Dipti Sarna kipuimang thu police hon kholdoh ta; mi 5 kiman

Dipti Sarna kipuimang thu police hon kholdoh ta; mi 5 kiman

195
0
SHARE

 

Ghaziabad, Feb 15 (Zeenews): Ghaziabad Police hon kitepna ananei bang uvin Monday nikhon Dipti Sarna kikaimang na thu akholdoh tauvin, thilsoh toh kisaiya Sarna insung mite toh kinaicha um mikhat panna in mi 5 aman tauvin ahi.
Thilsoh chungchang’a police hon tunile thuso miho akimupi diu ahi in, Dipti kikaimang na’a mastermind hi Devendra kiti mikhat ahi, tin thulhut in aseiye. Devendra hi lunggel lhing behlou (psycho) setna lungthim lang’a chu’a mikhat ahi in, Sonipat, Haryana gam’a cheng ahi in, tu masang’a jong songkul’a anaum ahi. Kum 23 ‘a upa Snapdeal natong nu hi sangtah’a alungset’a chule akichenpi nom ahi. Devendra hi Dipti hi Nepal gam’a puiya inchen semkhom pi ding’a tohgon anei ahi in, ama lunggel’a Dipti hi kei ding’a kisem ahi, tia agel ahi.
Dipti in alangkhat’a, Devendra lunggel hi ahetphah lou ahi. Dipti kikaimang masang achesa February nisim 10 nikho’a chu Vaishali Metro Station’a kon a-inlam auto’a ahinjot ahi in, chule Devendra hin numeinu puimang nading’a tohgon aneijeh ‘a numeinu hi lhakhat val aguh’a ajui lhih jing ahi. Achesa February nisim 12 nikho’a akaimang ho khut’a kon Dipti hung jamdoh’a, chule mobile number akihe khalou khat’a kon apa Narendra Sarma phone abol’a, Delhi jotna train in katouvin, station’a eihung pui uvin, tia anasei ahi. Akaimang hohin numeinu atohkhah/asuhkhah louvu ahi. Apa jong police ho hetsah louva New Delhi Railway Station anache ahi.