EIMI TIMES (November 25, 2018)

EIMI TIMES (November 25, 2018)

459
0
SHARE

LOCAL & REGIONAL

12 AR hon TSA lamkai chung’a khut alha dounau in Nov. 27 jan-kim akon National Highway ho a phat teplou Bandh bol ding

Imphal, Nov 24 (ET): Thadou Students’ Association, General Headquarters (TSA-GHQ) in November 27 jan-kim ‘a kon phat teplouva national highway ‘a bandh umding ahi, tin phondohna anei uvin ahi.

Achesa November 12 nikho ‘a  Sita Lamkhai Check post, Tengnoupal ‘a 12 Assam Rifles hon TSA General Secretary Michael Lamjathang Haokip chung’a khut alha thu ‘a authority hon action alah lou jeh’a TSA GHQ leh branch hon kihouna anei uva, bandh bol ding’a kilolna aneiyu ahi.

Mopohna nei authority hon hiche thu suhlhap nading lampi angaito diu ginchatna anaum ahi’in, ahivang’a, PRO, Inspector General, Assam Rifles (South) (IGAR-S) in November nisim 20 ni’a jouthu ‘a thuso aneiya, Michael Lamjathang Haokip douna’a ngohna thu aseiya chule sepai ho amelkhu na thuso anei joh ahi, tin thuso chun aseiyin ahi.

TSA Chandel leh Tengnoupal in IGAR (S) thuso donbutna a thuso anei kit ahi. Michael Lamjathang injong November 21 ni’a donbutna thuso aneiya chule 12 Assam Rifles ho achung’a dihlou tah’a achon dan thuso kicheh tah’a aneiya, Tengnoupal Police leh CO, 12 Assam Rifles heng’a hiche thu’a ache na thu jong asei ahi. Mipi lungmong tah’a kichatna neilouva ava le theiding, thudih ‘a thutanna leh jana eikipeh ding hi bou kidei ahi, tin aseibe uvin ahi.

State sorkar leh Assam Rifles ‘a lamkai ho chule Union Home Ministry in hitobang thilsoh khonung ‘a aumkit louna ding’a pan alah diuvin thumna phabep anei uvin ahi. Assam Rifles PRO, IGAR (S) in thuso aneihi semthu chule mipi joulhep nading ahijeh’a alahdoh diu, chule Thadou Inpi, General Headquarters leh TSA in thumna anei bang’a Thadou chonna dungjuiya 12 Assam Rifles hon ngaidam athum diuvin thumna anei uvin ahi.

State police hon themmona nei ho chung’a gamsung dan dungjuiya thu atan diuvin jong thumna anei uvin ahi. November 27 kah’a thumna ho akibulhit louva ahileh TSA in National Highway (Imphal-Moreh, Imphal-Jiribam leh Imphal-Dimapur) lamlen ‘a November nisim 27 jan-kim’a kon bandh kipan ding ahi, tin gihna anei uvin ahi.

Mary Kom in khang thusim ading’a gold medal 6 sang ta

New Delhi, Nov 24 (ET): AIBA Women World Boxing Championship New Delhi khopi mun’a achelha jing lai ahitoh lhon’a India gamin’a panla MC Mary Kom in tuni final match anajo kit toh lhon in history ading in World Championship a Gold medal a gup (Six) vei channa ding in anakisan kit tan ahi. Hetthei khat chu MC Mary Kom hin 48kg category a final match achun Ukraine gammi Hanna Okhota chu unanimous 5-0 verdict in anajou in ahi.Alang khat ah Tuni a Mary Kom in Pachanna ahin mu tohlhon in Major General KP Singh, YSM, Inspertor General Assam Rifles (South) chule Assam Rifles a officials ho jousen kipathu aphong un ahi. Tuni a Mary in pachanna ahin kimu hi ama hinkho adding a Women’s World Boxing Championship a ajaona a Gold Medal akisan agupvei channa ahi tan ahi. Hiche tobang a genthei hahsat tamtah ahin thoh molsona hi Manipur gamsung a um khangthah houbou hilouva India gamsung a khangthah kichep golseh lampang a lunglut hon kijilna a aneithei u ahi tin aseiye.  Hiche aman alolhin na akon in Manipur gamsung a numei phabep lung ahin thohkhah a, ama tobang numei tampi’n pan ahinlah thah ding u jong adeisah thu ana phong un ahi.

Myanmar Army hon Haulenphai kho’a khosung mihon inn asah angah diuva seiyu; khosung miho lunglhai lou

Haulenphai, Nov 24(ET) : Myanmar Police/Army ho Saturday jingkah in Indo-Myanmar gamgi Haulenphai kho, Moreh ‘a alut uvin, inn kisa lai ho asuboi uvin, boina asem uvin ahi.

Admin, Eastern Mirror in thuso ajah jah chun media team hotoh thilso namun adel lut uvin, amun alhun-u, jingkah nidan 7.45 don chun OC Letkhohao Vaiphei leh SI Kaiminthang lamkaina’a Moreh Police chule Assam Rifles ho amun ‘a aum tauvin chule Myanmar Army hojong akinung le uvin, ahivang’a, amun’a kon mu phah ‘a um nalaiyu ahi.

Myanmar Army hon agam hop ‘a asei nau mun hi achesa January nisim 24 ni’a Forest Minister Shyamkumar in Forest Inspection Tour Programme abol na’a ‘Agar’ thingnou atu namun ahi. Lalkholun Haokip, Haulenphai kho haosapu in, India gam hopsung, ka kho uva inn kasah-u ahi, ahivang’a jingkah nidan 7 don ‘a Myanmar Army ho hung uva, gam hi Myanmar gam ahi, tia asei uva, inn kasah u kangah diuva aseiyu ahi, ati.

Moreh Police leh Assam Rifles ho thilsoh umchan kahetsah uvin, ahivang’a Indo-Myanmar gamgi ngah ‘a, India gam hopsung vengtup ding’a mopohna kipe’a Assam Rifles hon keiho heng’a inn kasah u kangah diuva joh eisei peh-u ahi, tin aseibe in ahi. Ipijeh ‘a Indian Army hon India gam hopsung ‘a India gam-mi hon inn asah lou diuva asei uham, tin Haolenphai khosung mihon thudoh anei uvin chule India gam-mi ho thaneina (rights) todoh ‘a India in Myanmar suh lunglhai ding agot ham, tin aseibe uvin ahi.

Masang ‘a kon hiche mun’a kachen u ahi’in, gam hi Haolenphai kho ‘a ahi, tin khosung mihon aseibe uvin ahi. “Haolenphai gam hopsung ahi tihi kicheh tah ahi’in, inn kakisah jom diu ahi”, ati. CO, 11 Assam Rifles in jingkah nidan 9.40 don ‘a thilso namun adel lut in chule SDPO Moreh Police leh ADC Moreh N Bankim in nidan 9.56 don ‘a thilso namun adel lut in ahi.

Indian Army ho umchan chung’a lunglhai loujeh’a Haolenphai khosung mihon lamlen ating/akhah uvin, inn sahna natoh achejom pi uvin ahi. Ahivang’a OC leh SI in khosung ajol uvin uvin, gamsung teni ‘a lamkai mopohna nei hon kihouna anei sung’a athil sah-u angah diuvin temna anei uvin ahi.

KBC Gambih No-7 Haosa le Deacon camp khumkha ana hita

Kangpokpi, Nov 24 (ET): Kuki Baptist Convention Gambih no. 7 hopsunga haosa le deacon ho camp ana kibol chu jani in khumkha ana hitan ahi. Hiche camp chu “Aw Pakai kagam sung u damsah un” ti thupi noi a Khoken Baptist Church munna ana kibol ahi. Camp kibol na achun  Rev. Dr. M. Thongkhosei Haokip, General secretary KBC, Rev. Demkhoneh Doungel, DP Haokip IRS, Principal commissioner Income Tax Deartment Govt. Of India, P. Doungel, ADGP Government of Manipur le  Rev. Lamkeng Lhouvum Gambih Pastor KBC No.7 ho resource person in ana pang uvin Jajai Singsit in camp sunga mipi kisuh hal na dingin Pathen Vahchoi la sah na ana nei in ahi. Rev. Doungel in ahou limna a  Daniel bung 5 sunga kon in tena(measurement) thum mangchan houlim na aneijin, DP Haokip in Nehemiah bung 3 sunga Jerusalem kelkot(Gate) som kisemphat nathu leh ama testimony chuleh Bible simlou akhohdan thua houlimna ana nei in ahi. Rev. Dr. M.Thongkhosei in KBC doi le tup chuleh kivaipohna thu asei in,  P.Doungel IPS in ama testimony leh taona leh ngailutna thua tilkhouna aneijin chuleh  Rev. Lamkeng Lhouvum in Devotion lamkaina anei in ahi.

Hiche camp sunga Haosa le village Authority thalheng 36 chuleh Houbung lamkai 35 leh Gambih lamkai 12 agoma 83 ahung kikhomdoh in ahi.

Camp sunga gelkhoh pen ana hichu Haosa ho leh Houbung lamkai ho kithokhom’a kho le veng chuleh Houbung iti khantousah ding ham ti a kitilkhouna chu ana hi in ahi. Camp kichai in  Haosa Upa leh lamkai ho mi 30 vel in Bible  2019 kumsunga simpan dingin kilhan na anei uvin ahi. Athang Haokip, chief of S.Saheibung in tua pat a gamsunga kikhelna umtei inte tin akinepna thu asei in chuleh hitabang camp hi namsung a amasapen ahitoh lhon a gambih lamkai ho chuleh Pastor pa chunga pachatna sangtah ana phong doh in ahi.

Camp kibol  lolhin na dinga sum le pai a hungpang doners ho, tha le junga pan hinla Khoken Baptist Church (host church) chuleh speaker, Artiste chuleh delegates ho jouse chunga Gambih thalheng Gambih Chairman Haokhongam Haokip le secretary Lalkhohao Lotzem in kipa thu ana sei lhon in ahi.

Ccpur sung boina chom chom ho chung’a hou lamkai ho in kihoukhomna nei

Ccpur, Nov 24 : Ccpur district sunga tulai thil chom chom a boina umtoh lhon a Pathen koma umpina thum na ding toh kisai in Gangpimol khosung Village Authority in kiloikhomna chom chom toh Pathen ang a boina ho lhut na ana bol uvin ahi. Hichekingon kipat masang chun Gangpimol haosa Henzagou Neihsiel inna phat chom khat ana mang uvin, Pastor GK Siam in phat pat na ana sem toh lhon in kipat na dingin taona ana nei in ahi.

Gangpimol khosung mun chom chom 6 a phat ana kimang in, MPCS te in Tangnuam lam a kingon ana nei uvin, UPC te in Mongphung bul a kikhop na ana nei uvin, ECS te in EBC hou inn a kikhopna ana nei uvin, KSP ho in Thaangdong Veng a kikhopna ana nei uvin, PCI R te in BSF Gate lam a ana nei uvin, EBCC IN Bezer Veng  a ana nei uvin ahi. Pastor Vungkhokai EOC in khousung adingin taona ana nei in ahi.

Mipiten company phabeb ho’a kon akichih thei ding uva Advocate Luwang in temna nei

Imphal, Nov 24(ET): Bombay leh Kolkata a khosa Deal Money Security Private Limited company khat in Manipur gamsung’a Jio leh Airtel tower tun na ding in mipite heng’a sum ana kilah kigot uvin ahi tin Indigenous People’s Rights Initiative Manipur a Executive Director, Advocate Korouhanba Luwang chun aseiyin ahi.

Hiche thilsoh chung chang thu’a kiloikhomna office mun’a press meet kibolna’a chun mipiten hitobang company akon akichih thei ding uvin hetsah na anei in chule hiche company a representative ho hin phone call leh whatsapp ho mangcha in mipite heng’a achesa October nisim 29 a kon chun sum ana kilah kigot pan tauvin ahi ati. Koitobang tower tunding deihon Indian Health Organisation Card leh Business Development Office Post mun’a Dk. 17,000/- atodoh ding uvin anasei  uvin chule jou le nal company ho’a kon mipite akichih thei ding uvin avel in temna anei in ahi.

Numei chapang 2 kisuhset nachung thu’a tuchan’a themchanna mu lhon lou lai

Imphal, Nov 24(ET): Vangset um tah achesa 2015 kum sung’a numei chapang 2 apalen in anasuset nchung’a tuni chan’a themchanna amu lhon lou lai jeh in apalen chung’a phulah ding lungel tuni chan in anei jing nalai lhon in ahi tin thulhut chun aseiye. Chule hiche numei chapang teni hi minsetna toh ahitah lhon in society sung’a jong dahdoh ngam talouvin genthei tah in hinkho aman lhon tan ahi.

Hiche toh kilhon’a lekhasim nalam’a lunglut nanei le thanom tah ahi lhon jeng vang in banjom ding jing a-insung mi dan’a um apalen in a-eng alouva abol lhon jeh in achom beh’a maban hinkho man joh din akilhen lhon jo tan ahi. Thuso miho hon hiche numei chapang teni thudoh anei nao’a vangsetna tohsa kahilhon jeh in nitin hinkho’a hahsat na lentah kahin toh jing toh lhon in kitha ding lunggel jong kananei lhon dapon ahi ati. Chule apenna lhon anu in achanu teni themchan sahding adeidan nathu jong asei in mona nei asopipa chung’a atatoh’a gotna lhunsah ding in ngehna jong ananeiyin ahi.

Mangal Rural Development Society in simlai hahsa ho kithopina anape u

Ccpur, Nov24 : Mangal Rural Development Society Imphal in tuni in Sinlung Tech, Nehru Marg munna Churachandpur district sunga inchen khosah hahsa simlai phabep laptop hop peh na ana nei uvin ahi. Hiche kingon chu Mangal Rural upliftment society partner le sale agent  Sinlung Tech neipa Jehovah L Varte kithopina tohgom a ana kibol ahi.

Kingon achun Simon L Hrangchal in Mnaipur State sunga inchen hahsa simlai ho ban a insung ijat ham jong kithopi thei chan a kiloikhomna in akithopi dan tahlang na ana nei in ahi. Surjit singh, Director Mangal rural upliftment society Imphal in inchen hahsa simlai 5 ang a laptop hopdoh na ananei in chuleh simlai 17 ang a jong kengkoh hopdoh na ana nei in ahi. Hetthei khat chu Mangal Rural Upliftment Society hin achesa 2015 kum a jong Tipaimukh lam a in sung 35 ang a jong Solar Lamp hop doh peh na ana nei uva, Moirang a jong solar street lamp lakh 3 lam man ana koipeh u ahi. Achesa November 2017 a MualVaiphei mun a jong Free Computer literacy awareness camp jong ana bol u ahi.

Minister Shyamkumar in Purul kho’a 1st Manipur Kiwifruit Festival leh Rural Market Shed hondohna nei

Senapati, Nov 24 : 2018 (DIPR): Horticulture and Soil Conservation Minister Thounaojam Shyamkumar in tunin ‘Kiwifruit for Rural Prosperity and Healthy Living’ ti thupi ‘a Purul Akutpa kho, Senapati district ‘a 1st Manipur Kiwifruit Festival hondohna aneitan ahi.

Festival hi jing nikho teng khumkha hiding ahi’in, Purul Akutpa khosung hi Imphal ‘a kon km 105 vel ‘a gamlha ahi. Ni-ni umding Kiwifruit Festival hi Senapati Producer’s Organisation of Organic Kiwifruit (SPOOK) in abol a chule Mission for Integrated Development of Horticulture (MIDH) in Horticulture and Soil Conservation Department, Manipur government leh ICAR Research Complex, NEH Region, Manipur Centre, Lamphelpat noiya atosot ahi.

MIDH scheme 2017-18 noiya kisa rural market shed jong Minister Shyamkumar in hondohna aneiyin, hiche hi Horticulture and Soil Conservation Department, Manipur government noi ahi. Rasha Hall mun’a festival hondohna aneina’a chief guest ‘a pang Minister Shyamkumar in Purul khosung miho heng’a nullah, twi kholna leh khosung in angaichat adang dang sah nading’a dangka lakh 20 kithopina peh ding’a kitepna aneiyin chule khosung mihon Minister pa heng’a khosung ‘a twi kholna (water reservoir) angaichat thu memorandum ‘a apeh masat diuvin aseiyin ahi.

Kiwifruit Festival hi loubol mihon kiwi lei bolna’a akiham bol cheh nau ahiding atahsanna thu aseiyin, mijousen pan alahkhom ‘a loubol miho atosot diuvin temna aneiyin ahi. Kiwi neh aphat na hohi gamsung mihon hetna’a jong aneidiu ahi, ati. Nga-vah hi Purul leh akimvel hon achepi ahetpehna thu aseiyin, mopohna nei department ho’a kon kithopina amu nading uva department ho kakijahmat pi ding ahi, ati. Forest Department leh Horticulture and Soil Conservation Department toh program chom chom hohi Purul ‘a akichepi theina ding’a kihouna kanei diu ahi, tinjong kitepna aneiyin ahi.

Khosung miho jo chan’a kithopina peh ding’a kitepna aneiyin chule khosung mihon gam-leh-go aventup diuvin temna jong aneiyin ahi. CM Biren lamkaina’a state sorkar in ‘Go to Village’ ission achepi hi khosung miho amun ‘a kimupi theina dinmun ahi’in, lamkai ho amun’a ache ‘a dinmun avetsui thei hin sorkar leh mipi akankhom ‘a, gamsung khantouna ding’a akithopi hiding ahi, ati.

Market shed ahondohna’a Minister pa in ahoulimna, hondohna kinei kailhang mun hi gamkai miho hahsatna su-ol ahiding akinepna thu aseiyin, chule gamkaiya kitu anche, thei leh adang dang hohi hiche mun’a soh thei ahi, ati. Kin-gon ‘a ‘1st Manipur Kiwifruit Festival’ kiti souvenir hondohna jong anei uvin, chule mipi vetnom ding entertainment program dang dang jong abol uvin ahi. Kiwifruit competition jong aumin ahi.

Chule kin-gon ‘a Kh. Siile Anthony, Director, (HRD), NEC, Shillong, Pankaj Kumar Prasad, MD, NERAMAC, Guwahati, Dr IM Singh, Joint Director i/c, ICAR RC NEHR, Manipur Circle, Ng. Ajit Singh, Joint Director (SC), Horticulture and Soil Conservation Department, MS Khaidem, Project Coordinator, SFAC, Manipur, Th. Kiran Singh, DDM (Senapati), NABARD chule Purul Akutpa khosung miho leh official dang dang jong apang uvin ahi.

Guwahati khopi’a ULFA-I toh kisaina nei mi 17 kiman

Guwahati, Nov 24 (ET): City Police hon thingnoi kiloikhom douna’a operation abol jom jing uvin, Saturday nikhon khopi sung mun chom chom ‘a konin ULFA-I  toh kisaina nei (linkmen) mi 17 aman uvin ahi.

Mi 17 hohi ULFA-I toh kisai case chom chom ‘a aman uvin, tu’a hi police khut’a um uva, police hon thudohna aneiyu ahi. “Operation kibol hi gamsung mun chom chom’a thingnoi toh kisai natohna aumjing jeh’a kivenna’a kibol ahi”, tin Ranjan Bhuyan, DC (Central) in aseiyin ahi.

Noonmati, Chandrapur, Paltanbazar chule khopi sung mun chom chom hi khoutah ‘a kingah ahi. Mi 17 hohi amaho ‘criminal record’ kive ‘a kiman ahi’in, amaho hin thingnoimi ho lhunna ding mun apeh-u ahi, tin Bhuyan in aseibe in ahi.

Akhil Gogoi in Citizenship Bill douna’a Facebook ‘a kiphinna lamkai ding

Guwahati, Nov 24 (ET): Krishak Mukti Sangram Samiti (KMSS) advisor Akhil Gogoi in social media thahatna alah’a Citizenship Amendment Bill, 2016 douna’a Facebook ‘a kiphinna athah ‘a apat ding ahi.

“November 26 nikho teng Bill doudalna’a Facebook ‘a campaign kipan ding ahi. Bill chungchang ‘a Joint Parliamentary Committee in November 27 nikho teng kihouna aneiding ahi”, tin Gogoi in thuso miho heng’a Saturday nikhon aseiyin ahi. “Assamese gam-mi jousen November 27 nikho hi ‘Protest Day’ a aman diuvin aseiyin chule artist, journalist, litterateur hon November 26 nikho teng Bill douna’a kiphinna kibolna ding’a amin u register abol diuva temna um ahi”, tin aseibe in ahi.

Gogoi in All Assam Students’ Union demna jong aneiyin, “AASU in Bill akilahdoh ding adeiya ahileh kiphinna ‘a pan la uhen lang, akiphinnau jouse hin dalha uhen”, tin aseiyin ahi.

Minister Biswajit in ‘Motor Cycle Rally’  hondohna neita

Imphal, Nov 24(ET).Works Minister Thongam Biswajit Singh in Hotel Imphal mun’a tuni jingkah in Myanmar jon ‘a ni 10 kalsong ding expedition team ho ‘motorcycle tour’ lhahdohna aneiyin ahi.

Expedition tour hi ‘Pack the Bag’ in tourism leh cultural integration dopsang nading’a agon ahi’in, India gamsung mun chom chom ‘a kon ‘biker’ 8 in pan alah ahi. Minister Biswajit in thuso miho akimupi na’a chun, expedition tour ‘ a gamsung mi chom chom 8 in pan alah ahitoh kilhon’a gamsung teni kiloikhomna leh kingailutna athahat sah ding ahi, tin aseiyin ahi.

Organiser hon gam chom chom ‘a kon kiloikhomna asem’a, hitobang pan alah jeh’a akipapina thu jong aseiyin ahi. Biker hohin Kalaymyo, Monyna, Mandalay, Inle Lake, Ragan, Yangon ajot pa diu ahi. State sorkar in Sangai Festival hi gamsung ‘a tourism sector, neh kisem ho, thil kisem ho vetsahna leh dopsang nading’a abol ahi, tinjong Minister pa in aseibe in ahi.

North East akhantou louleh India gamsung hi gam khangtou kiti theilou ding ahi, tin Biswajit in aseiyin chule biker hohin kingailutna thu apoh diuvin temna aneiyin ahi. ‘Flag off ceremony’ a Pack the Bag member hojong apang uvin ahi.

EDITORIAL

The Mess Miss Kut Controversy

         A controversy over the selection of Miss Kut title winner in respect of a district level Kut program this year has been unnecessarily dragged on for long to the extent of prompting the concerned committee appealing and warning all concerned to stop commenting on the issue.  Two main Kut (Chavang Kut) programs were done in Manipur this time – one, the State level ‘Kut’ at Kangpokpi and the other one – the district level ‘Chavang Kut’ at Chandel Sugnu. Luckily, no controversy emerged in respect of the State level Kut at Kangpokpi and scenes of rowdiness and crowd indiscipline were not heard of here, thanks to the organisers’ experiences and the whole hearted cooperation extended by the volunteers in ensuring a timely and controversy-free event. The controversy is with regard to the Miss Kut crowning at the district level Kut because of which even scenes of physical confrontations erupted amongst the kut revellers at the Kut venue. More than the emotional outburst displayed over the controversial selection of the Miss Kut title winner in the said Kut evening (late night!), it is the after effect of this controversial decision over the title winner selection which has made the “warring parties” take to all types of media bashing, accusations, clarifications, counter charges and even intimidations to take the issue to the Kuki traditional village (elder) chief’s court. The issue has been made a favourite item of gossip by social media enthusiasts. It should have been enough for social media discussions if at all necessary. However, the mole issue has been made a mountain one when the ‘conflicting individuals’ went to the print and visual media (newspaper and TV channel). This is too much and one of the most uncalled for things to do.

            Beauty pageants in Kut programs must be just for side attractions and certainly should not be the main issue. It won’t certainly be the end of the world for Miss Kut contest participants if they don’t win the crown or a sub title. The title winner (s) does not become a star and may not really determine their future. No title winner become richer by the cash prizes and those not winning ever loses big money in participating this gamble type contest. On the other hand, a mere participation certificate with contest gown dressed photos as proof is said to be enough to help many winners and non winners alike in getting jobs in the corporate sector, the aviation in particular. All participants in the Miss Kut contest equally have the platform and the opportunity to show their beauties and talents. It would be sheer narrow mindedness if title winners were to be selected on clannish considerations and favouritism. It would still be madness to indulge in controversies over such issues. Threats and counter threats of defamation suits or taking the matter to the traditional chief’s court over a district level beauty contest could be too much and even laughable. Concerned committees of any level kut in future may do well to select the right persons to select the Miss kut title winners. Controversies are easily avoided when justice and fairness is done and seen.