ET April 16, 2017 (Local News, Thusoh Lahchom, Editorial & ET Taona)

ET April 16, 2017 (Local News, Thusoh Lahchom, Editorial & ET Taona)

1173
0
SHARE

JAC-AATB in government heng’a apehlut ‘Charter of Demand’ ho phongdoh, Tribal Unity Day toh kisaiya August 31 ni State Govt. in State Holiday a aphondia ngehna nei

Ccpur, Apr. 15: Churachandpur pansa Joint Action Committee Against Anti-Tribal Bills (JAC-AATB) in tulah Imphal pansa nitin thuso phabep’a hung kisodoh JAC Charter of Demand toh kisaiyin suhthengna le hilchetna ahin nei uvin ahi.
JAC-AATB Information and Publicity department a kon thuso kimu dungjuiyin; Manipur government in tepna ahin nei dungjuiya achesa March nisim 28 ni’a chu mipi toh public consultation anakibol’a, hiche a public toh kihoukhomna dungjuiya State government heng’a Charter of Demand hi anakipelut ahi. Hiche a kipelut Charter of Demand hi JAC lamkai hole JAC tosot jing nalai Tribe based organistaion- Mizo People Convention, United Zou Organisation, Simte Tribe Council, Teddim Chin Union le Young Paite Association thalheng hon jong phatsahna apeh’u ahi. Hiche kiphatsahna chu Charter of Demand tia April nisim 2 ni’a chu Chief Minister N. Biren Singh heng’a kipelut ahi.
Chief Minister in tepna ahin nei dungjuiya achesa april nisim 7 ni’a chu achung’a kiminphah Tribe based organization thalheng ho le JAC member hon Chief Minister N. Biren Singh ana ki kimupi ahin, hiche a chu peh 3 jen lhing Charter of Demand ana kipelut ahi.
Chief Minister heng’a anakipelut Charter of Demand lah’a chun; thinglhangmi ho gam-le-guo huhbit ding le thinglhang mi ho khantousah ding, Sixth Schedule toh kisaiya Ministry of Home Affairs dohna state government in akinetheipen’a donbutna apeh ding, Bill ki pass hon thinglhang mi ho le agam’u atongkhapoi tia state government in assurance apeh ding, kivaihop nopna ding’a Lamka district semdoh ding, MLR&LR Act, 1960 hi ahiding bangtah’a chelhahsah ding, august 31, 2016 thilsoh’a ana kisukha ho le athi ho dia “justice” bolpeh ding chule august 31 hi Tribal Unity Day toh kisaiya State government in State Holiday a aphondoh ding tiho ajaovin ahi.
JAC le State government in kihouna akinei masatna chu Chief Minister N. Biren Singh in SoO noiya um thingnoi group chuom chuom hotoh Tripartite talks chelhah jinglaitah ahijeh in, state government in Sixth Schedule le MLR&LR Act, 1960 chung chang’a hin thulhuhna akimoh semthei naipoi atin, hinlah Charter of demand dang ho vang hithei ding in assurance eipeuvin, hitoh kilhon’a April nisim 10 le khatvei toukhomna neikit ding anopdan thu jong CM in aseiyin chule april nisim 12 le Ministry Of Home Affairs a kon palai jaona a Churachandpur munna Memorandum of Understanding kaiding in jong aseiyin ahi.
Hinlah april nisim 10 ni’a toukhomna akineina a chun; JAC-AATB delegation team gel lou lamtah in state government in ground rules phabep ahin luilhauvin, JAC charter of demand lah’a hi compensation le ex-gratia bou hithei ding in state government in ahin seitauvin ahi. Chule august 31 (Tribal unity Day) jong State Holiday a aphondoh theilou diu ahidan aseiyuvin ahi.
Imphal-based media hon JAC in district thah semding in ngehna anei uve atiu chu jou thu ahin, JAC in a itih’a kipat in district thah semding hi agel thupipen anahipon hinlah State government in ningkum’a Congress government in phutlot louva district thah 7 ahinsemdoh ho’u rollback abol loudiu ahidan akicheh toh killhon’a district boundary ho thahvet dingle kivaihop nopna ding’a Lamka district hi kisemdoh hen tia JAC in khonunglang’a hung kigel bep ahin, hitoh kilhon’a Lamka district semdoh ding hi JAC Charter of Demand lah’a hung kijaosah bep ahidan JAC-AATB information and publicity department thuso chun atahlang in ahi.

Sorkar in thingnoimi ama-leh-ama kipelut ho heng’a kitepna anei kum 5 jouva jong bulhit loulai

Imphal, Apr. 15: “Lha seh leh honorarium dangka 7,500 peh ding chule kum thum sung’a allowance dangka lakh 3 leh sorkar natoh mun peh ding’a kitepna anaum jeh’a kahinkho-u seithei lou dinmun’a kakoi uva chief minister anahi Okram Ibobi Singh leh home minister anahi Gaikhangam umna’a gal-manchah kadalhah uva sorkar khut’a kakipehlut-u ahi’in, ahin, kum 5 ache tan, tuchan’a keihon kahinna ding kakihol uva chule kitepna sum khatcha kamu louvu ahi”, tin Yairipok Changamdabi Makha’a cheng thingnoimi sorkar khut’a ama-leh-ama kipelut Md Abdul Barrik @ Ibomcha in aseiyin, Ibomcha hi achesa July nisim 21, 2012 kum’a thingnoimi midang 71 toh sorkar khut’a kipelut-u ahi.
Thuso mihon MD Abdul Barrik akimupi’a athusim ajah jouva thingnoimi akipelut adang dang hojong akimupi uvin, mi 15 vel toh kihouna anei uvin, dinmun ato-u akibang soh in, allowance ahilouleh monthly stipend mu’a umlou ahi. AR camp commander in lhakhat/lhani tobang jouva inn’a eilesol-u ahitai, atiuve. Sarangthem Abungo Singh (36), Heirong Moirangthem Leikai’a cheng in aseina’a chun, milham bang’a hin ding kanop jeh uvin ehbuh chan in kasutheng uvin, sum holna in nel kaloh uve, ati.
Atamjo hi cha nei kahiuvin, sorkar in eijoulhep diu katahsan louvu ahi’in, ahin, kitepna hi alhem ahi’in, bureaucrats phabep sum muna ahi. “Kagenthei uvin, nehding jong alhing in kamu jou pouvin, ahin, file achelhah theina ding’a sum athum uve”, tin Yairipok’a cheng thingnoimi anahi MD Jelaruddin in aseibe in ahi. Rehabilitation scheme dungjuiya thingnoimi ama-leh-ama kipedoh hohi vocational training kipe ding ahi’in, ahin, amaho hi kichuhna ima kipelou ahi. Achesa April nisim 12 nikho’a PREPAK thingnoimi 2 Chief Minister khut’a kipelut ahi’in, CM in surrenderee policy velvet ding’a asei ahi. Demna sangtah aum vang’a ‘surrenderee rehabilitation scheme’ jeh’a thingnoimi tamtah kipedoh ahi’in, ahin, sorkar in akipelut thingnoimi ho agimbol dan hi scheme lolhin lelna ding ahi. Akipelut thingnoimi ho file hi tu’a Principal Secy (Home) kom’a aumin, kum 5 vel hiche mun’a um ahitan, Chief Minister in office’a file nikhat kalval pending’a koilou ding’a thuso anei nung’a jong aban chal loulai ahi.

Ccpur District A/C 6 a MLA ho kipahpihna kingon um
Lien S. Gangte

Ccpur. Apr. 15 (ET):11th Manipur State MLA Election 2017 a Ccpur District Assembly Constituency 6 umna’a MLA lhing thah mi 6 ho kipapi na kingon ADCC Office, Tuibong, Council Hall ah 15th April, 2017 nilhah nidan 1:00 apat chun aum in ahi. Hiche kingon ahin Lal Hossan, Vice Chairman, ADC, CCpur welcome address seina aneiyin; Soiminlian Lengen, CEO/ADC lamkai na in MLA thah mi 6-ho kipa thilpeh na aum in ahi. Langkhanpau Guite, Chairman, ADC, CCpur in holim na anei jouvin MLA thah ho Pathien heng’a lhandoh naleh kipa thuseina aneiyin ahi.
Chuleh, Langkhanpau Guite, Chairman, ADCC in asei na’ah, igam sung leh inam sung’a grass root development aum thei na ding’a MLA ho panmun poimo pen ahi ati. Chuleh, I district sung khantou na ding a ADCC leh MLA ho lungkhat leh thakhat a mipi na itoh khom’u angaiyin, District sung a Law & Order hoijo leh kitup jo aum thei na ding leh Administration tichu kivaipoh na phajo aum thei na ding’a ADCC hi SP, Ccpur leh DC, Ccpur kithopi dinga mansa ahi ati. MLA thah ho Ccpur district mipi a ding’a Manipur Govt. palai nahiuvin, mipi ho hahsat naleh ngaichat ho hejing pum’a na nahintoh jing diu ahi ati. Parliamentary Act 1971 Rules 1972 noiyah District Council Act a hung peng in, District Council 1973 kum apat in ahung um in, Ccpur District a 6th Schedule Provision um ding deina in kiphinna ana um jeh in Term 3 aum jou nung in MDC Election boycott in ana um in ahi. Kum 20/25 jou nung leh 3rd Amendment dungjui in 2010 kum chun Election akineiyin ahi. ADCC thanei na hi 26 subjects peh ding ti’n Govt. of Manipur in ahin gong in, hijong leh tuni chan in ADCC in deibang in thanei na akineipoi ati. MLA ho kithopi na’a ADCC thanei ahi ding bang tah’a ahung um ding atahsan thu jong aseiyin ahi. ADCC hi BJP, Congress leh Party chom chom jaona’a Hills Peoples Alliance (HPA) a ki form ahi tin jong aseiyin ahi. District siemhoi na ding’a pankila khom jing ahi ati. Manipur Govt in thinglhang gam lahmang na ding leh thinglhang mi ho thanei na lahmang na ding in Policy/Plan bol in pan ala jing in, hiche hi Mipi, MDC ho chuleh Elected MLA ho’n jong ihai pouvin ahi ati. Forest Act toh kisai ah, ADCC ho’n jong hatah in ana kinang in, Jubilan Company ho Oil Exploration/Extraction toh kisai ah jong hale-tin tho in ana kinang in, Objection lekha jong Manipur Govornor leh Chief Minister heng ah akipe lut in ahi ati. Public Distribution System (PDS)/Food Security Act toh kisai a ADC thanei ahi na bang tah a ache lhah thei na ding a DC, Ccpur leh MLA ho iki houtoh’u angaiyin ahi ati. Anti Tribal Bill doudal na toh kisai a JAC panlahna aki tosot in, Ccpur District a Pherzawl District akisem na chung ah ADCC in akipapi in, alangkhat ah Ccpur District MLA 6 umna Thanlon leh Tipaimukh hi Pherzawl District noiyah um henlang, Singngat leh Ccpur district hi Lamka District chuleh Saikot leh Henglep hi Tuibong District noiyah um hen tin ADCC member hon resolution pass kana bol uvin ahi ati.
Chuleh, V. Hangkhanlian MLA, Ccpur, Minister Agriculture, Vetenary & Animal Husbandary in aseina’ah, 3 Bills jeh’a thina toh mi 8 vuilou a um nalai akinlam a vui a, Martyrs ho chungthu seilhah ding hi Central Govt. leh Manipur Govt. thiltup khat ahi ati. Bill 3 jeh’a mipi kiphin na hin mapui jing, JACAATB in Manipur Govt. heng’a a thilthum (Charter of Demmand) ho Issue chom chom toh kaimat (Mixed up) lou ding ahi ati. Amasa pen’a Bill 3 jeh’a thina toh ho chung thu seitoh masat pen ding ahi. Eithinglhang mi ho Political Aspiration dang dang ho maban’a thumkit thei ahi ati. KNO/UPF toh Central Govt. kihou na alolhing thei na ding’a Manipur Govt. panla ding’a kimansa ahi ati. T.T. Haokip, MLA, Henglep, Chairman Hill Area Committee (HAC) in asei na’ah, Igam sung’ah bol ding tamtah aum in, tuineh kininglhing aum po’in, MLA masa ho’n kum 15 sung ipi na ana toh uham tin aseiyin ahi. Idistrict sung’a adeh a towm area hi semphat angaiyin chuleh Ccpur District apat Henglep chan lamlien kitup tah sem ding, Govt. School leh Health Facility um ho ka bielsung’a semtup ding in katuppi pen ahi ati. Vungzagin Valte, MLA, Thanlon, Chairman, MTDC; TN. Haokip, MLA Saikot; Ginsuanhau MLA, Singngat ho’a kon holim na jong aum in ahi. Kingon kichai in Langkhanpau Guite, Chairman ADC, Ccpur inn mun Dorcas Veng, New Lamka mun’ah nilhah ankong suokhom na anei uvin ahi.

Imphal-Kangchup-Tamenglong lamlen kisam thu’a ‘Public hearing’ khumkha hita

Imphal, Apr. 15: Samusang Community Hall, Imphal khopi’a Social Impact Assessment Unit, Directorate of Environment, Manipur government in Imphal-Kangchup-Tamenglong lamlen kisemna ding’a gam alah thu’a Public Hearing abol-u Saturday nikhon khumkha ahitai.
Kin-gon’a Herojit Ngangomba, Corporator IMC Ward no. 27, B.B. Sharma Member SIA Unit, Md. Abdul Salam Retd Deputy Settlement Officer Revenue Dept., Prof Y. Mohendro Renown Economist, Dr T. Brajakumar Incharge SIA Unit, N. Khaba President Laksh Pioneer Committee, A Ibotombi singh President The Briliance Club chule Th. Alexander Singh Executive Member Laksh Pioneer Committee presidium member’ apang uvin, Dr T Brajakumar Singh in ‘Social Impact Assessment on Acquisition of Land- Imphal-Kangchup-Tamenglong Road Contruction’ thu in houlimna aneiyin ahi.
Lamlen sem nading gam leiset kilahna’a atohkhah Lalambung leh Iroisemba’a cheng gam nei hon aboipi ho thu aseiyun, chule aphat cha compensation apeh diuvin temna aneiyin ahi. Hetthei khat chu State Social Impact Assessment Unit, Directorate of Environment in achesa April nisim 10 nikho’a kon Public Hearing apan ahitan, gam leiset kilahna’a atohkhah ho ngaidan lahkhom nading ahi. Lamdeng Khunou Community Hall, Cultural Hall, Phayeng, Lairenkabi Dramatic Hall chule Samushang Community Hall mun’a Public hearing abo-u ahi.

Director anahi Ibomcha in abat asah ding’a HC in thupeh nei

Imphal, Apr. 15: Health Services Director anahi O Ibomcha in January 2015 kum’a kon lha thum sung’a kum seh’a interest 8 percent (dangka 33,725) hi Dr Th Suresh Singh earned leave kipeh lou thu’a apeh ding’in High Court in thupeh aneiyin ahi.
Justice Kh Nobin Singh panna High Court bench in April nisim 10 nikho’a Health Services director in dangka 33,725 (Janu 2015’a kon kum sim interest 8 percent) hi lhathum sung’a apeh ding’a thutanna anei ahi. Writ petition hi Dr Th Suresh in apeh ahi’in, Health Director anahi chule tu’a suspend hita Dr O Ibomcha heng’a ngehna avel vel’a akipeh nung’a akisan peh loujeh’a Court’a athu apohdoh ahi.

Kaani lei bolho kivahna ding lampi dangkhat kisempeh ding ahi: Letpao Haokip
Imphal, Apr. 15 (DIPR): Kaani lei bolho’n kaani lei bol ahindalhah’uva thildang’a kivahna akihol theina ding’uva lampi thah kisempeh ding ahi tin IFCD & YAS Minister Letpao Haokip in aseiye.
Aman aseidan in State Government hin kaani lei bolho jouse lemongrass leijoh bolsah ding tohguon akineiye ati. Kaani lei kibol hin mihem tahsa keu hilouva environment jong hatah’a atohkhah ahi. Ajeh chu Kaani lei bolna ding’a hi gam lentah kivahchaiji ahi’n, gam akiha vatchai teng le mun-chim le thilsoh dang dang bailamtah’a sohthei ji ahi. Kho Haosa ho’n jong akhosung’uva chengho kaani lei bol’a kon aki kangse theina ding’uva pan alah diuvin Letpao Haokip in temna aneiyin ahi. Chuleh haosa hon khosung miho kaani leiya kon apuidoh theina ding’uva ahunglhung ding nikho ho’a Imphal sung a awareness le sensitization programme hung kibol jing ding ahi tin Letpao in aseiye.
Letpao Haokip was addressing a gathering of villagers, Church and village leaders and chiefs at Aihang village, Chandel district today during a felicitation programme held in his honour. Hiche thu hi tuni Chandel district sung’a um Aihang vangkho’a khomite, hou-lamkai ho le kho Haosa hon tuchung election a alolhin na alop pehna’u kinguon a ahoulimna’a Letpao in asei ahi. Aman ahoulimna’a chun Aihang vangkho a hi NLCPR noiya Dk.560 crore lut’a mini-stadium khat kisemdoh ding ahi ati. Kinguon kipat masang chun mini-stadium sahna ding mun jong aga velha in ahi. Lhang sung’a um meithai ho le numeiho ding’a jong development scheme phabep kisemdoh ding ahi tin aseiyin ahi.

2013 batch Manipur Police Constable hon toumun kiphinna neidiu

Imphal, Apr. 15: All Manipur DPC Completed Candidates of Police Constable Male, 2013 batch holeh a-insungmi teuvin achesa April nisim 9, 2017 nikho chun meeting khat anabol uvin ahi. Hiche meeting ah chun thulhuhna kha anasem uvin hichu jing nikho (Apr. 16) sung’a government lang’a kon’a ‘positive response’ ahinpeh diuva anakisei chu anungthu ima akija pon hijeh chun ahunglhung ding April nisim 17, 2017 nikho leh Keishampat Leimajam Leikai Community Hall a jingkah nidan 9:00 a kipat toumun kiphinna kibol ding ahi tin Leimayum Nandakishore Sharma, President All Manipur DPC Completed Candidate of Police Constable Male, 2013 in hetsahna ahin neiye. Hijeh chun Manipur sung’a um Civil Organisation, Meira Paibi, Candidate holeh a-insung miteu jong thonlouva hungpang chieh ding’in temna jong aneiyin ahi.

HSU General Headquarters in ngehna nei

Imphal, Apr. 15 : Angam Leivon Hangmi kipui mang nathu’a Hangmi Students’ GHQ in humanitarian ground a ahin lhadoh nading uvin ngeh naleh temna anei uvin ahi.
Angam Leivon Hangmi hi Kangpokpi a cheng ahin tu tuhin Deputy Ranger of Forest Department, Govt. of Manipur noija natong mi ahi. Ama hi 13 April 2017 nikho ni’a mel hetlou phabeb in sum deichat najeh’a anapui mang nathu’a alungnop mo nao aphongdoh un ahi.
Angam Leivon Hangmi ajinu nu Veijakim Khongsai in 14 April 2017 ni’a aleiset hinkho adalhah ahin,melhet lou phabeb in akai mang jeh’a hi Veijakim Khongsai longdamsa lhahdoh nakin’a jong pan alah theilou ding din mun’a um ahitai.
Organization/group hon humanitarian ground a ahin lhadoh diuvin HSU GHQ hon temna anei uvin ahi.

Imphal Haokip Veng KBC in Blood Donation anabol

Imphal, Apr. 14 (ET): Achesa April nisim 14, 2017 nikho chun JNIMS ah KBC C/C Haokip-Veng Imphal East Baptist Youth Department lamkaina’n Blood Donation anaum in ahi. Hiche a chun mi 14 lang in thisan apeuve. KBC C/C Haokip-Veng Imphal East Baptist Youth Department Chairman Mangkhanpao in aseina achun Jesu Christan leiset mihem te athisan manlu tah’a eina choh doh u toh kilhon na Jesu Christa nungjui hi seitho mei mei hilouvin ana toh a jong photchet na ding a ” DONATING BLOOD TO FOLLOW JESUS ON GOOD FRIDAY ” ti Banner noiya ngailut na jal’a Jawaharlal Nehru Institute of Medical Sciences (JNIMS), Porompat a khangdong hon athisan u manlutah manbeiya ahin todoh uva hiche thisan hin thina ding dinmun’a um, Accident/damlouva thisan ngaicha a akichoh joulou ho hinkho huhdoh’a aum’a chuleh a-lhagao u mang dingsa jong huhhing a aumna diuva kibol ahi ati. Houbung Secy. Sonkhogin in Holly Week/Good Friday nikho hi ichen nao gamsung vaipo hon Digital week/Day tia man ding ‘a tohgon aneiyu hi thisan phal ngam min noplou na leh doudal na kaneiyuve ti photchenna a jong kibol ahi ati. Hiche kingon chu sunkim nidan 1:00 a kipat in nilhah lang nidan 3:00 langchan anachelha in ahi.

Blood Donation

Life Saver Manipur, JNIMS Blood Bank, Lions Club of Imphal, Young Voluntary Organisation (YVO), NSS Cell, Biramangol College, Manipur College chule Standard College in Saturday nikhon JNIMS, Porompat, Imphal khopi’a 33rd voluntary blood donation camp abol khom uvin ahi.

KCP in 37th Foundation Day

Thingnoi kiloikhom KCP in April nisim 14 nikhon 37th Foundation Day anit uvin ahi.
S Mangal, Member-in-charge, Information & Publicity, Kangleipak Communist Party (KCP) in thuso aneina’a chun Foundation Day hi CHQ, GHQ, UBC, TTC chule mun chom chom’a akimang’e, ati. GHQ’a kin-gon pipen kiman na’a Deputy Finance Secretary, KYKL, Comrade Ingba chief guest in apang in chule Chief of the Army Staff, KCP, Comrade H. Kritty leh Deputy Finance Secy. KCP, Comrade Ng. Khuman guest of honour leh president’a apang in ahi. Ponlap hondohna aneiyun chule athi sepai ho jana jong ape uvin ahi.

Tuitha lui a Chapang kum 13 lhalut a thi

Vangset um tah in 15th April, 2017 jinglam nidan 11:00 don chun Tuitha lui a kisil ding a chena Gindaniel Singson chu vangset na toh a tui ana lhalut in thina ana toh in ahi. Gindaniel Singson 13Yrs S/o Satmang Singson of Chingmei vill Henglep Sub-Div, Ccpur tu tu’a Vajing a hostel a um ahi in, Vajing JB School a Cl-VI simlai ahi. Vangsetna ato na chungah Henglep MLA TT Haokip, Chairman HAC leh a worker hon pon akhu naban uvah inlam che nading gari atoh doh in ahi. Hiche na chung ah, thina toh insung mite le khomiten seijoulou kipathu aphong“uvin chuleh, Gindaniel thina chunga lam chom chom a insung mi kithopi KKL, Monglenphai khomi le mipi ho jouse heng’ah kipa na thu insungmi ho’n aphong uvin ahi.

Editorial

Cry for stakeholder Consultation

The increasing demand for consultation of stakeholder over an issue seems to have gained momentum in recent past. This in a way reflects the increasing awareness of the people in a democratic set up of governance. Governments in authoritarian administrations do things to suit their interests without much care for the people whom they govern. Yet no clear demarcation can be made as to what level a democratic government should consult its citizens or stakeholders over certain issues. In Manipur the word ‘stakeholder’ find more place on matters pertaining to demand for districts, creation of districts and now demand for rollback of newly created districts. It was the demand for creation of Sadar Hills and Jiribam districts that those opposed to it started to lavishly use the ‘stakeholder consultation’ slogan to pre-empt the state government’s move towards fulfilling the long cherished aspiration of non other than another group of stakeholders with the district demand. Interestingly the various valley-based Civil Society Organisations (CSOs) rarely demanded that all the stakeholders be consulted on the issue of Manipur territorial integrity. This could be because the valley CSOs doesn’t even want to be consulted when it comes to issues such as alteration of state boundaries but oppose in its toto. The Nagas (of Manipur) demanded that they be consulted on district creation issue so they can prevent creation of new districts. Some days back the Nagaland Tribes Council (NTC), an emerging power centre of the ‘indigenous Nagas’ of Nagaland came out with a press statement demanding that the stakeholders be consulted with regard to the Naga peace ‘Framework Agreement’ (FA). The NTC claims themselves to be the major stakeholder in this FA and so should be consulted. Needless to say the NTC is set to oppose a part, if not the whole, of the FA.
In an interesting political turns and twists the Manipur Chief Minister has been accorded an unprecedented level of warm welcome in Ukhrul district. The new Chief Minister too in return showered the district with unprecedented developmental projects and financial largess. This has not prevented the district major tribe from asking their VVIP guest to support the Naga integration issue, an issue which does not sound music to the “chief” of Manipur. The hosts also re-iterated their demand to rollback creation of new districts. The Churachanpur JAC-AATB too is not shy of mentioning that the previous government had hastily created new districts without consulting ‘stakeholders’ and demanded a “re-alignment of boundaries”. If ‘stakeholders’ were to be consulted everywhere, then stakeholders whose interests would be adversely affected by such a ‘rollback’ or ‘re-alignment’ exercise should also be consulted. Cry for consultation of stakeholders on every issue could reduce governance to a mockery.

ET Taona

Van’a um kapau pathen, thum thei ahinai tia thil moh thum thum jeng, mimal phatchomna di hihen mi honkhat phatchomna di hileh thum thei ahinai tia mulou di khat moh thum thum loi kaumlou nadiuvin lungthim neihipeuvin tin kahung tao uve, amen.