Economic blockade kiladoh louding; UNC lamkai teni ni 15 police khut’a umding

Economic blockade kiladoh louding; UNC lamkai teni ni 15 police khut’a umding

538
0
SHARE

Imphal, Feb 7: United Naga Council (UNC) in Tuesday nikhon Presidential Council Meeting abol uvin, Senapati district head quarter mun’a toukhomna aneina uva economic blockade lahdoh louva bol jom ding’in kilolna anei uvin ahi.
Union Home Affairs Ministry lamkaina’a achesa February nisim 3 nikho’a UNC, state sorkar leh centre sorkar in toukhomna anei jouva blockade kiladoh maithei ahi, tia kisei ahi. Alangkhat’a, Chief Judicial Magistrate (CJM) Imphal East court ang’a ding’a UNC president Gaidon Kamei leh S Stephen kal ni police khut’a um ding’in thulhuhna aumin, state sorkar in akilhadoh nading’a ngehna anei jou nung’a police khut’a um nalai ding’a kisei ahi, tin thulhut in aseibe’e.
State police hon February nisim 21 chan police khut’a um ding’a ngehna aneiyu CJM in asan peh ahi. Thulhut dungjuiya UNC in presidential council toukhomna aneina’a economic blockade lahdoh ding leh lahdoh louding thu giltah in seikhomna anei uve, ati. UNC ex-officio member leh council office bearer adang dang toukhomna apang uvin, ahin, court in UNC lamkai teni toukhomna’a pang ding’a phalna apehlou jeh in amani apang lhon tapoi. Mi phabep in economic blockade lahdoh ding’in aseiyun, ahin, council member atamjo in lahdoh lou ding’in aseiyui, ajeh chu UNC in thumna anei khatcha athu kilahpeh loulai ahi.
New Delhi khopi’a February nisim 3 nikho’a tripartite talk (toukhomna) aumna ‘a chun UNC in district athah 7 adeh’a Kangpokpi leh Jiribam revenue district kisem alahdoh diuva thumna aneiyu ahi’in, hiche chung’a UNC President Gaidon Kamei leh S Stephen alhadoh diuva jong thumna aneiyu ahi. State sorkar thalheng’a kalsong hon district thah kisem jeh aseiyun, adin pi uvin, ahin, UNC lamkai teni kilhadoh nading’a ngehna thu’a hi CM toh kihoumat ding’a aseiyu ahi. Thumna khatcha state sorkar in asan pehlou jeh’a UNC in kiphinna akehlen joh ding ginmo ahi, tin thulhut in aseibe in ahi.