DP Commissioner Bassi in India douna’a khangthah hon pan alah loudiuva gihna...

DP Commissioner Bassi in India douna’a khangthah hon pan alah loudiuva gihna nei

173
0
SHARE

 

New Delhi, Feb 15 (Zeenews): Parliament buluna thilsoh’a themmo kichan’a kikhailih Afzal Guru chungchang thu’a Jawaharlal Nehru University (JNU) mun’a boina aumjing laiyin Delhi Police hon India khangthah ho India gamsung douna natohna’a pan alah lou diuvin Sunday nikhon gihna anei uvin ahi.
“India khangthah hon India douna thu awging’a asap lou nadiuva Lashkar-e-Toiba chief Hafiz Saeed in tweet abol hi avel’a kavetsah-u ahi”, tin Delhi Police Commissioner BS Basssi in CNN IBN thuso’a aseiyin ahi. ‘Hiche hi JNU simlai holeh gamsung pumpi in ahet uva ajui diuva kisei ahi. Gamsung douna ding’a tilkhouna thu kisei hohi kilhep lhahsah hih uvin. Gamsung douna’a na kitong hohi gotna peh thei ahi”, tin Delhi Police hon Commissioner officer Twitter handle’a jong asei uvin ahi.
Centre in JNU student union president Kanhaiya Kumar chung’a ‘sedition charge’ jihna ding’a pan alah Bassi in atosot in, thukholna masa dunjuiya amahin India douna natohna’a pan alah ahi, ati. Tu masang chun Home Minister Rajnath Singh in sorkar in gamsung’a gamsung douna natong ho kingaidam louding ahi, tia anasei ahi. India douna’a awging’a thusam’a thudoh neiho koima kingaidam louding ahi. JNU mun’a India douna’a awging’a thusam ho gotna kipe ding ahi”, tia Rajnath in anasei ahi.