ET May 14, 2017 News (Local, Thusoh Lahchom, Editorial, ET Taona)

ET May 14, 2017 News (Local, Thusoh Lahchom, Editorial, ET Taona)

257
0
SHARE

Nute jana le pachat vetsahna’a chaten Nute keng sop peh’u

Kaybie Chongloi,

Kangpokpi, May 13: Vannoijin ‘Nute Nikho’ loupitah’a Sunday ni le amankit ding ahitan, alhangpia Nute nikho le chaten Nute chunga kipa vetsahnan le janan Pahcha lom, ahiloule thilpeh jatchom chom anei jiuvin, hiche hi chondan hi angaina kibol tobangin ana umtan, hinlah, mihem lung suthou lheh dia ginchat umkhat’a tunia Kangpokpi District munkhat a Nute Nikho kiman na khat’a chaten anuteu ‘keng’ anasop peh’un ahi.

Hiche chapang hohi atamjo nu le pa kikim talou chapang ho ana hiuvin, Children Home khat aum ahiuve. Amaho dia adam nalai a nuteu dinga thilpeh lah’a amantam chungnung le ahoipen chu ahitan, amaho ding bouseh hitalouvin midang jouse thilpeh sanga ahoipen amanlupen ahitai.

Hitobanga chaten Nute ngaisang theina lungthim aneithei nadiu hingong doh hi koima dang ahipon, Reach an Orphan Ministry Children Home cum Eleanor Brilliant Academy, Lhungjang veng, Motbung Principal Mangboi Kipgen ahi.

Nute Nikho hi Jing (Sunday) ahijeh’a school kaina umlouding ahijeh chun, Reach an Orphan Ministry Children Home cum Eleanor Brilliant Academy hin Nute Nikho tunia ana man’u ahitai.

Tujing lam nidan 7 velchun Reach an Orphan Ministry Children Home cum Eleanor Brilliant Academy, Lhungjang veng, Motbung campus sunga chapang ho le jilkung hon ana kisukim’un, touna golni in agol’un, Nute ahung phat un touna a chun atousah un, chujouvin chapang hochun ama ama Nute cheh keng chu ngailutna neitah le kipahtah in anasop peh’un, anuteu kom’a kipathu anaseijun ahi.

Hiche chondan hin Nute kipana lonlhi anapotsah in, achateu angong koijun, Boi, Kakipah’e, thilpeh jouse lah’a nanga amanlupen in ahoipen’e ana tiuve. Hiche umchan chun Nu le cha kikah’a tonlaija pat anaum sa ngailutna chu apunbesah’in mitin lunglai anasuthou lheh jengin ahi.

Hichun Nuten, agimna’u, aboina ule achate diuva lung kicholthei louva aumjing nau suhmil sohkei jeng bangin aneikham kham’u anasep khom’un Children Home le Academy a chate din itlou hel le kiphaltah in anapeu vin ahi.

“Nu vang Nu ahi’e” tia seije kimah’a mi aumteng aseiji ma bangun Nute ngailutna asan dan le agildan asulang lheh jengun chule hitobanga chate lungthim’a Nute ngaisanga punbe sah thei lungthim thah hingong doh Principal pa le atohkhompi jilkung ho chunga akipanau sangtah in aphongun ahi.

Reach an Orphan Ministry Children Home cum Eleanor Brilliant Academy, Lhungjang veng, Motbung a Principal, Mangboi singson in Nute manlutdan le Nute nikho hung kimandan thusim’a houlimna ana neijin ahi.

“Pathenin Nute nikho kimang ngaito khel lampeh’a eilolhinsah jeh un Pathen kathangvah’e” tia aseitolhonin, Mangboi singson in chapang ho henga, “Chate na Nuteu kipasah jingun, jabol’un lang hepi jingun, lhiso sah hih un, alhiso jongleu nachung uva akipajeh’u hihen” ati.

Reach an Orphan Ministry Children Home cum Eleanor Brilliant Academy, Lhungjang veng, Motbung hi achesa 1993 kum’a pat ana umpan ahitan, a head office hi Langol, Imphal a um ahi.

Literature leh culture hin lungthim akipunkhom sah thei ahi: Dy CM

Imphal, May 13 (DIPR): Deputy Chief Minister  Yumnam Joykumar Singh literature leh culture hin ‘dance leh music’ toh kilhon’a gamsung’a lungthim kikhelna sangtah ahin pohlut thei ahi, tin 82nd Annual Convention of Manipuri Sahitya Praishad, Imphal kin-gon’a aseiyin ahi.

Saturday nikho’a Maharaj Chandrakirti Auditorium, Palace Compound mun’a kimang kin-gon’a Deputy CM in, literature, art leh culture hi society kivetna ahi’in, hiche jeh’a kikhelna ahin pohlut thei ahi, ati. Imopohna nau ikihop khom uva jana ikipeh to theiyu ahi, tin aseiye. Manipuri literature hi kum 2000 val lui ahi’in, hitobang literature ineiyu hi kiletsah pi umtah ahi, tin aseibe in ahi.

‘Yumnam Kesho Singh Memorial Lifetime Achievement Award in Literature, Art & Culture’ sem doh ding’in Deputy CM in phondohna jong aneiyin ahi. Award’a hi dangka lakh khat, certificate chule Plaque kipe ding ahi. Gamsung mi jousen chamna leh machalna aumna ding’a society’a ama ama mopohna’a pan alah ding ahi, tin Education Minister Th Radheyshyam  in aseiyin, hiche jeh’a umchan pha tho’a, kithununto ngai ahi, ati.

Deputy Chief Minister leh Education Minister in Life and Works of Pandit Khelchandra” leh  “Ningshinghouba Khara Libiramba Khara Pandit Ningthoukhongjam Khelchandra kiti lekhabu 2 kin-gon’a published abol lhon in ahi. Chule Pandit Ningthoukhongjam Khelchandra Bu Nouhouna Masak Leppa ti thupi in seminar jong aumin, resource person 1 in houlimna aneiyin ahi. Kin-gon’a President, Manipuri Sahitya Parishad, Imphal Professor Thoidingjam Tombi, President, Manipuri Sahitya Parishad, Assam Karam Ibungohal leh President, Manipuri Sahitya Parishad, Meghalaya jong apang uvin ahi.

Thinglhang le phaicham miho kikah’a kingailutna hi thusim kisunho akihetgil tengle athahbeh’a hung um kit ding ahi: Dy CM

Imphal, May 13: Thinglhang le phaicham miho kikah’a kingailutna hi thusim kisunho akihetgil tengle athahbeh’a hung um kit ding ahi tin Deputy CM Y Joykumar in tuni Maharaj Chandrakirti auditorium’a chelha 82nd annual meet, Manipur Sahitya Parishad a ahoulimna’a aseiye. Kinguon a chun Edn. Min. Th Radheshyam, Sahitya Parishad President , Prof Th Tombi le milen milal phabep in pan ala’uve. Kinguon a chun Padmashree award ana sang Ningthoukhongjam Khelchandra chungchang’a kisun lekhabu ni thensona jong anei’uvin ahi.

Edn. Min. Th Radheshyam in ahoulimna’a chun, ipu ipate’u vin eidalhah peh’u thusim ho le chondan phatah tah ho isuhmil’u hin society aphalou lamtah in atongkha in hiche suhbeina ding’a hi  Ipu ipate’u chondan hi school syllabus a pansah lou apoimona aum’e tin aseiye.

Print media hon kitha kimat thu toh kisai thuso ho front page a atahlang tahlou diuva CM in temna nei

Imphal, May 13: Gamsung a pansa print media hon crime report ho front page a akoilou ding’uvin Chief Minister N Biren in temna aneiyiin ahi. Ajeh chu crime report hin mipi lungsung adihlou lamtah a asuhkhahthei ahi. CM in hiche thu hi jaanhi jaan’a Imphal Hotel a thuso miho toh akihoulimna’a asei ahi.

CM in aseidan in Manipur sung’a kipodoh newspaper ho hi gamdang a umhon jong asim’u ahi’n, Manipur a hung kholjin ding lunggel nei Foreigner le tourist hon hitobang thuho hi amudoh teng’u le ahung nom jitapo’uve. Prime Minister Narendra Modi panlahna noiya thuso miho 1 lakh per annum health insurance kipe ding’u ahi. Thuso miho panlahna jal’a state issue tampi kisulham ahi’n, BJP sorkar hin thuso miho damtheina ding le sumlepai dinmun semhoina ding’a thil chom chom kibolding ahi tin CM in thuso miho heng’a chun aseiyin ahi.

Jolzam Village in MGNRGS Best Performing Village award lopna nei

Lien S. Gangte

Ccpur,  May 13:  Zolzam kho in “Best Performing Village for Implementation of MGNREGS 2015-2016” ana kisan toh kilhon in 13th May, 2017 nikho chun “Van le leiset sempa Pakai kon a eipanpi hungding ahibouve” ti thupi a mang in Zoljam Community Hall mun’ah lopna kigon aum in ahi.

Hiche kingon ahin, Jingun in Joycee, P.O DRDA, Ccpur apang in, Jin jaum in Thanghem Haokip, S, O-1, DRDA, Ccpur apang in ahi. Chuleh, Report peh na Khailam, Secy. VCC in aneiyin, Zoljam Youth Club ho’a kon Bamboo Dance leh Y/A Cultural Troupe, Hiljang ho’akon Nam lam vetsah na jong aum in ahi. Kipana maicham Pathien a lhandoh na Rev. Helun Haokip, Asst. Suptd. in aneiyin ahi. Jingun in holim anei na’ah, hiche kingon veitam tah amajeh a ki postpone jeh in a kiphatlam na thu aseijin ahi. Chuleh, DRDA in kiletsah Pi kham a khosung mi panlah Na leh Haosa Pu pachat Na sangtah apeh na ban’ah, Central Team hokoma panpi thei Na chan’a Khosung kithopi napedin jong ngehna asem in ahi. Maban ajong practical tichu atoh a tohtho jeng bou hilouva documentary leh file work jong ahoithei pen’a siem jing ding in tepna aneiyin ahi.

Hiche kingon ahin, SDO, Tuibong Block leh Ccpur SDO leh staff ho jong ahung pang uvin ahi. Holkhomang Haokip, Chief Coordinator RAS jong ahung in holim na aneijin ahi. Zoljam kho in, “Best Performing Village for Implementation of MGNREGS 2015-2016” kipa man in Cup khat leh dangka 10,000/- ana kisan uvin ahi. New Delhi akon Central Team ho hojong tuni chun inspection in ahung uvin ahi. Central team inpection ding a hung kalsong ho Rajiv Sharma, Under Secretary? MGNREGS;  Pankaj Srikant Dubekar,  Sonal Kulshrestha ho ahiuve.  Tudinmun in Zoljam khosung ah Jobcard holder 82 aum in ahi. Award lopna in Bongkhat gou in mipi’n ankong sohkhom na anei uvin ahi.

KSO in Anglo Kuki War 1917-19 kum 100 lhinna thupi noiya ‘Blood Donation Camp’ bol

Imphal, May 13: Kuki Students Organisation (KSO) leh IHBT-RIMS in Kuki Inn, Imphal mun’a ‘blood donation camp’ abol uvin ahi.

Thisan pehna camp hi KSO in kum seh leh abol ahi’in, Imphal khopi’a um hospital blood bank ‘a apeh-u ahi. Tukum camp hi Anglo-Kuki War 1917-19 Centenary Celebration toh kitoh’a kibol ahi’in, tuchung’a thisan pe hon British vaihomna noiya chamlhatna ding’a galsat’a ahinkho tohdoh’a pupa te jana’a thisan pehna aneiyu ahi.

TT Haokip, Chairman, Hill Areas Committee in kin-gon hondohna aneiyin, KSO natoh pachatna thu aseiyin, chule society kithopina pan alah jing diuvin temna anei uvin ahi. Dr A Barindra Sharma, IHBT-RIMS luboh in volunteer ho heng’a thisan kipeh thu aseiyin ahi.

Volunteer 100 val in thisan unit khat cheh RIMS blood bank’a koi ding’a ape uvin ahi. KSO in simlai ho phatchomna ding bou hilouva kijenna ngaicha’a mipi ho, adeh’a genthei vaicha chule Impha’a kijen ding’a hung’a ima helou ho gelkhohna anei ahi. Thisan ngaicha’a tahsa damlou hon thisan lahna ding’a boina ato jing ahijeh’a KSO in hitobang boina vendoh nading’a blood bank’a thisan akoi ahi, tin Seiboi Haokip, General Secretary, KSO General Headquarter in thuso aneiyin ahi.

Ahung lhungding July nisim 1 nikho leh KSO leh Jawaharlal Nehru Institute of Medical Sciences (JNIMS) in ‘blood donation camp’ abol kit ding ahi. Thisan kipehna’a panla ho jouse chung’a KSO in kipathu aseiyin ahi.

NPP recognized Manipur StatePolitical Party hitading

Imphal, May 13: Tuchung 11th Manipur Legislative Assembly Election- 2017 a National People’s Party (NPP) in ahinbol hoi toh kilhon’a Manipur a dia state party hisah ding’in Ashwani Kumar Mohal, Under Secretary, ECI in party President lekha athotna ah aseiyin ahi. National People’s Party hi Meghalaya a dia jong recognized state party khat ahi. Election Symbols (Reservation & Allotment) Order, 1968 para 6A (iii) dungjui a party symbol (lekhabu) hinjong state party hitheina ding condition ho asubulhit jouvin hijeh chun Election Commission of India (ECI) in National People’s Party hi recognized Manipur state party khat hiding ahitai tin ECI Under Secretary Ashwani Kumar Mohal in aseiye.

Health Minister in tibukimlou ho kithopina pe

Imphal, May 13: Health Minister L Jayentakumar in ama assembly constituency sung’a um tibukimlou ho ama sakhao’a kon in lhaseh in Dk.200 ahop peh in ahi. Tibukimlouho chu L Jayentakumar in Pishumthong Oinam Leikai’a um ama Inmun’a sum ahop peh ahi.  Kinguon a chun L Jayentakumar in constituency thalheng a aumlaise’a tibukimlouho sum ahoppeh ding ahidan aphongdoh in ahi.

GSO lamkai thah kilhenna um

Imphal, May 13: Manglien Gangte, Research Scholar leh David Letgoulien Gangte chu Gangte Students’ Organisation (GSO)-Ghqs President leh General Secretary dingin lhendoh ana hilhon tai. Amani leh executive member dang ho hi tunia GSO lamkai thah kilhenna Lamphel a um Pu Lamboi Gangte (Member, ADC, Chandel) quarter a lhendoh ana hiuve.

2017-19 sunga GSO (Ghqs) Executive member dang tunia kilhengdoh ho chu Khailalmuon (VP), Dam Robin Gangte (Jt. Secy), Th. Paulalthuom Gangte (Finance Secy), L. Jenifer Gangte (Treasurer), Thiempi (Secy Moral & Religion), Malsawmkim (Education Secy), S. Paulallien Gangte (Social & Culture Secy), Judith (Asst Secy Social & Culture), Lienminlal Gangte (Games & Sports Secy), Albert Lalshadai (Secy Debate & extension) chuleh Dalzangam Gangte (Information & Publicity secy) ahiuve.

Hiche ho ban ah, Organizing Secretary dingin Zalenmoi Gangte leh Benjamin Gangte lhendoh ahiuve. Standing committee member dingin Th. Neka Gangte, Khuollien Gangte chuleh T. Songminlun Gangte jong got ahiuve. Lamkai thah ho vangthumpeh na kin Rev. T. Doupi Gangte in ana nei e.

Election jouvin, handing over ceremony ana um paijin, hi a chun tunia kilhengdoh GSO executive ho koma charge pehdohna Th. Neka Gangte, former president GSO-Ghqs in ana nei e.

Tunia GSO election a jao Gangte tribe lamkai gah hetthei ho chu Pu D. Angam Gangte, President, GTU; Pu S. Lungin Gangte, Member, ADC, Tamenglong; Pu Lamboi Gangte, Member, ADC, Chandel; Pu KSJ Gangte, ex-President, GSO (M); Pu Thangkam S. Thangjom, leader, GTU; Pu Kilkholal, GTU leader; chuleh Pu H.T. Gangte, IPS, DIG (AP-1) ho ahiuve.

Thoubal Multipurpose Project Neglected Area Agricultural Development Organisation in kiphinna bol talou ding

Thoubal,May 13: Thoubal Multipurpose Project Neglected Area Agricultural Development Organisation in May nisim 15 a pat kiphinna bolding ati chu Chief Minister in aboinaho’u suhlhap peh ding’a kitepna aneitolhon in akiladoh tan ahi.

Kiloikhom secretary, Dara in aseidan in Chief Minister in twihah chungchang hi kholchilna kineiding bolding’a lom jouse kibol ding ahi tin aseiye ati. Dolaithabi le Thoubal project hin tunigeiya Lamlai Loukol  le akimvel’a um lou 10,000 hectare vel tunigeiya twi vat khat jong apehdoh loulai ahi. Sawombung Veterinary hospital, Community Health Centre chuleh Nongada  a u SDC le SDO office building sahna natoh jong kholchil ding in Chief Minister in kitepna aneiye. Concerned authority a kon official p habep in jong Lamlai Loukol a twihah dinmun kholchilna aneita’uvin ahi. Lamlai Loukol sung’a cheng loubol ho hin phatah’a twi amu’uva ahileh tu’a apohdoh’u lougaso ho hi jat thum beh’a hung kibe ding ahi tin Dara in aseiyin ahi.

Dy CM in Meitei Huiyen Lalong Shindam Shang hondohna nei

Imphal,May 13: Deputy Chief Minister Y .Joykumar in tuni chun Uripok Khwai Nambul Mapal’a athahbeh a kitungdoh Meitei Huiyen Lalong Shindam Shang hondohna aneiyin ahi. Kinguon chu Universal Friendship Organisation (UFO) in aguon ahi. Kinguon a chun  Vice Chancellor, Manipur University of Culture, N Khagendra;; AMWJU Presidet, Wangkhemcha Shamjai chuleh Advocate Khuraijam Kanta in pan ala’uve. Kinguon a chun Dy CM Y Joykumar in Satjal hon gamsung culture le tradition manthah louna ding’a pan alah danho’u chungchang’a houlimna aneiye.

Zeliangrong Welrare Committee in Silver Jubilee mang

Imphal, May 13: Zeliangrong Welfare Committee, Manipur University in tuni chun Catholic School, Canchipur a Silver Jubilee  amang in ahi. Kinguon a chun Parliamentary Secretary Awangbou Newmai, Jt. Secy Home, Joseph Paolin Kamson le Committee Chairman, Dr.Chungmeijei Mathew in pan ala’uvin ahi.

Parliamentary Secretary Awangbou Newmai in kinguon’a ahoulimna’a aseidan in khangdong ho hin society semhoina ding’a theitopso’a pan alah’u ngai ahi  ati. Tumasang chun dantoh kitohlou va bandh le blockade tampi aumjing jeh in mipi in gentheina simsenlou ana toh’uvin ahi. Hiche chun gamsung sum le pai dinmun keu hilouvin khantou machalna natoh ho jong ana sutang in ahi. Khangdong hon jong  gamsung sum le pai dinmun le khantou machaln natoh ho sukhathei ding bandh le blockade ho abollou diuvin temna kaneiye tin Awangbou Newmai in aseiyin ahi.

All Manipur Hill and Valley Students Orgn. In kiphudoh kal kum 2 lhinna mang

Imphal, May 13: Tuni ( May 13) chun Lamyangba Shanglen a All Manipur Hill and Valley Students Organization kiphudoh kal kum ni lhinna kinguong ana mang’uvin ahi. Kiguon a chun social activist, Sitara Begum,  All Manipur Students’ Parent Guardian organization , Organizing secretary S Sumati le All Manipur Hill and Valley Students Organization, MD Sajid Khan in jin-gun, jinja’um le kinneipa touna aluo’uvin ahi.

Society lamdih lang’a puihoi na ding’a hi student organization hon mopohna lentah anei’uve. Thinglhang le phaicham kah’a kimitthipna um hi suhbeina ding’a simlai hon pan alah masat’u angaiye tin Jin-gun a pang Sitar Begum in houlimna aneiyin ahi.

Welfare for Differently Able person Secy in Nemcha Kipgen chung’a kipathu phong

Imphal, May 13: Social Welfare Minister, Nemcha Kipgen in tibukimlou ho scholarship, sum le pai kithopina, employment allowance, grand in aid chuleh facility chom chom kipeding ahi ti’a phondohna aneina chung’a  Relief Centre for The Welfare of Differently Able persons, Manipur , Secretary Ch Lokeshori in akipana aphongdoh’e.

Temporary market shed a thiljoh hon plastic sheet amantalou diuva IMC commissioner in thuphon nei

Imphal, May 13: Temporary market shed a tou thiljoh hon plastic sheet amantalou ding’uvin IMC Commisioner a kon kimu thuphon in aseiye.  Thiljoh hon mi chena ding’a kisem lamlen ho’a thilkeu aset dimtahlou ding’uvin jong Commisioner in hetsahna aneiyin ahi. Temporary market shed sung’a hi jaan  nidan 8 a pat pasal toutheilou ding ahi. Footpath le khwairamband kailhang kimvel’a koiman thil ajoh theilou ding  ahi tin jong thuphon chun aseiye. Koitobang thuphon kinei juilou aum’a ahileh achung’a action kilading ahi tin thuphon chun aseiye.

CM Secretariat mun’a ‘Meeyamgi Numit’ man nading’a kigotna umta

Imphal, May 13 (DIPR): May nisim 15 nikho leh Chief Minister’s Secretariat mun’a ‘Meeyamgi Numit’ (People’s Day) man nading’a angaicha kigotna jouse anei tauvin ahi.

Chief Minister N Biren Singh in ana phondoh masat bang’a May nisim 15, jingkah nidan 10’a kon nilhah nidan 4 chan gamsung mipi ho hahsatna angailhah ding ahi. Hiche  chungchon’a Minister, Parliamentary Secretary, MLA, Administrative Secretary, DC, SDO leh HoD jousen jong ama ama office mun cheh’a mipi akimupi ding ahi.

State sorkar in hitobang pan alah hi akilhengdoh lamkai leh bureaucrat hon mipi boina ahetthem thei nadiu ahi. Hetthei khat chu Chief Minister N Biren Singh in lha seh nisim 15 nikho leh ‘Meeyamgi Numit’ kimang ding ahi, tia achesa April nisim 9 nikho’a Khwairamband bazar’a thiljoh numei ho heng’a ana phondoh ahitai.

Pt N Khelchandra Singh pen kum 100 lhinna kin-gon kinit

Imphal, May 13 (DIPR): Pandit N. Khelchandra Singh pen kum 100 lhin nikho geldohna in Ipathoukok Kombirei Shanglen, Lamphel mun’a Saturday nikhon ‘Ningshingluba Khara, Libiramba Khara’ kiti lekhabu hondohna aumin ahi.

IPATHOUKOK leh Ningthoukhongjam Khelchandra Singh Charitable Trust in thakhat’a kum 100 lhinna Khelchandra pen nikho nitna kin-gon alamkai ahi. Education, Labour & Employment Minister Th. Radheshyam in Pt N Khelchandra Singh natoh leh pan lahna ho’a Manipur thusim, chondan leh literature’a thutah chom chom um ahi’in, a-itih’a loupi jing ding ahi, tin aseiye.

Pt N Khelchandra Singh panlah na ho RK Jhalajit Singh in aseiyin, Sahitya Akademi fellowship leh Sangeet Natak Akademi fellowship award sang ding’a lom tah ahi, tin aseiye. Khelchandra pen nikho dihtah May nisim 13 nikho’a aphat khelna umlouva kin-gon nit ding’a kisei hi kilolna phatah ahi, tin Jhalajit in aseibe in ahi. MAHUD, Parliamentary Secretary N. Indrajit Singh injong ama’a kon kithopina ngaichat ahileh peh ding’in kitepna aneiyin ahi.  IPR, Works and CAF&PD Commissioner K. Radhakumar jong kin-gon’a apang in houlimna aneiyin ahi.

Pt N Khelchandra Singh in atohdoh hetthei hohi Cheitharol Kumbaba, Royal Chronicles of Manipur, Manipuri to Manipuri and English Dictionary, Manipuri Language-Status and Importance ahi.

IFCD Minister Letpao Haokip in Pallel’a ‘Trauma Centre’ kisah nading mun vetlhahna nei

Imphal, May 13 (DIPR): IFCD leh YAS Minister Letpao Haokip in Pallel, Tengnoupal district’a Trauma Centre kisah nading mun vilna aneiyin ahi.

Imphal-Moreh lamlen Pallel mun’a Trauma centre sah ding’a kigong hi lamlen tosetna ahilouleh atahsa kitohkhah’a damlou ho kijen nading ahi, tin aseiye. Highway thupi tah ahi’in, Pallel mun’a Trauma Centre kisa hi che-le-vah-le chule akimvl’a cheng ho ding’a thil phatah ahi, tin Minister in aseibe in ahi.

Inspection abol masang’a Molnoi Area Welfare Council in Pallel Molnoi mun’a Minister Letpao Haokip liemna aneiyun, nam jouse lungmong’a achen khom nading’a Minister in houlimna aneiyin ahi. Lhang miho kithopina peh ding’in Letpao Haokip in kitepna aneiyin chule sorkar in mipi phatchomna ding’a tohgon anei ho atosot diuvin temna aneiyin ahi. Minister pa’n phat chomkhat jouvin Kakching AC vadung pang jong avil in, chule DSA, Kakching lentol jong vetlhahna aneiyin ahi.Hiche tilouva Chandel district noiya um Aihang kho’a ‘tribal museum’ kisah nading mun jong avil in ahi.

NERCORMP Project noiya Tanky ki hongdoh

Lien S. Gangte

Ccpur, May 13: NERCORMP Churachandpur project noiya Vajing (Tuibuong Block) kho a NaRM_G hon Safe Drinking Water (Small Size) 2016-2017 chu sahjou ahi toh kilhon in Khaipao Haokip, Chairman ADC Churachandpur in Chief Guest hina toh hondoh na a neiyin ahi.

Chief Guest in a houlim na’ah chun, NERCORMP Churachandpur project hi a gam in a ngaichat dan leh nasa taha khosung’a mipi’n aphatchompi ahi dan aseiyin chuleh, Central Govt project hoitah ahi dan jong aseiyin ahi. Chuleh, D.Khuala Vaiphei, Project Manager, NERCORMP Churachandpur in khosung a mipi hon kilungtoh taha na a sep keu’u hilou’a, Community Contribution sangtah a nei jeh uva beneficiary household 25 reward dan a kipehbe ding ahi dan aseiyin ahi. Chuleh, James Doujapao Haokip, SDO Tuibong in NERCORMP Office in dangka 50050/- bou a sanction na’ah , Vajing houbung leh Village Authority ho’n dangka 50000/- apoh doh uva, Pucca Water Tanky kilomtah asah doh’u kidang asah thu leh akipapi thu aphong in ahi. Grace Zamnu, MDC leh Chief Functionary AWCA in holim na jong aneiyin ahi. Vajing haosapu, Semjakam in mun’ah Village Authority holeh ache khom lamkai chom chom hon ankong sokhomna anei uvin ahi.

Keihsampat  mun’a dharna ana tou’u

Imphal, May 13 : Loume Sinmee Apunba Lup in tuni chun keishampat Leimajam Leikai community mun’a dharna ana tou un ahi. Hiche mun’a kiphin na nei hon adei pi pen uchi Manipur High Court in Public Interest Litigations  chung chang thu hi CBI khut na kholchil na anei sah nading in ngeh na anei un ahi. Hiche organization in athum chu PIL department chom  chom tichu Agriculture, Fishery, MOBC,LDA, FCS chuleh Social welfare  a ana kipe lut ho chu agang thei pen na CBI khut na apeh lut nading uvin ngeh na anei un ahi. LOUSHAL, President M Churamani in aseina’a chun; government department chom chom sung’a hi neh guh chah guh suh mang ding ahi ati. Hiche kiphin na kibol hi society sung ‘a kibang cheh na khantou machal na aum thei na ding bidoi’a kibol ahi dan phondoh najong anei in ahi.

Mid  day meal cook hon simlai chapang ho school mun chom chom ma lekha anahil’u

Imphal. May 13: Mid day meal cook’a ding nga kila miphabeb in jilkung ding nga lhin na anei lou vang uvin simlai chapang ho lekha school chom chom’a anahil uve tin President of Mid Day Meal Workers’ Union, Indrani in ngoh na ana nei in ahi. Aman aseibe na’a chun; Arong Khunou Primary School chuleh Chingjao Primary School, Hiyanglam Assembly Constituency mun’a mid day meal cooks  ding’a kila ho in simlai chapang ho lekha anahil uve tin asei in ahi. Cook ho ding’a honorarium ding in Kerala leh Tamil Nadu mun’a dangka 5000 in akikhan sah tan ahi. Ahin Manipur mun’a vang honorarium cook hon amu uhi dangka 1000 bou ahi in hiche naban in jong regular tah in anape jou kit ji pouvin ahi ati. 2016 kum sung’a ding in cook ho honorarium lha 3 abou anape un ahin mopoh na neihon epi lha cheh nading’a apeh’u ham asei pouvin ahi ati. Hiche chung chon na chung school mun tamtah’a kitchen set, toilet leh bu neh nading mun jong anei pouvin ahi chutoh kilhon chun neh ding achang leh me hojong tuchan in ning lhing set in amopo ho in ape ji pouvin ahi tinjong aseibei.

Chennai based YRG Care in Manipur sung’a mabei ja Hepatitis C virus nat na neiho jen ding’u

Imphal, May 13: Tuni Classic Grande mun’a kingon na chun Manipur sung’a hepatitis C virus nat na neihon manbei ja treatment abol thei tah ding uvin Chennai based NGO, YRG Care in phondoh na ana nei un ahi. Hiche kin na chun AK Krishnan chu main guest in apan in ahi. Health Minister, L Jayenta Kumar, Additional Director of Health, Dr S Manikanta leh YRG care representative hon jong pan anala un ahi. AK Krishnan in aseina’a chun; centre khat July hapta masapen sung’a khu state sung’a free treatment kihong pan ding ahitai.Hiche centre chun spot diagnosis of hepatitis virus kipe ding chuleh NGO hon jong mun chom chom ma um Manipur NGOs tichu SASO, CARE Foundation leh MNP+ hotoh kitho khom ding ahi. L Jayenta Kumar in aseina’a chun; develop state hi nading nga amasapen na health sector lang hi eisuh hoi masat ngai ahi ati. Chennai based YRG Care in hepatitis C treatment manbei ja ahung bol utoh lhon in state government in agaichat dungjui uva ki kithopi ding ahi tin jong asei bei.

Thusoh Lahcom

KWU-M

Muntin gamtin a um nute ho jouse Kuki Women Union (KWU), Manipur in nute nikho kipah le thanoma mang cheh dingn Wish kahin bol uve. President KWU,  Manipur.

BJP

Tunaicha’a BJP bel Autonomous District Council, Chandel member ho tuni chun Hill Tribal Council Hall, Moreh a liemna anei’uvin ahi. Kiguon chu Hill Tribal Council, KSO, Moreh, Kuki Chief Asociation, Moreh, Tengnoupal KWU  le HR Moreh in aguon ahi. Kinguon a chun ADC Chandel Chairman, Lunkhosei Zou le member 15 in pan ala’uve.

Science Exhibition

National Institute of Electronic and Information Techology,NIELIT, Akampat mun’a simlai chapang tamtah in science meet a pan ala un ahi. Hiche science meet hi Manipur Science and Technology Council, MASTEC leh NIELIT kitho khom ma abol lhon ahi. Hiche secience meet hi May 15 leh kichai ding ahi. Government school leh private school simlai chapang tamtah in apang un ahi.

Toumun kiphin

Youth Forum for Protection of Human Rights of Babupar, Jiribam in jaanhi chun rape culture deilou jeh in  toumun kiphin na ana nei un ahi.Jiribam sung’a simlai holeh womens’ organization hon hiche toumun kiphin na’a chun pan anala uvin ahi.

Fancy Bazar

Thulhut kimu dungjui in Saturday ni  sun don chun Kamarpatty mun vel’a um Fancy Bazar building mei in anakah jeh in hiche sung’a thil um jouse ana ka vam gamtan ahi.Hiche thilsoh hi gas cylicder leak akon na mei hung kong doh hinte tin mei phelmit official ho khat chun aginmo nathu asei in ahi.

Assam APSC

Assam Public Service Commission kilhen na’a Assam Civil Service (ACS) leh Assam Police Service (APS) officer phabeb chung’a  case-for-job scam chung chang thu’a kholchil na kinei ding ahi tai. Hiche thu hi candidates ho answer sheets phate cha’a achejom lou jeh’a forensic report masang nga hung  kilang doh khan ahi. Chuleh phat masa Thursday ni injong  thukhol nanei agencies hon Special Court, Guwahati mun’a jong  thil um dan report jong anape sa’u ahitan ahi.  Thukhol nanei official  hon asei na’a chun; APSC examination 2015-2016  candidates batch tu tu’a office’a  na tong ho jong hiche kholchil na kinei na’a amaho jong pang tha ding ahi dan jong asei in ahi. Amahon aseibe na’a chun ; APSC kilah nachung’a  APSC Chairman anahi Rakesh Pal in sum tamtah hiche natoh nading in nga hi anakilah in ahi ati. Hiche toh kilhon chun Court in Dibrugarh police hon hiceh chung chang thu hi akholchil ding’u chuleh July 17 hi final date na ding in hetsah na jong anei tan ahi.

Editorial

No highway blockade But Bandh lives on

                                         When Nagaland Chief Minister (CM) Dr. Shurhozelie Liezietsu came for a courtesy visit to Imphal (Manipur) he had made an encouraging good neighbourly declaration that highway blockades detriment to the interest of Manipur would be a thing of the past.  Implicit in this is that Nagaland government would cooperate with its Manipur counterpart to ensure smooth passage of Manipur bound essential carrying vehicles. The visiting VVIP also assured that a highway diversion in Kohima city would be constructed so that Manipur bound goods laden trucks could cross the city during day time as well (as of now only night time passage is allowed due to traffic congestion). However, one thing Dr. Liezietsu seems to have forgotten is that highway blockades in Manipur is mostly enforced not by the Nagas of Manipur but those within the geographical limits of Manipur state, be it Nagas, Kukis or any other ethnic based pressure groups whose propensity to flex their muscles on the highways is a common thing. But considering the fact that the UNC, which is an unofficial unit of NPF, the party headed by Mr. Liezietsu himself, has so far been the factor behind one of the most sustained highway blockades affecting the normal life of Manipur state in recent days it is hoped that highway blockades and with it the counter blockades would be minimized, if not completely eradicated in days to come. It also suggests that the NPF could pressurize its political affiliates in Manipur to refrain from resorting to acts inimical to the wellbeing of Manipur. Such cordiality and cooperation between the two neighboring states would enhance peace and development pace, a fact pointed out by none other than the neighboring CM. Manipur believes that so long as Nagaland state ensures free flow of Manipur bound vehicles of all sorts particularly essential ferrying trucks within Nagaland state it would not be too difficult a task for Manipur government to escort them even if there is bandh/blockade within Manipur.

                                     Highway blockade in Naga dominated areas may be out from the worry list for Manipur for the time being but nothing can be guaranteed with a tilt in political equation regionally and in the centre. As of now both the ruling parties is Nagaland and Manipur (NPF and BJP respectively) being alliance partners everywhere including in the centre the sail could be smooth. On the other side, despite chief Minister N Biren’s declaration that bandhs would no more be an agitation tool in the state the past few days had witnessed a twin bandh – one by ‘Thoubal District MP Candidature Demand Committee’ and the other one by ‘Manipur Fire Service Recruit Candidates’. This means the bandh thorn is continuing to pinch the state.

ET taona

Van’a um kapau pathen, mijousen chamna kadeijun kasamun hinlah chamna umtah tahna dia ima bolla ka um kit pouvin hijeh chun chamna chamna tia samle jouse hi alungsung tah uva ipi umham ti milim banga mudoh theina khat neihin petaovin tin kahung tao uve, amen.