ET March 26, 2017 News (Local, Editorial, Blankfire)

ET March 26, 2017 News (Local, Editorial, Blankfire)

188
0
SHARE

‘Framework Agreement’ chungchang’a ‘white paper’ kipehna ding’a Muslim kiloikhomna MMWA in nidan 24 bandh  kou

Imphal March 25: Simlai kiloikhomna DESAM in Saturday jan-kim’a kon nidan 17 strike abolna chung’a Manipur Muslim Welfare Association kiti Muslim kiloikhomna khat in Saturday nilhah nidan 6 ‘a kon nidan 24 lhing bandh abol uvin ahi.

Ahin, kiphinna hi achom chom ahi’in, DESAM in Jiribam Assembly constituency MLA Ashab Uddin Parliamentary Secretary panmun atuh sah jeh uva kiphinna aneiyu ahi’in, MMP in nidan 24 bandh akou hi India sorkar leh NSCN-IM in ‘framework agreement’ soi akai thu white paper’a apeh diu chule Inner Line Permit System chepi ahina ding’a kiphinna aneiyu ahi.

Manipur Press Club’a Abdulah Pathan-President, Manipur Muslim Welfare Organisation in thuso miho akimupi na’a chun NSCN-IM leh India sorkar in ‘Framework Agreement’ soi kaina anei hi BJP sorkar in nidan 24 sung’a ‘white paper’ apeh ding’a thumna kaneiyu ahi”, ati. Chule Manipur sorkar in phat sottah seilhah louva um ILPS Bill phatsahna apeh ding’a jong thumna kinei ahi, ati.

Alangkhat’a, Muslim kiloikhom hon NPF sorkar demna aneiyun, Manipuri ahinao apom pouve, tin aseiyin ahi. BJP lamkaina state sorkar in NPF MLA ho state sorkar’a Minister’a akilahlut hi ipi thu jeh ham, tin jong thudohna aneibe uvin ahi.

Anti-Corruption Cell Officer ding’a P Gojendra Singh MCS leh Hemanta Singh MPS kilhengdoh

Imphal, March 25 (DIPR): Manipur Cabinet meeting March nisim 24, 2017 nia kiphatsah dungjuiyin tunin Chief Minister Office a Manipur Anti-Corruption cell officer dingin P. Gojendra Singh MCS leh Hemanta Singh MPS lhendoh ahi lhon tai.

Officer teni hin public akon complaint kibol ho angailhah lhon ding chule complaint hinbol holeh complaint kibolkhumho phatecha a amin,contact no ho lhingsetna record abol lhonding hiche record kibol chu Anti-Corruption cell in Chief Minister Secretary khutna apehlut ding ahi.

Complaint kibol ho hina chu phatecha koitup hiding chule Cell a complaint kimu jouse Chief Secretary,  Additional Chief Secretaries le Administrative Secretary (DP) ho Chairman le Member hina Screening Committee in athu kholna aneiding ahi.

Screening Committee meeting hi Date 1st le 16th seh a umding ahi. Ijemtia hiche meeting nikho chu suty nikho to ahung kito khah a ahile suty jou nimasa pen nikho hiding ahi. Anti-Corruption cell thu a manchah dinga Phone no kipe chu 9402150000 ahi.

Ni 9 lhing ‘Film Making Workshop’ Imphal khopi’a kipan ta

Imphal, March 25: Films Division, Ministry of Information and Broadcasting, India sorkar leh Directorate of Information and Public relations (MSFDS), Manipur sorkar in ni-9 lhing Flm Making Workshop abol uvin, March nisim 27 nikho’a kon April nisim 4 chan Manipur State Film Development Society (MSFDC) Complex, Palace Compound mun’a kin-gon umding ahi.

MFDC auditorium’a livei National Award sang’a, Film Maker Joshy Joseph in thuso miho akimupi na’a chun, workshop hi non-feature fims dopsang nading, adeh’a documentary ho aminthang thei nading’a kibol ahi, ati. Fresher (athah) hohi tukum workshop’a akigel khoh pen ahi, tin aseibe’e. Workshop’a pan la hon film semna’a phatchomna lentah aneidiu ahi’in, nithum hi ‘ideation’ hiding, nithum shooting umding chule nithum hi editing kibol ding ahi, ati.

Ni-koh sung’a workshop sung’a kisem film ho screening kibol ding, 15th MIFF, 2018, Mumbai khopi’a screen kibol ding ahi. 14 MIFF award winning film hohi March nisim 30’a kon April nisim 4 sung’a screen kibol ding ahi’in, workshop ‘a pan laho kitilkhou theina ding ahi, tin Joseph in aseibe in ahi. Imphal film festival cum workshop hi North East’a akibol nag up vei channa ahitai, tu masang’a Aizawl, Silchar, Dimapur, Agartala leh Lunglei mun’a ana kibol ahi.

Agom’a, film maker 26 (fresher) in pan ala uvin, numei ni apang’in, chule hill district’a kon mi 5 pang ahi. Conference’a film maker minthang tah tah injong pan alah ahi.

Kangpokpi district sunga Tehse sumsan kihom tading

Kaybie Chongloi,

Kanggui, Mar.25: Tehse sumsan tia ihet’u Old Age Pension hi Lhakao nisim 28 apat Kangpokpi district sunga Social Welfare Officer, Saitu-Gamphazol in ahopding ahitai.

Indira Gandhi National Old Age Pension Scheme (IGNOAPS) hi Red le Blue (Asan le Adup) Card neihon bou akisan theipao khu ahin, card Black le White (Avom le Akang) neihon panglou ding ahi.

50-Kangpokpi AC sunga hiche Card Asan le Adup nei hohi Lhakao nisim 28 le 29 teng DC Complex, Kangpokpi District HQs mun’a kihoppeh ding chule nisim 30 le 31 tengle Keithelmanbi Community Hall mun’a kihom kitding ahi.

50-Saitu AC sunga ho Lhatun nisim 3 le 4 teng Gamnom Sapormeina Police Station kihom ding Lhatun nisim 5 le 6 teng Bal Bhavan Complex, Khuman Lampak, Imphal a kihom kitding ahi.

46-Saikul AC sunga ho Lhatun nisim 10 apat 13 sunga Bal Bhavan Complex, Khuman Lampak, Imphal mun mama a kihoppeh ding ahi.

Tehse ho sum kihop peh phatsung hi jingkah lam nidan 10 apat nilhah lam nidan 3 chan hiding ahi.

Sum sang dihon akichai hailou diu ho chu- Aadhaar Card (original le Xerox), Bank Passbook (Original le Xerox), Colour Passport size photograph 2 (ni) chule asum san nukhahpen uva receipt chu Xerox copy khat akichai teidiu ahi tin N. Usharanni Devi, Social Welfare Officer, Saitu-Gamphazol in hetsahna aneije.

PREPAK in 37th Red Army Uprising Day nit ding

Imphal, March 25: People’s Revolutionary Party of Kangleipak in 37th Uprising Day nitna ding’a kigotna lhingset aneitan ahi.

Chairman, Military Affairs’ Committee (Reed Army) Kh Sethy in kin-gon masang’a thuthot aneina’a chun thal-choi kiloikhomna in lungtup amolso kah’a mipi in atosot diuvin temna aneiyin ahi. Army Wing, PREPAK 37th Uprising Day hi General Headquarter, Technical Headquarter, Unit Headquarter, Base area leh training centre mun’a kimang ding ahi, ati.

March nisim 26 seh leh Red Army upriising day kiman dan thusim Chairman in aseiyin, hiche nikho jingkah nidan 10.15 don’a thingnoimi hon CRPF commandant anahi Misra lamkaina security team ho old district hospital kom, Khwairamband Keithel’a ana bulu uva, Havildar khat thi’a chule thingnoi hon 303 rifles 3 alahpeh-u ahi, ati. Thingnoi hon Moirang leh Lamlai mun’a jong lolhing tah’a sepai ho abulu ahi, ati. Thil umchan ho kivekhom soh’a PREPAK in March nisim 26 nikho hi Red Army Uprising Day’a anit ahi, ati.

Kum 68 sung’a India sorkar vaihomna noiya Manipur gamsung hi midang’a kingaiya/kingapna neiya gam asodoh ahi, ati. Nam chom chom ho kiloikhomna kibungkhen’a chule ni 139 lhing gamsung miho kihen na (ransom)’a economic blockade kibol ahi, tinjong aseibe in ahi. North Korea gamsung USA in sanction abolkhum’a chun North Korea culture amachal in, nuclear power country ahi tauve, tin Sethy in aseiyin chule hitobang thilsoh hi lenggam anahi igam uva jong lhungthei ahi, tin India vaihom ho gihna aneibe in ahi.

‘Sensitization Programme on Forest (Conservation) Act 1980’ kingon kibol

Ccpur. Mar. 25 (DIPR): Tuni (Mar. 25) chun EBC Mini-Auditorium, New Lamka, Churachandpur ah ‘One Day Sensitization Programme on Foresh (Conservation) Act, 1980’ kingon anakibol in ahi. Hiche kin ah chun Deputy Commissioner R. Sudhan, IAS, District Level Officers, State Police, Assam Rifles personnel holeh kho haosa tampi jong apang uvin ahi.

Kham Suanmung Tawmbing, IFS, Divisional Forest Officer, Southern Forest Division, Churachandpur in ahoulimna ah thinglhang (forest), diel (lakes), vadung leh gamsa (wildlife) ho venbit ding hi India sung citizen jouse kin ahi ati. Hinna nei thil jouse hi ngailut ding chule hoitah a limbol ding ahi ati.

  1. Bonbirdhwaja Singh, IFS (Retd) resource person a apantoh kilhon in Forest (Conservation) Act, 1980 khohsahna neichieh ding’in aseiyin chule hitiho hi mihem damtheina hotoh kijopmat ahi ati.
  2. Thanchinlian, MFS, Assistant Conservator of Forest/South in ahung kikhom mipite hengah kipathu aseiyin ahi.

DESAM bandh bol UMO in demna nei; organisation phabep in tosot

Imphal March 25: United Muslim Organisation in DESAM simlai hon MLA Ashab Uddin (Jiribam AC) Parliamentary secretary’a N Biren lamkaina coalition sorkar in lahlutna anei doudalna’a bandh abol demna thuso anei uvin ahi.

General Secretary Mohd Matalip in soi akaina thuso’a chun Jiribam Assembly constituency MLA Ashab Uddin hi 1906 kum’a kon gamsung’a cheng ahitan, DESAM in Muslim MLA khat Ministry’a kilahlut demna aneihi imadang ahipon, kipunkhomna leh gamsung suhkeh nading tohgon ahi, ati. DESAM in akou bandh mipin atosot lou ding’in kiloikhomna in ngehna aneiyin chule DESAM in themjilna bou agelkhoh ding’in Muslim kiloikhom hon temna aneibe uvin ahi.

Alangkhat’a, Joint Non Government Voluntary Organisation in DESAM in akou bandh tosotna anei uvin ahi. Joint Non Government Voluntary Organisation Kakching leh Ima Keithel Lup, Kakching in thuso aneina’a chun, DESAM in abol nidan 17 bandh hi bulhingset’a kitosot ding ahi, tin aseiyui.

HSLC leh COHSEM 2017 exam chelha jing

Lien S. Gangte

Ccpur, Mar. 25: High School Leaving Certificate (HSLC) (Class X) Examination leh Council of higher Secondary Education Manipur (COHSEM) Exam 2017 ache lha jing in, HSLC exam 17 March, 2017 nikho chun ana kipan in, candidate ho’n exam jinglam nidan 9:00 a pat sun nidan 12:00 sung ape uvin ahi. Exam Centre mun 2, Main Exam Centre Ebenezer Academy, New Lamka ah, Regular Candidate 1,175 a um in, Sub-Centre Don Bosco Higher Secondary School, Salem Veng ah Regular Candidate 1,650 leh External Candidate 28 aum in agom in Candidate 1,678 ahi. 25th March, 2017 in Social Science Subject ah exam a bawl uvin, 28 March, 2017 nikho leh Science Subject hiding, 30th March, 2017 leh MIL/Additional English Subject chuleh, HSLC Exam 2017 kichai nikho 4th April, 2017 leh Optional Subject a exam candidate ho’n anei diu ahi.

Alangkhat ah, Council of higher Secondary Education Manipur (COHSEM) noi a Class XII student ho’n 20th March, 2017 chun exam ana pan uvin ahi. Ccpur District sung a Candidate/Student exam centre Rengkai Government Higher Secondary School mun’ah Rayburn College student ho’n exam ape uvin, VK Tawna College mun’ah Don Bosco Higher Secondary School student hon exam ape uvin, Don Bosco Higher Secondary School mun’ah VK Tawna College leh Sielmat Christian Higher Secondary School ho’n exam ape uvin ahi. Rayburn College mun’ah Vungzagen Higher Secondary School, Ebenezer Academy, Vision Academy, Rengkai Government Higher Secondary  School,  Bethany Christian Higher Secondary School leh Young Pillar School ho’n exam ape uvin ahi. Tuni 25th March, 2017 ni chun Candidate/Students ho’n Geology leh Geography subject ah exam ape uvin, 27th March, 2017 nikho leh Biology leh History a exam apeh diu, 31st March, 2017 nikho leh Chemistry, Education leh Businness Study subject a exam apeh diu, 3rd April, 2017 nikho leh Computer Science leh Philosophy a exam apeh diu, 5th April, 2017 nikho lehi Physics, Political Science leh Accountant subject a exam apeh diu, 7th April, 2017 nikho leh Physical, Health Education, Sports, Psychology leh Boitect subject ho’a exam apeh diu, 10th April, 2017 nikho leh Mathematics a exam apeh diu, 12th April nikho leh Home Science a exam apeh diu, 15th April nikho leh Anthrology leh Economics a exam apeh diu, 17th April nikho leh External Language a exam apeh diu, 19th April nikho leh Statistics  leh music a exam apeh diu chuleh, Council of higher Secondary Education Manipur (COHSEM) exam kichai nikho 21st April nikho leh English Drawing leh Sociology subject a Candidate/Students ho’n exam apeh diu ahi.

NSCN(IM) luboh Muivah in  ‘greater Nagalim’ pilhing ding ahitai tia aseijeh’a  Assam a boina soh

Kohima, Mar. 25: NSCN (IM) hon ana thum ‘greater Nagalim’ hi Central government in asanpeh’e tia local thusoh khat in ahin so jou chun Assam sung a Government of India le NSCN kinopto nadou dal vetsah nan mipi kiphinna anaum in ahi tin thulhut khat in aseiye. NSCN (IM) in demand abol ‘greater Nagalim’ hin Assam, Arunachal Pradesh chule Manipur gam atongkha’n ahi. Legislative a Opposition Congress hin thusoh chun a hin Assam gam kenading thil kibol jouse hi doudal a kiphat sahlou hel ding ahi anati. Centre in Nagalim chung a hin mipi hetlou a tohgon ahin nei le kidoudal vetsah na a  kiphinna kibol ding ahi tin jong gamsung government gihna ananei’e.  Hiche thu toh kisai a thusoh achung a Chief Minister Sarbananda Sonowal hin thipbeh ana um hi Congress jong demna ananei’e. Local thusoh chung a doudal na’n mipi Golaghat district chule mundang dang a kiphinna jong anakiphin uve tin thulhut chun aseiye. Prime Minister le Chief Minister lim jong kiphin sung a chun ana hal uvin ahi.    Local thusoh hin Hebron camp Dimapur khopi a NSCM (IM) hon 38th republic day anaman sung uva India government in NSCN(IM) toh akinup tona suhbulhit piding Assam, Arunachal Pradesh chule Manipur sung a Naga jouse hin pui khom’in greater Nagalim apeh ding ahi tin asei’e. Hiche kinupto na hi Centre toh August 2015 a ana lhon ahi tan chule hiche framework hi mipi hetding a tahlang ding  boi vat ahi tai tin Muivah in anaseiye tin thulhut chun aseiye.

Editorial

First Bandh call under New BJP government

                      Not even a week have passed since the assumption of power by the BJP led coalition government in the state but a student pressure group DESAM has called a bandh on 26th March 2017, that too against the new government’s allotment of a Parliamentary Secretary, an equivalent of Minister of State (MoS) to “a non-indigenous MLA from Jiribam. N Biren government have announced from the very start that there will no more be bandhs and blockades in the state and for which the door of the government would be open 24X7 to enable the aggrieved citizens to put their grievances for discussion and redresssal. It is not known if DESAM had even knocked the government’s door to ask the newly formed government not to give minister-ship or Parliamentary Secretary post to Ashab Uddin but they (DESAM) have on more than one occasion announced in the media that they are against the coalition’s move in this regard. It would also be difficult for the state BJP leadership to sideline the Independent legislator from Jiribam in this still crucial stage of government formation and consolidation where a single MLA can still turn the table if it chose to switch allegiance to the other political camp. To make things easier for Ashaf Uddin he can jump from one camp to the other without fearing disqualification since he was elected on an Independent ticket. The BJP coalition has now gripped Ashab Uddin by allotting him a Parliamentary Secretary slot and it would be difficult for any pressure group to make the government drop him from the list of appointed Parliamentary Secretary. The timing is wrong now for DESAM or any body or group to raise the issue of one’s ethnicity after one has been elected to the legislature. If this issue was to be raised, it should have been done during nomination filing or scrutiny. It is only those found eligible after passing the scrutiny clearance that they fight the elections and either gets elected or defeated. Had Ashaf Uddin lose the elections the issue of his ethnic origin would not have come up. There was also objection to the allotment of Congress ticket to one Kharga Bhadur Tamang from Kangpokpi constituency on the ground that he is a non-Manipur origin but nothing was said when he contested the elections as Independent. This simply defies logic.

                      Whether Ashab Uddin is dropped from the Parliamentary Secretary post as a consequence of DESAM’s agitation and bandh call or allowed to continue with the post his ethnic status as a local or non-local would remain the same. It can also be said with a great level of confidence that DESAM’s pressure in this regard would not make N Biren government rethink its induction of Ashab Uddin in the government. The 17 hours general strike called in protest against allotment of Parliamentary Secretary to an alleged non-local man could ever remain symbolic protest and to alert the people that non-indigenous people have started to get elected to the state legislature. In doing so DESAM has also earned the distinction of being the first to call a general strike post N Biren led coalition government installation.

 

Et taona

Van’a um kapau pathen, kalah uvah kiloikhomna jatjat atam behsehtan kiloikhomna ho hila van’a kon hung khelha jong hiponte. Kiloikhomna khatna lamkai hidi thanom katam jeh u ahijeh in lamkai khat hidi thanom hin lhomsah jep min tin nakom ah kahung tao uve, amen.