Election ding thua mun chomchom a boina umjing: Thoubal Kiyam a candidate...

Election ding thua mun chomchom a boina umjing: Thoubal Kiyam a candidate 2 toson ho kinoto; mi 2 kitongkha, gari 4 kisuse

222
0
SHARE

Thoubal, Feb 2: Wangkhem Assembly constituency hopsung Thoubal Kiyam mun’a Thursday jingkah in election’a kitet ding’a kigo’a candidate ni natong numei ho nasatah in akina uvin, thilsoh’a mi 5 akitongkha in chule Bolero khat panna in gari 4 jong ase in ahi.
Police team hon thilso namun adel lut uvin, tear gas phabep akap uvin chule boina suhthip nading’a worker numei ni jong aman uvin ahi. Jingkah nidann 9 don thilsoh ahi’in, thulhut dungjuiya Congress candidate leh Ex-Councilor Yumnam Umakanta, (sitting MLA K Meghachandra worker) in a-inmun Thoubal Kiyam mun’a ‘flag hoisting’ kin-gon aman ahi. Candidate achom khat, Yumnam Nabachandra in kin-gon hi avengsung’a ahijeh’a suhboi ding agot ahi.
Akitongkha holah’a, mi 2 hi Takhellambam Memicha (35), Kiyam Wangmataba’a cheng chule Yumnam Bino (36), Kiyam Awang Leikai’a cheng Y Basanta inneipi ahi. Worker mi 5 hi police action’a kitongkha ahi’in, amaho lah’a Lourakpam Loidangcha hi tear gas in aluchang akhahpeh’a kitongkha ahi. Police team hon Nabachandra worker numei ni- L Thaja leh L Soniya, Thoubal Kiyam Siphai’a cheng aman uvin ahi.
Ex-Councilor Umakanta in thuso miho akimupi na’a chun Wangkhem Block Congress Committee flag hoisting kin-gon hi committee president Mubarak chief guest hina’a inmun’a kimang ahi, ati. Yumnam Nabachandra toh veng khat hiu ahi’in chule kin-gon’a MLA K Meghachandra kouna apeh louvu ahi. K Meghachandra toson ho chung’a Nabachandra worker ho khanse’a ahi, tin ngohna aneibe in ahi.
Ahin, Thoubal Kiyam’a cheng vengsung mikhat in aseina’a chun, vengsung mihon Ex-Councilor pa inmun hi khamnathei nehna’a akiman jeh’a abulu-u ahi, ati. Vengsung mihon gamkaiya adihlou khamnathei kikoiyem, ti kholna anei nauva mi phabep in alamtin uva, kinahna soh ahi, ati. Police team hon Congress natong ho venna ape uvin, vengsung miho bou atup uve, tin mi phabep in ngohna anei uvin ahi.