener to many on the tourism potential of the state in general and Ukhrul district in particular. This is evident from the observation of a minister of Thailand who took part in the just concluded Shirui festival. However, it should be remembered that tourism would be nowhere an income generating sector without peace in the land. Both domestic and foreign tourists should feel secured to visit any part of the land (Manipur). There would never be any tourist to any destination if fear of being abducted for ransom continues to haunt potential tourists. Violent clash between security forces and armed militants and recurring incidents of bomb attacks also would also never help flourish tourism. Fluid political situation with conflict rhetoric such as ‘severing ties with Manipur government by Nagas’ is a sure signal to discourage tourism in Naga areas.

ET Taona

Van’a um kapau pathen, kalah uva hin athusei banga chon le hinkho mang kalhom lheh un ipi kasei vang un keiho le kei tahbah jong kakitahsan gam tapouve. Hijeh chun aseibanga chon le hinkho mang kahi theina diuvin lungthim le tha neihipeuvin tin kahung tao uve, amen.