Delhi Police’a SI 1 in numei 1 akaplih jouva ama-leh-ama kikap

Delhi Police’a SI 1 in numei 1 akaplih jouva ama-leh-ama kikap

158
0
SHARE

 

New Delhi, Jan 18 (Zeenews): Dehi Police Sub-Inspector khat in Dwarka mun’a Sunday nikhon numei khat akaplih jouvin ama-leh-ama akikap in, police pa hi All India Institute of Medical Science (AIIMS) ‘a pohlut ahitai.
Officer pa hi Vijendra Bishnoi (33), Rajasthan gam-mi ahi in, athi numeinu Nikita hitoh ajinei nung’a kingai lhon (extra marital affairs) ahi, tin senior police official khat in aseiye. Bishnoi amatah chung’a jong Rajasthan gam’a ainneipi in mi-vo (domestic violence) ‘a hehna asemkhum ahi, ati. Police hon asei nauva chun, Sunday nikho nidan 9.45 am don thilsoh ahi in, Bishnoi hin numeinu park’a akimupi ding’a akouva, phat chomkhat jong toukhom lhon’a kihoulim khom lhon ahi.
Hetman louva Bishnoi in meithal (service revolver) alahdoh’a numeinu hi a-op leh a-oi akap peh ahi. Akimvel’a um mipi hon adellut masang uva ama-leh-ama nivei kikap’a, meichang khat in a-oi akhah’a chule khat in a-op akhah ahi. Vengsung mihon police ho akou uva, hospital’a apohlut-u ahi in, numeinu hi athisa ahitai, tia doctor hon phondohna anei uva chule Bishnoi dinmun jong tu-le-tu’a seithei louva um ahi. AIIMS Trauma Centre’a tuhin aumin, amahin achesa 2008 kum’a sub-inspector ajop ahi in, West Delhi Ranhoula police station’a posting ahi.
Achesa kum 3 tobang numeinu hitoh sangtah’a kingailut na neiyin police hon aseiyun, chule a-insung mite cheh hetsahna akinei tai, ati. Bishnoi hi adam doh teng anatoh’a kon dismiss kibol ding’in jong aseibe’e. “Thilsoh toh kisaiyin hehna jihlut ahitan, thukholna akipan tai”, tin Joint Commissioner of Police (southwest) Dependra Pathak in aseiyin ahi.